Дэлгэрэнгүй
Татаж авах Docx
Дэлгэрэнгүй уншаарай
Сайн байцгаана уу, Хайртууд минь? БУРХАНД талархан мэндчилье. Өнөөдөр, 17-ны өглөө эрт би Залуу үеийнхний Хаантай уулзахаар хүлээсээр байлаа. Гэвч уулзалт болсонгүй. Харин удалгүй хүчтэй бөгөөд удаан үргэлжилсэн бүрээн дуу гарав. Яг ч бүрээ шиг биш, маш уянгалаг сонсогдсон. Гэхдээ үүнд тохирох өөр дуу байхгүй тул би бүрээ гэж хэлж байгаа юм. Энэ бол дээд өнгийн авиа. Үхэр(-хүн)-ий эвэр зэрэг зүйлээр хийсэн гар хийцийн жирийн бүрээг үлээхтэй адил энгийн бүрээний дуу биш. Тиймээс би “Уулзалт яагаад болохгүй байна вэ?” гэж асуулаа. Тэгэхэд Энх тайвны Хаан надад “Таныг дэлхийн хүмүүс шүтдэг.” гэсэн утгатай зүйл хэлсэн. Үүнийг урьдын адил янз бүрийн эх сурвалж олон удаа давтан хэлсэн. Тэгээд би урьдын адил дахин “Гуйя, гуйя, зөвхөн БУРХАНЫГ л шүтээрэй. Намайг шүтдэг хэн боловч зөвхөн БУРХАНЫГ л шүт гэж хэлж өгнө үү. Би өөрийгөө тийм хүндлэл хүлээхүйц зохистой гэж боддоггүй. Бид Төгс Хүчит БУРХАНТАЙ эргэн нэгдсэн ч миний даруухан, ертөнцийн бодлоор би ердөө өчүүхэн сүрэл төдий.” гэв. Үүний дараа БУРХАН буюу бидний MAПA надад одоогоор алс холын ертөнцүүдийн өөр өөр Хаадтай хийхээр төлөвлөсөн уулзалтууд цаашид байхгүй болсон шалтгааныг хэлсэн. Энэ бол Түүний шууд айлдсан айлдвар, үг: “Хайрт Охин минь, энх тайван энд ирсэн тул дэлхийн энх тайвны төлөө Та одоо дэлхийн үйлийн үрийг маш хүчтэйгээр, бүр аминд тултал мэдэрч байна. Тиймээс Таныг тэнхэртэл алс холын ертөнцүүдийн Хаадтай хийх уулзалтуудыг бид зогсоолоо.” Ингэж айлдсан. Би үнэхээр маш их сульдаж, дорой байна. Гэхдээ би та нарын төлөө энд байсаар байгаа. Их санаа зовох хэрэггүй шүү. Би холын хол ертөнцүүдийн Хаадтай хийсэн бүх яриаг цуглуулахыг хичээнэ ээ. Хэдийнээ гурав, дөрөв бий. Уучлаарай, яг одоо бол би ихийг санахгүй байна. Гэхдээ энэ багцын эхний хэсгийг та нарт илгээе. Дараа нь надад байгаа бусад бичлэг тэмдэглэлүүдээр үргэлжлүүлцгээе. Боломжоороо дуу хоолойгоороо бичиж аваад, дараа нь сонсож, буулган бичихийг оролдох нь дээр юм шиг байна. Эсвэл та нар надад тусалж, энэ олон тасархай тэмдэглэлүүдийг нэгтгэн бичээд буцааж болох юм. Тэгвэл би нарийн ширийн юмсыг илүү сайн санах байх. Тэгвэл бид арай томхон дэлгэрэнгүй тэмдэглэл, эсвэл та нарт хэрэгтэй чухал гол мэдээллийг гаргаж чадна. Баярлалаа, хайртууд минь. Тэвчээртэй байгаарай. Өнөөг хүртэл холын хол ертөнцүүдийн бүх Хаантай ярилцах ийм боломж, эрх дарх олгосонд би БУРХАНД талархаж байна. Тэдний нэг нь эндээс бүр хэдэн зиллион гэрлийн жилийн алсад байдаг. За, хайртууд минь, бид энэ гараг болон Түүн дээр зэрэгцэн оршигчдыг аврахад туслахаар чадах чинээгээрээ ажилласаар байх болно. Та бүхний хайр дүүрэн тусламжид гялайлаа. БУРХАН та бүхэнд Өөрийн Хайрыг үүрд мэдрүүлсээр байх болтугай. Та нарыг гэсэн миний хайр ч мөн хязгааргүй. БУРХАНЫ ИВЭЭЛД талархъя. Амен. Өнөөдөр, 2026 оны 6-р сарын 20-нд өөрөө ч итгэж чадамгүй онцгой мэдээ надад ирлээ. Бүтэхгүй болчих вий гэж санаа зовон, энэ тухай ярихыг ч зүрхлэхгүй байна. Ярих уу? Тэгвэл мартахгүйн тулд өөртөө л хэлчихье. Диваажингийн Аялгуу намайг сэрээсний дараа МАПА надад ингэж хэллээ. Би энх тайван удаан тогтож, хүмүүс илүү нинжин сэтгэлтэй болоосой гэж бясалгаж ирсэн. Өө, би үнэхээр ядарч байна. МАПА “Дэлхийн энх тайван ирлээ.” гэв. Би тэрхүү Аялгуу юунд зориулагдсаныг асуулаа. Учир нь Аялгуу ирэх бүрдээ Арьяабалын бясалгалдаа сонсдог ердийн (дотоод Диваажингийн) Аялгуу биш, Бясалгалдаа сонсдог ердийн Аялгуу биш, маш онцгой Аялгуу байдаг. Ирэхэд нь та нар өөрсдөө мэднэ. Энэ дэлхийд тийм Аялгуу байхгүй. Үнэхээр онцгой. Мэдэхгүй өнгөрөх аргагүй. Тэрхүү Аялгууг ирэхээр би ямар нэг юм болж буйг, миний бие махбодын тархи, бодол сэтгэлд Диваажингийн Таалал, Диваажингийн захиас, эсвэл Диваажингийн заавар, Диваажингийн тайтгарлын үгийг таниулах нэгэн айлдвар байгааг мэддэг. Тэгээд өнөөдөр МАПА надад Дэлхийн Энх Тайван ирлээ гэж хэлсэн. Би дотроо “За, Эзэнтэн минь, би үүнийг өмнө нь олон удаа сонссон ч тэр бүр биелээгүй.” гэж бодлоо. Саяхан Ирантай энх тайван тогтсон нь гайхалтай байсан ч удаан тогтохгүй байж магадгүй гэж санаа зовсондоо би сэтгэл дүүрэн хөөрөн баярлаж зүрхлэхгүй л байна. Гэхдээ энэ удаа удаан тогтох шинжтэй. Бид дэлхийн энх тайван удаан үргэлжлэхийн төлөө Гуань Инь бясалгалаа (дотоод Диваажингийн Аялгууны бясалгалаа) илүүтэй хийж, Арьяабалын бясалгалын хэдэн цагаа дэлхийн энх тайванд зориулъя. Ингэснээр хамгийн сүүлд буюу өчигдөр ярилцсан Хаан болох Саи Хааны зөвлөмжийн дагуу энэ нь удаан тогтноно. Та нар санаж байгаа байх, Түүний хэлснээр дэлхийн энх тайвны эртний нууц томьёо үр нөлөөгөө зарим талаар алдсан тул Энх Тайван удаан тогтохгүй. Тиймээс Арьяабалын бясалгал үүнд тусална. Мэдээж Орос, Украин (Урейн)-ы хооронд энх тайван тогтоно гэж надад өмнө нь хэлж байсан. Гэвч би тэр мэдээлэлд бараг итгэж чадаагүй. Харин өнөөдөр энэ үнэхээр биелээсэй гэж найдаж байна. Тиймээс одоо би юу болохыг, ер нь болох эсэхийг, зүгээр л баталгаа, илүү баталгаа, дэлгэрэнгүй зүйлсийг асууя. Тийм ээ, 2026 оны 6-р сарын 20-ны өглөө эрт. Гэсэн ч энэ бүхнийг та нарт хэлэх эсэхдээ эргэлзсээр байна. Учир нь олон удаа урьдчилан хэлж болох байсан ч дараа нь биелээгүй. Гэхдээ надад алдах юм байхгүй л дээ. Ерөөс дэлхий ийм л байдаг хойно. Энх тайвны төлөөх миний зөвлөгөө болон чин сэтгэлийн үгийг хүмүүс сонсох эсэхээс үл хамааран энх тайван биеллээ олж байна. Дэлхийн хүмүүс намайг сонсдог эсэхэд би эргэлзэж байна. Олон удаа шувуу-хүмүүс захиас авчирч, янз бүрийн Хаад, Диваажингийн Бурхад, Дарь эхүүд “Дэлхийн хүмүүс Таныг шүтэх болно. Дэлхийн хүмүүс Таныг шүтэж байна. Дэлхийн хүмүүс Танд хайртай.” гэх мэт зүйл хэлж байсан. Би жаахан инээгээд “Тэд намайг хороочихгүй, ямар нэг байдлаар хорлохгүй л бол би БУРХАНД аль хэдийн ихэд талархана. Надад үүнээс өөрөөр сайхан хандах тухай бүр ярилтгүй.” гэж хэлсэн. Өнөөг хүртэл миний хамгийн ихээр өөрийгөө зольж зүтгэсэн тэр улс бол миний сургаал, үгсийг хуулбарлан, мөнгө, нэр алдрын төлөө гаднах хүмүүсийг төөрөлдүүлж, өсвөр насныханд хүртэл хор хүргэн, ивээлд минь багтаж байсан ч бай, гаднын хүмүүс ч бай ялгаагүй намайг эцэс төгсгөлгүй гүтгэх хүн олон байдаг улс болж. Ай даа. Тиймээс өөрийнхөө тухай эерэг зүйлд итгэх надад маш хэцүү. Сайн айлдваруудад итгэдэггүйдээ биш, харин хүн төрөлхтний бодол сэтгэл маш хурдан өөрчлөгддөг, үйлийн үр нь асар тогтворгүй. Өнөөдөр сайн, маргааш үгүй. Хэн ч байсан толгой эргэмээр. Тиймээс энэ удаад энэ үнэхээр бүтэж, Дэлхийн Энх Тайван үнэхээр ирж, ядаж л хүмүүс маргаашаас айх юмгүй амьдралаа үргэлжлүүлэх боломжтой болоосой гэж найдаж байна. Ядаж л хүүхдүүд аюулгүй гэдгээ мэдрэн, сургуульдаа явж, гэртээ эсэн мэнд буцаж ирнэ гэдгээ мэддэг байгаасай. Ядаж та нар, надад итгэгчид, мөн би өөрөө ч амар амгалан байх юм сан. Энэ бүх мунхаг хэрцгийлэл дунд хүн төрөлхтний зовлонгийн төлөө бид өдөр бүр уйлах шаардлагагүй болно. Ядаж та бид өвдөг сөхрөн БУРХАНД талархахад л болно. Өөр юуны ч төлөө уйлахгүй, Дэлхийн Энх Тайвны төлөө хамгийн ядуу гуйлгачин шиг гуйж мөргөхгүй, зүрх маань цусаар уйлахгүй болно. Тэгээд бид БУРХАН бид бүгдэд өгсөн нэгэн гараг дээр амьдарч буй сул дорой, хамгаалалтгүй төрөлтнүүдэд хүн төрөлхтөн сэтгэлгүй, мунхаг хэрцгий хандаж буй зовлон шаналлынх нь дүр зургийг харж ч зүрхлэхээргүй тэгтлээ их зовж буй хөөрхий гэмгүй амьтан-хүмүүсийн төлөө, дэлхий веган болохын төлөө л илүү их залбирна. Photo Caption: “Бүгд эрх чөлөөтэй тэлнэ”
