Дэлгэрэнгүй
Татаж авах Docx
Дэлгэрэнгүй уншаарай
Бид өөрсдөө бусдад, тэрхүү сул дорой төрөлтнүүдэд, нялхас, ураг, гэмгүй амьтан-хүмүүст хор хүргэсээр байгаа атлаа өөрсдөө аврагдаж, хамгаалагдан, адислагдаж, хэрэгтэй бүхнээ эдлэн амьдарч болно гэсэн юм байхгүй. Бид хайр энэрэлтэй, эелдэг байх ёстой. Учир нь бид өөрсдөө бусдаас ч үүнийг хүсдэг. Бид Диваажингаас ч мөн үүнийг хүсдэг. Бид үүнийг өөрсдөө бүтээх ёстой. Бид энэ чанарыг сэтгэлдээ, сүнсэндээ тэтгэн хөгжүүлж байж л хаана ч очсон, хаана ч амьдарсан тийм чанаруудыг төрүүлж, түгээнэ. Сайн нь сайныг, муу нь мууг дагуулдгийг та нар мэднэ. Юу тарина, түүнийгээ л хураана. Та нар бүгд үүнийг мэднэ. Үйлийн үрийн тухай та нар бүгд мэднэ. Та нар Буддын шашинтан биш, Христийн шашинтан биш байсан ч “Юу тарина, түүнийгээ л хураана.” гэдгийг бүгд мэднэ. Надад нэг л зүйлийг дахин дахин давтаад байх шаардлага байхгүй. Та нар ухаантай шүү дээ! Гуйя, ямар байхыг бусдаас хүсдэг вэ, өөрөө тийм бай. Өөртэй тань яаж харьцахыг бусдаас хүсдэг шигээ бусадтай тэгж харьц. Өөрт тань ямар нэгэн зүйл, нөхцөл байдал, тусламж, тайтгаруулах үгс хэрэгтэй байх үед бусдаас авахыг хүсдэгийнхээ адил бусдад чадлаараа өг. Гуйя, гуйж байна, гуйя. Би та нарын дэлхийг, энэ биет гаргийг хамгаалах гэж үргэлж чадлынхаа хэрээр хичээж ирсэн. Гэхдээ би үүнийг үргэлж хийж чадна гэдгээ мэдэхгүй байна. Хэрэв үйлийн үр хэтэрхий их байвал сөрөг хүч та нарыг зовоон, хуурч, урхидан, уруу татаж, там руу аваачин, цаашдын илүү хүнд шийтгэл, тарчлал, өвдөлт, зовлонд унагах боломжтой болно. Үүнийг үгээр илэрхийлэх ч боломжгүй. Диваажингийн жаргал, аз жаргалыг үгээр үнэхээр дүрслэх боломжгүй. Тамын зовлон, өвдөлт, шаналал, тарчлалыг ч мөн үгээр дүрслэх аргагүй. Надад итгээрэй. Энэ бүхнийг та нарт хэлснээр би юу ч хожихгүй. Гуйя, гуйя, энэ дэлхийгээ анхаарч хамгаалаарай. Тэгвэл та нар эндээ үргэлжлүүлэн амьдарсаар хүүхдүүд, ач зээ, гуч, ирээдүй хойч үеийнхэндээ сайн өв үлдээж чадна. Тэд энэ гараг дээр энх тайван, Бурханы Хүслийн дагуу амьдарч байж л сайхан амьдрал, аз жаргалтай амьдралыг баталгаажуулан, дараа нь ялгуусан байдлаар Гэртээ буцаж, Тэнгэр дэх жинхэнэ Гэртээ бүр илүү, хавьгүй илүү их сайхан, илүү таатай, илүү аз жаргалтай, илүү жаргалант амьдралаар амьдрах болно. Дэлхийн Энх тайван, Дэлхийн Веган байдлыг үргэлжлүүлэхийн тулд бидэнд хийх ажил их байна. Гэхдээ энэ бүхэн биелнэ. Жаахан тэвчээртэй байгаарай. Сайн хүмүүс минь, миний Бурханы шавь нар минь, сайн үйл хийж, биет оршихуй утгаараа доогуур төрөлтнүүд гэгдэх амьтан-хүмүүсийг, бүр аварга том моддыг, гол мөрөн, нуур, далай тэнгисийг хүртэл хайрлаж буй сайн хүмүүс минь, тэд бүгдээрээ та нарт үйлчилж, туслахын тулд цэвэр, сайн оршин байх хэрэгтэй. Хэрэв бид энэ хэвээр үргэлжлүүлбэл уух ёстой бүх усаа хордуулна, эсвэл бүх ус шавхагдаж, тэгээд бид ямар ч байсан үхэх болно. Цөмийн дайны тухай ярих ч шаардлагагүй. Өдөр бүр хийж байгаа зүйлдээ анхааралтай байгаарай. Зөвхөн Их Багш нарын Сургаалын дагуу үйлд. Сайн бай, бүх зүйлд, ялангуяа өөртөө зөөлөн ханд. Өөртөө сайн зүйлийг л ид. Цус, мах өвчин дагуулдаг. Идэх тусам бие тань муудна, эмнэлэгт очиж хатгуулж, ухуулах нь ихэснэ, бүр хор лугаа эм уух шаардлагатай болж, тэр нь биеийг тань улам дордуулна. Веган байж, бусдад сайн хандаж, хоорондоо энх тайван байснаар биеэ тордоорой. Өөртөө ингэж л анхаарал тавина. Бид Оройн Дээд Бурхан болон Хэмжээлшгүй Хүчит Нэгдсэн Гурвалд талархах ёстойг би дахин сануулъя. Би задгай тэнгэрийн дор, гадаа агаарт өвдөг сөхрөн, нүднээсээ хацар даган бөмбөрөх нулимстайгаа Бурханд талархаж байна. Яагаад гэвэл энэ ялалт тийм хурдан болсон тул би өөрөө ч итгэж чадахгүй байсан. Учир нь одоо дэлхийн хаа сайгүй хүмүүс олон төрлийн хэрэгцээт зүйлээр, тэр бүү хэл хоол хүнсээр, шатахуунаар хүртэл дутагдаж байна. Хэрэв эдгээр олон зүйл байхгүй бол бид гэрэл цахилгаан ч байхгүй, ер нь амьд үлдэх ямар ч зүйлгүй болох байсан. Тэгээд энэ маш богино хугацаанд болсон. Дайн ингэж шууд зогссон. Энэ бүгд дэлхийд нөлөөлсөн учраас дэлхийн дайн байсан юм. Өөр өөр орны бүх иргэн үүнд өртлөө. Иймд өөр зэвсэг ч хэрэглэлгүйгээр энэ үнэхээр дэлхийн дайн. Та нар үүнийг мэднэ. Та нар үүнийг харж байгаа. Бурхан минь, заримдаа мэдээ шалгах үедээ, мэдээний бүлэгт мэдээ явуулах ажил надад бас байдаг юм. Бид бүгд үүнийг хамт хийдэг, зөвхөн би ганцаараа ч биш. Гэхдээ энэ бүхнийг харахдаа, Бурхан минь, би бараг л муужрах шахдаг. Би бараг унах шахдаг. Яагаад гэвэл хүмүүс энэ бүхнийг яаж тэсэх юм бэ? Тэд яаж амьдрах юм бэ? Ялангуяа яг одоо нярай хүүхдүүд, хүүхдүүд яаж амьд үлдэж, өсөж торниод бүгдээрээ цаашид амьдрахын тулд өөрсдийн авьяас, оюун ухаанаар яаж хувь нэмэр оруулах юм бэ? Химийн бодис, металлаас эхлээд сав баглаа боодол, электроник хүртэл. Дайн дэлхийн газрын тос, хийн урсгалыг тасалдуулж буй энэ үед олон салбар эрчим хүч, түүхий эдийн үнийн өсөлттэй нүүр тулж байна. Олон улсын валютын сан Ираны дайн дэлхий нийтийн эдийн засгийн уналтыг өдөөж болзошгүй гэж мэдэгдлээ. Гэхдээ Их Британи Их 7-гийн орнуудаас хүнд цохилтод өртөх төлөвтэй байна. Хэр зэрэг хүнд байх нь одоогоор тодорхойгүй. Пүрэв гарагт нийтэлсэн, хүлээлтээс давсан өсөлтийн үзүүлэлтүүд нь мөргөлдөөн эхлэхээс өмнөх үеийнх байсан юм. Гэхдээ нөлөөг нь бүх тив мэдэрнэ. Нуруун дээр хүнд ачаа байхад түүнийг дүүргэхэд бүр ч хүнд дарамт болно. Ойрх Дорнод дахь дайны дам нөлөө Бразилын хэдэн мянган километрийн цаадах гал тогоонд хүрч, ялангуяа фавела буюу ядуусын хороололд олон айл өрх хоол хийх хийн үнийн өсөлтийг дийлэхгүй байна. Нэлээд хүнд өвдсөн хүүхдүүдийг харж байна. Тэд хоол тэжээлийн дутагдалд оржээ. Бид саяхан тогтворжуулах төв рүү шилжсэн нэг эмэгтэйтэй ярилцсан юм. Хүүхэд нь амьсгалахад хүндрэлтэй байгаа тул тусламж авахаар ирсэн гэж энд олон хүн хэлж байгаа ч ус, хоол хүнс хүрэлцээгүй учраас тэрхүү тусламжаа авч чадахгүй байна. Хүмүүс аргацаан амьдарч байна. Тэд хүнд нөхцөлд амьдарч байна. Тэд амьд үлдэхийн тулд бие биедээ тусалж байна. ГЭХ МЭТ… Маш олон нялх үр төрөхөөсөө ч өмнө устгагдаж байна. Бид амьдрал, өв соёл, зохион бүтээл, энэ гаргийг авч үлдэх хүчин чармайлтаа үргэлжлүүлэх ирээдүй хойч үеийг яаж бий болгох юм бэ? Би хэдийнээ хэт хөгширчээ. Юу гэх гэсэн юм гэхээр хэдийгээр бие минь тэгтлээ өтөлсөн мэт санагддаггүй ч би өөрийгөө хэдийн их хөгшин гэж боддог. Мөн би одоо ч ердийнхөөрөө ажиллаж чадна. Гэхдээ ирээдүй хойч үе, хүүхдүүд, ач зээ, гуч, жич нарынхаа тухай та нар бодох ёстой. Та нар тэднийг бүх гамшгаас аль болох хамгаалах ёстой. Намайг сонсоорой. Өөрийгөө, хүүхдүүдээ хамгаалах хамгийн эхний зүйл бол веган байх явдал юм. Зөвхөн хүнийг биш, амьтан-хүмүүс, мод, өт хорхой, шувуу-хүмүүс, загас-хүмүүсийг ч гэсэн бүү хөнөө. Тэд та нарт хор хүргэдэггүй. Та нар сонсож чаддаг бол тэд өдөр бүр амьдралаа хэрхэн илүү зөв авч явах тухай янз бүрийн зөвлөгөө өгдөг. Гэвч та нар сонсож чаддаггүй. Учир нь өөрсдийгөө эрлийз болгочихсон. Та нар оюун ухаан, билиг ухаандаа зохимжгүй, Бурхан бүх хүнд энэ гараг дээр оршин тогтнохоос нь ч өмнө хайрласан бүхнийг мэдэх чадвартаа нийцэхгүй элдэв зүйлийн юм иддэг. Өдөр бүр өглөөгүүр олон шувуу-хүн, хэдэн зуугаараа ирдэг. Тэд өглөө эрт ирж, надад дуулж өгөн, олон зүйл хэлдэг. Би юу хийхээ үргэлж санаад байж чаддаггүй. Харин тэд ирж сануулан, тэгээд бүх зүйл төгс болдог. Жишээ нь: “Тийшээ бүү яв. Энд доош битгий буу. Учир нь, учир нь, учир нь…” Маш олон осол, таагүй зүйлийг зогсоож, зайлуулсан. Учир нь шувуу-хүмүүс, хэрэм-хүмүүс, зэрлэг муур-хүмүүс, аалз-, зэргэлдээх хөршийн нохой-хүмүүс, буга-хүмүүс гээд бүгд ирж, надад олон зүйлийг сануулдаг. Би ажиллаж байхдаа, тухайлбал Суприм Мастер Телевизийн ажилд төвлөрөн ажиллаж байхдаа дотоод бүх мессежийг сонсох анхааралтай байж чаддаггүй. Тиймээс Бурхан надтай ихэвчлэн шөнө, ажилгүй үед, ертөнцийн ажлаа дуусгасны минь дараа ярьдаг. Гэхдээ тэр ч бас амар биш. Учир нь заримдаа би бүтэн шөнөжин ажиллах хэрэгтэй болдог. Өдрийн цагт болохоор би өөр зүйл хийгээд завгүй байдаг. Интернэтээ хянах, мэдээ хайх, ажлын тайлангуудаа хянах гээд олон зүйл бий. Эсвэл зарим ажилтан маань өөд болбол би тэрийг ч бас зохицуулах ёстой. Биечлэн зохицуулж, жишээ нь гэрээс гарагчийг гэр бүлтэй нь уулзуулахаар явуулах, хүссэн ёсоор нь аятайхан оршуулга хийхэд нь бага зэрэг санхүүгийн тусламж үзүүлэх зэрэг. Дараа нь эмгэнэлийн цэцэг, бэлэг илгээж, тэнд нь бясалгал хийж, сүнсийг нь илүү амгалан, илүү өндөр түвшинд хүрэхэд туслах гэх мэт. Надад хийх ажил маш их байдаг. Майханд амьдардаг байсан ч ажил тасрахгүй. Өдрийн цагаар бүх бүтээлгээ авах хэрэгтэй. Шөнө нь дулаан байлгахын тулд буцаагаад бүтээнэ. Жишээ нь иймэрхүү. Олон зүйл, маш олон жижиг сажиг зүйл. Олон утсаа цэнэглэх хэрэгтэй. Учир нь утас бүр өөр өөр үүрэгтэй. Нэг утас нь мэдээлэлд, нөгөө нь дараа дахин шалгах зүйл хадгалахад, бас нэг нь гарчиг, зургийг хуулж мэдээний баг руугаа илгээхэд гэх мэт. Маш олон зүйл, бүх зүйл. Өмссөн хувцсаа хүртэл угааж, хатаахаар өлгөх хэрэгтэй гэхчлэн. Зэрлэг ойд амьдрах нь байшинд, жирийн хотын байшинд амьдарч байгаатай адил амар биш. Жишээ нь юмаа угааж хатаах зэрэг нь байшинд байхаас арай хүндрэлтэй, бас илүү ажиллагаатай. Та нар хувцсаа зүгээр л машинд хийгээд хэдэн товч дарахад л болчихдог. Тэр бүү хэл дууссаныг нь ч хэлээд өгчихнө. Жишээ нь иймэрхүү. Хотод бүх зүйл илүү тав тухтай. Мэдээж би үүнийг мэднэ. Би тэнд амьдарч байсан. Гэхдээ одоо надад байшин байгаа ч амьдарч болохгүй. Машин байгаа ч унаж болохгүй. Хүмүүс байлаа ч би тэднийг хувийнхаа ажилд ашиглаж чадахгүй. Үүнийг ойлгож байна уу? Тиймээс жижиг зүйл бүр цаг авдаг. Би тасралтгүй завгүй байдаг. Мөн би Бурханы шавь нараа, намайг танихгүй ч цөхрөнгөө баран тусламж дуудаж буй хүмүүсийг ч бас анхаарах ёстой. Хэрэв тэд үнэхээр чин сэтгэлээсээ гуйвал би тэдэнд бас тусалдаг. Одоохондоо энэ л байх шиг байна. Өнөөдөр надад хийх ажил маш их байгаа тул дараа та нартай ярья. Та бүхэн амьдралынхаа аль ч үед, ялангуяа маш хэцүү цөхөрсөн байдалд орох үедээ Бурханы Хайр, Бурханы Адисыг мэдэрч, хүлээн авч, таньж байх болтугай. БУРХАНД залбиран, БУРХАНД итгэж, БУРХАНЫГ санан дурсахыг ариун дагшин, байнгын дадал болгоорой. Тэгвэл хэзээ ч, ялангуяа уйтгар гунигтай үедээ, эсвэл эндээс явах цаг тань болоход ганцаардаж, хөөрхийлөлтэй байдалд орохгүй! Бурхан биднийг хайрлаж, бид бүгдийг ивээн, бид бүгдийг өршөөх болтугай. Амен. Баярлалаа, Эзэн минь. Photo Caption: “ГЭРЛИЙГ Угтахын Тулд ЗҮРХ СЭТГЭЛЭЭ НЭЭ.”
