Клиник үхлийн тохиолдлын олон ангит цувралын 29-р хэсэг: Өөр гарагуудад зочилсон нь

Зарим ертөнцөд огтхон ч муу зүйл байхгүй, харин энэ нь үнэхээр Дэлхий дээрх Диваажин мэт байдаг. Ухаалаг оршихуй бүхэн эцэстээ тийм түвшинд хүрч хөгжих учиртай. Мэдээжийн хэрэг тэндхийн бүх оршин суугч бие биетэйгээ, мөн гараг ертөнцтэйгөө бүрэн зохицон амьдардаг.

Өнөөдрийн дугаарт бид сансар огторгуйгаар аялж, Дэлхийгээс гаднах оюун ухаант амьдралыг харсан хүмүүсийн нууцлаг тохиолдлуудыг онцолж байна.

Эхлээд бид Шарон Сананда Кумарагийн клиник үхлийн тохиолдлыг толилуулъя. 2001 онд хатагтай Кумара АНУ-ын Техас мужийн Гуадалупе гол дээр найзуудтайгаа өдрийг хөгжилтэй өнгөрөөсний дараа машин руугаа буцаж очихын тулд чиргүүлтэй жижиг сургуулийн автобусанд суужээ. Бүх суудал дүүрсэн байсан тул тэрээр ослын гарцын хаалганы ойролцоох арын хэсэгт зогсож явсан байна. Жолоо барьж байх үедээ жолооч араагаа солиход автобус гэнэт хүчтэй донсолжээ. Хатагтай Кумара ослын гарцын хаалгыг хүчтэй мөргөхөд хаалга онгойв. Тэрээр автобуснаас унаж, чиргүүлийн холбоос төмрийг мөргөж, чиргүүлийн нэг дугуйнд дайруулжээ. Тэр даруй тэрээр өөрийгөө биеэсээ гарсан буйг мэдэрсэн байна.

Нөгөө ертөнцөд тэрээр өөд болсон гэр бүлийнхэнтэйгээ дахин уулзжээ. Тэгээд Эзэн Есүс Христ (цагаан хоолтон) буюу түүний нэрлэснээр Ешуа түүний өмнө гарч ирэв.

ТҮҮНИЙГ хараад танимагцаа би ТҮҮН рүү нисэн очсон. ТҮҮНИЙГ ямар их санаснаа би тэр үед л ойлгосон. ТЭР намайг тэврэн авсан. Бид бие биеэ тэврэв. ТЭРЭЭР хамгийн түрүүнд “Чиний цаг болоогүй байна.” гэж хэлсэн. Харин би “Би ТАНТАЙ хамт үлдмээр байна”” гэж хэлсэн. ТЭР намуухан инээмсэглэж, бүр инээдээ барьж ядан инээхийг нь сонсов. Тэгээд ТЭР гараа сунган, миний эрүүг зөөлөн өргөхөд би ТҮҮНИЙ нүд рүү харлаа. ТҮҮНИЙ нүд цэнхэр өнгөтэй, маш тод цэнхэр, төсөөлж болох хамгийн тод цэнхэр өнгөтэй. Би ТҮҮНИЙ нүдээр Орчлон ертөнцийг харж буйгаа ухаарсан. ТЭР надаас “Чи НАДТАЙ хамт аялалд гармаар байна уу?” гэж асуув. Мэдээж би зөвшөөрсөн. ТЭР над руу ӨӨРИЙНХӨӨ мутрыг сунгалаа. Тэгээд би ТҮҮНИЙ гарыг атгав.

Ешуа хатагтай Кумараг сансар огторгуйгаар аялуулж, олон гэрэл, од, гаргийг үзүүлжээ. Удалгүй тэд үзэсгэлэнт оюу номин өнгөт усан гараг дээр ирэхэд хатагтай Кумара үүнийг өөрийн төрөлх ертөнц болохыг танилаа.

Бид тэр гараг руу ойртох тусам миний дурсамжууд эргэн сэргэж эхэлсэн. Би энэхүү усан гаргийн ухамсартай нэгдэж эхэлж байгаагаа мэдэрсэн.

Дараа нь хатагтай Кумара өөрөө тэрхүү гараг болсон мэт мэдрэмжийг мэдэрсэн байна.

Би өөрийгөө энэ гаргийн бие, энэ усан гаргийн ухамсар болсныг мэдэрсэн. Мөн би өөрийн бие болсон тэр гараг дээр амьдарч буй бүх төрөлтнийг гэсэн хэмжээлшгүй их хайр, халамжийг мэдэрсэн.

Дараа нь Кумара, Ешуа хоёр гаргийн ус руу шумбан оржээ.

Тэгээд би энэ гараг дээрх усан оршихуй, өөрөөр хэлбэл “лусын дагина” гэж нэрлэдэг зүйл болсон гэдгээ ухаарсан. Бидний “лусын дагина” гэж нэрлэх зүйл бол үндсэндээ биеийн дээд хэсэг нь хүнтэй адил, харин доод хэсэг нь хайрстай, загасны сүүлтэй. Намайг гэр бүлийнхэн маань угтан авч, би тэндхийн усны амьтдын нэг болох “лусын дагина”-ы нэг болсон. Би гэр бүлээ, ханиа, хүүхдүүдээ таньж, хүүхдүүдтэй гэдгээ мэдсэн. Би тэндхийн эцэг эх, өвөг дээдэс, нутгийнхантайгаа дахин уулзсан. Энэ бүхэн миний зүрх сэтгэл, сүнсийг үнэхээр ариусган, эдгээж байгаа мэт санагдсан.

Эцэст нь хатагтай Кумара Ешуатай хамт байхдаа сурсан хамгийн чухал сургамжаа хуваалцаж байна.

ТҮҮНЭЭС миний хамгийн ихээр сурсан зүйл, мөн ТҮҮНИЙ надад хамгийн түрүүнд заасан зүйл бол БУРХАН бол Хайр, бид БУРХАНЫ илэрхийлэл бөгөөд бид бол Хайр юм гэсэн үнэн байлаа. Бидний мөн чанар бол Хайр. Бид энэ ертөнцөд хайрыг илэрхийлж, санахын тулд ирсэн бөгөөд энэ бол бидний гол зорилго юм.

Хатагтай Кумара, бид бүх оршихуйд нөхцөл болзолгүй хайр энэрлийг түгээх үедээ Төгс Хүчит БУРХАНЫ адис ерөөлийг дэлхийд хүргэж, хүн төрөлхтнийг дэвшүүлэх хэрэгсэл болж чаддаг гэдгийг бидэнд дахин сануулсанд баярлалаа.

Шарон Сананда Кумарагийн талаар дэлгэрэнгүй мэдээлэл авах бол доорх хаягаар зочлоорой. sharonsananda.com

Одоо бид Христийн шашны номлогч Ховард Стормын клиник үхлийн тохиолдлын нэг хэсгийг хуваалцах болно. Ноён Сторм клиник үхлийн үеэр Диваажин, тамд очиж, Эзэн Есүс Христ (цагаан хоолтон)-тэй цагийг өнгөрүүлжээ. Эзэн Есүстэй ярилцаж байхдаа тэрээр Орчлон ертөнц даяарх өндөр хөгжилтэй соёл иргэншлийн талаарх илчлэлүүдийг харсан байна..

Зарим ертөнцөд огтхон ч муу зүйл байхгүй, харин энэ нь үнэхээр Дэлхий дээрх Диваажин мэт байдаг. Ухаалаг оршихуй бүхэн эцэстээ тийм түвшинд хүрч хөгжих учиртай. Мэдээжийн хэрэг тэндхийн бүх оршин суугч бие биетэйгээ, мөн гараг ертөнцтэйгөө бүрэн зохицон амьдардаг.

Би Есүсээс бусад ертөнцийн хүмүүс ямар төрхтэй байдаг талаар асуухад ТЭР “Энд би чамд үзүүлье.” гэж хэлээд миний өмнүүр харь гаргийн төрөлтнүүдийг дараалан харуулсан. Тэд эхэндээ хүнтэй төстэй төрхтэй байв. Магадгүй чих нь арай урт, арьсны өнгө нь бага зэрэг өөр байсан.

Дараа нь тэд далайн хамгийн гүн дэх амьтдыг санагдуулам хэлбэртэй харагдаж эхэлсэн. Эдгээр бүх амьтан хажуугаар өнгөрөхдөө над руу инээмсэглэн, даллаж байв.

Хөөх, ямар сонирхолтой явдал вэ? Оддын дунд өөрсдийн ертөнц дээрх бүх бүтээлтэй энх тайван, эв найрамдалтайгаар амьдарч буй олон өндөр хөгжилтэй соёл иргэншил аль хэдийн оршин байж болохыг ойлгож ухаарах нь гайхалтай юм!

Дараа нь бид Эль Серумагагийн клиник үхлийн тохиолдлоос хүргэе. 2015 онд хатагтай Серумага халдварын улмаас эмнэлэгт хэвтэн эмчлүүлж байхдаа цусны халдвар авч хүндээр өвчилжээ. Энэ хугацаанд тэрээр биеэсээ гарч, гурван сүнслэг хөтөчтэйгөө уулзан, сансар огторгуй дахь ухаалаг амьдралын талаарх ойлголтыг авсан байна.

Би сансар огторгуйд хөвж, мананцар дундуур өнгөрч байлаа. Тэгээд би нэг гараг ​​дээр газардсан. Тэндхийн төрөлтнүүд цайвар тунгалагдуу арьстай, гэрэлтэж байгаа мэт харагдсан. Энэ нь тэдний аура байсан гэж би бодож байна. Зарим нь арьсныхаа доороос өөр өөр өнгөөр ​​гэрэлтэж байлаа. Тэнд бүхэл бүтэн нийгэм байсан. Хот сууринтай, төрөлтнүүд нь өдөр тутмын амьдралаа үргэлжлүүлж байв. Тэд яг л бидний адил өөрсдийн амьдралаар амьдарч байсан.

Хөтөч маань Орчлон ертөнц даяар маш олон янзын төрөлтөн бий, Дэлхийгээс гадна ч амьдрал бий, БУРХАНЫ бүтээсэн төрөлтнүүдийн янз бүрийн илэрхийллийг, мөн Орчлон ертөнц ямар агуу том болохыг надад тайлбарласан.

Тэнгэрлэг Эцгийн маань бодит ертөнцөд бүтээсэн амьдралын төсөөлөхийн аргагүй олон янз байдлыг дүрслэн харуулсан хатагтай Серумагад талархал илэрхийлье!

Сүүлийн хэсэгтээ Вениа Хиллийн клиник үхлийн үеэр туулсан зүйлийг онцолж байна. Хатагтай Хилл ахлах сургуульд байхдаа Итали руу аялж байгаад кофейн агуулсан эм хэтрүүлэн хэрэглэснээс болж зүрх нь зогсжээ. Түүний сүнс биеэсээ гарч, сүнсний хөтөч нь түүнийг орчлон ертөнцөөр аялуулсан байна.

Тэгээд бид сансарт хүрч очсон. Сансарт бидний огт мэддэггүй маш их хөл хөдөлгөөнтэй байдаг. Харь гаргийнхан, янз бүрийн амьтад, эсвэл сүнснүүд гээд л маш олон төрөлтөн сансраар зорчиж байдаг.

Дараа нь хатагтай Хилл аварга том харь гаргийн хөлгийг харжээ.

Энэ нь тунгалаг, био-гэрэлтэгч бүтэц шиг байсан. Энэ бүтцийг, энэхүү аварга том хөлөг онгоцыг эзэмшигчид нь ч бас ижил төрлийн материалаас бүрдсэн мэт байв. Тэд өөрсдөө барилга байгууламжийнхаа хэлбэрт хувирч, дахин гарч ирсэн ч бүх зүйл маш жигд өрнөж байлаа.

Үүний дараа хатагтай Хилл дэлхийн галактикт орших усан гарагт очжээ.

Энэ гарагт очиход хамгийн түрүүнд анхаарлыг минь татсан зүйл бол цайвар цэнхэр нар. Үнэхээр сайхан, сэтгэлд хамгийн их тайвшрал төрүүлэх цэнхэр өнгөтэй байсан. Тэр гараг гурван сартай байлаа. Тэнд олон лусын дагина-хүн байсан. Мөн далайн үхэртэй төстэй амьтад байсан. Зарим ургамал нь үнэндээ ухаалаг.

Миний хөтөч нэгэн лусын дагина-хүн рүү гайхамшигт гэрлийн туяа илгээхэд лусын дагина-хүн өөрийн гэрлийг хариу буцааж илгээсэн. Тэд хэрхэн ингэж харилцахаа мэддэг нь үнэхээр гайхалтай байлаа. Хөтөч маань надад бүх оршихуй ашиглаж чаддаг нийтлэг нэгэн хэл байдаг, түүгээр бараг бүх оршихуйтай харилцаж болно гэж хэлсэн.

Хатагтай Хилл өөрийн туулсан зүйлийнхээ төгсгөлд сүнслэг хөтчөөсөө Дэлхий дээрх амьдралаа хэрхэн утга учиртай өнгөрүүлэх талаар зөвлөгөө авчээ.

Орчлонгийн бүтээл бүхэн хоорондоо холбоотой. Тэд бүгд нэг эх сурвалжаас үүдэлтэй. Тиймээс бусдад энэрэнгүй хандах нь өөртөө энэрэнгүй хандаж буй хэрэг бөгөөд ингэснээр эх болсон тэрхүү эх сурвалжийг хүндэтгэж байна гэсэн үг ажээ.

Бүх амьд төрөлтөнд энэрэнгүй хандах нь эцсийн дүндээ өөртөө үзүүлж буй хамгийн дээд энэрэл гэдгийг онцлон харуулсан гэрчлэлээ хуваалцсан Вениа Хиллд баярлалаа. Өнөөдрийн клиник үхлийн үеэр туулсан зүйлс нь хүн төрөлхтний соёл иргэншлийг сүнслэгээр хөгжүүлж, дэлхий дээр жинхэнэ амар амгаланг авчрахын тулд бид БУРХАНЫ бүх бүтээлтэй эв найртай амьдрах ёстойг ойлгоход тань урам өгнө гэж найдаж байна. Үүний тулд бид веган болох хэрэгтэй! Веганизм нь үйлдлээрээ дамжуулан энэрэнгүй сэтгэлийг илэрхийлж, орчлон ертөнцийн ариун хуулийг хүндэтгэдэг амьдралын хэв маягийг тусгадаг. Веганизмыг сонгосноор бүх оршихуйд хамгийн дээд хайраа илэрхийлж, гаргаа аврах үйлсэд нэгдээрэй!