Дэлгэрэнгүй
Татаж авах Docx
Дэлгэрэнгүй уншаарай
Өнөөдөр 7-р сарын 10. Өглөөний таван цагийн үед би өдөр тутмынхаа Суприм Мастер ТВ-ийн ажил болон бусад бүх ажлаа дөнгөж дуусгаад байж байв. Тэгээд юм угаахад хэрэглэх борооны ус авахаар гарлаа... Тэгтэл нэгэн үзэсгэлэнтэй, үнэхээр үзэсгэлэнтэй бяцхан шувуу-хүн майхны минь өмнө ирж, дунд зэргийн хэмжээтэй залуу модны жижиг мөчир дээр суув. Энэ майхны эргэн тойрны моддын ихэнх нь залуу мод, жижиг бутнууд. Гэхдээ олон мод нь маш том, өндөр тул оройг нь харахын тулд хүзүүгээ ихэд гэдийлгэх хэрэгтэй болдог. Шувуу-хүн тэнд хэсэг суусны дараа би анзаарч, түүнтэй мэндлэн, гараараа даллахад тэр айж үргэж нисэн одсонгүй. Тэр эмэгчин шувуу-хүн байсан. Тэгээд би түүнээс надад хэлэх мэдээ, эсвэл өөр зүйл байгаа эсэхийг асуухад тэр “Байгаа.” гэж хариулсан. Тэр “Амар амгаланг үймүүлэгч сувдаг чөтгөрүүд явсан.” гэлээ. Би “Баярлалаа” гэв. Тэр нэмж “Санаа бүү зовоорой.” гэсэн. Би “Үгүй, үгүй. Би санаа зовоогүй, үнэндээ тийм их биш. Зүгээр нэг санаа зовохоос илүү олон зүйл бодлыг минь эзэмддэг ч энэ нь амар амгаланг үймүүлэгч сувдаг чөтгөрүүдтэй холбоогүй.” гэв. Тэгээд тэр нисээд, миний өглөөний цэвэрлэгээ хийж байсан нарийхан жим дээр борооны устай хувингийн дэргэд буув. Тэр айсангүй, ойрхон байж, миний шүршүүрээс урсан гарсан усыг уух гэлээ. Би “Үгүй, үгүй, үгүй. Тэгж болохгүй. Энэ бохир. Миний майхны дэргэд энд ойрхон горхи бий. Тийшээ очоод уу.” гэв. Тэр огт айхгүй байлаа. Шавартай гутал зэрэг зүйлээс болоод ус маань цэвэр биш гэж би санаа зовсон юм. Тиймээс би түүнийг үргээсээр байсан тул надад маш эвгүй байв. Би “Уучлаарай. Энэ усыг бүү уу. Бохир шүү. Бас их шавартай харагдаж байна.” гэлээ. Тэр надад дөнгөж сая сайн мэдээ авчирсан болохоор надад маш муухай санагдсан. Гэтэл би түүнийг ингэж үргээсэн нь тун бүдүүлэг, сэтгэлгүй хэрэг байлаа. Тэр намайг ойлгож, уучилсан гэж найдаж байна. Өө, тэр тэгээд намайг уучилснаа хэлсэн. Тэр намайг уучилснаа дараа нь хэлсэн гэсэн үг, тэгээд... Гэсэн ч надад эвгүй хэвээр байна. Надад одоо ч эвгүй байна. Би зүгээр л зарим жижиг зүйлийг бичиж авч байна. Миний бичиж авч болохгүй, та нарт хэлж ч болохгүй маш олон зүйл бий. Магадгүй нэлээд удаан хугацааны дараа хэлж болох юм. Удаан хугацаанд бороо ороогүй тул миний энд тоссон борооны ус маань бараг дуусжээ. Арав орчим хоногийн дараа бороо орно гэсэн. Дараагийн бороо хүртэл удаан хэрэглэхээр хангалттай ус нөөцөлж чадна гэж найдъя. Бороо оруулах зан үйл хийж болох эсэх талаар БУРХАНААС Зөвшөөрөл гуйя гэж бодож байлаа. Харин БУРХАН “Болохгүй.” гэсэн. Тодорхой нөхцөл, бүс нутагт бороо оруулах тухай дэлхийн жам ёсны эсрэг зүйл хийлгэхээр Борооны Бурхад, Багуудыг албадаж болохгүй гэж айлдсан. Харин бороо өнөө үед зарим газарт хэт их, зарим газарт хэт бага, өөр хаа нэгтээ огт орохгүй байна. Манай дэлхийн нөхцөл үнэхээр хүнд байна. Илүү их буян хураахын тулд үйлийн үрээ хэрхэн багасгахыг хүмүүст өөрөөр яаж хэлэхээ би мэдэхгүй байна. Үнэхээр хэцүү юм. Илүү хурдан тусалж чадахгүй байгаадаа зүрх минь маш их шаналдаг. Өмнө нь Саи хаан Арьяабалын (дотоодын Диваажингийн Гэрэл, Аялгуу дээр төвлөрөх бясалгал) энх тайвныг удаан тогтооход тусална гэж хэлсэн. Тиймээс би та нарт “За, бид бясалгаж, Арьяабалын бясалгалынхаа тодорхой цагийг энх тайвны төлөө зориулъя.” гэж хэлсэн дээ. Түүний хэлсэн санааг би тэгж ойлгосон юм. Харин дараа нь Тэр надад “Үгүй ээ, тийм биш.” гэж хэлсэн. Аль ч улс, аль ч дэлхийн хүмүүс Арьяабалын (дотоодын Диваажингийн Гэрэл, Аялгуунд төвлөрөх) аргаар бясалгах хэрэгтэй. Тэгвэл мөнхийн энх тайвантай болно гэж Тэр хэлсэн. Тэгэхэд нь л би “Хөөх, одоо ойлголоо. Одоо би илүү сайн ойлголоо” гэж бодсон. Учир нь би дэлхийн хүмүүст хэзээ ч найдаж болохгүй гэж үргэлж боддог байлаа. Тэд дэндүү... Тэднийг мансууруулсан юм шиг, эсвэл сэрж чадахааргүй болтол нь нойрны эм уулгасан мэт маш гүн хорджээ. Хэдийгээр би ойлгоход хэцүү бус, энгийн хэлээр ярьдаг ч тэд миний үгийг сонсож чаддаггүй. Хүмүүс яагаад учир зүйтэй, энгийн, үнэн үгийг ойлгодоггүйг би огт ойлгож чаддаггүй. Үүнийг би хэзээ ч ойлгохгүй юм байх аа даа. Гэхдээ би дэндүү их шаналж байна. Тэдний хувь тавиланд маш их харамсдаг болохоор яагаад ойлгодоггүйг нь бодоод ч олохгүй юм. Тэд хараахан бүгд веган болж амжаагүй, Арьяабалын аргаар бясалгахаар намайг дагах тухай бүр ярилтгүй байгааг бодохоор л өдөр бүр миний санаа хэчнээн их зовж, яарах мэдрэмж төрдөг гээч. Тийм ээ, Саи Хаан яагаад Арьяабалын (дотоодын Диваажингийн Гэрэл, Аялгууны) аргаар бясалгахыг дурдсаныг би одоо л ойлголоо. Бид Арьяабалын бясалгалаа хийх ёстой гэсэн утгатай гэж би бодсон. Саи Хаан Арьяабалын аргыг дурдсан болохоор бид өөрсдөө дэлхийн төлөө илүү их бясалгах хэрэгтэй гэж би өөрийн эрхгүй бодсон байна. Гэвч үнэндээ Түүний хэлсэн үгийн утга нь дэлхийн хүн бүр Арьяабалын Аргыг дагаж, бясалгах ёстой гэсэн үг байжээ. Манай Арьяабалын Аргад веган амьдралын хэв маяг багтдаг учраас тэр гэдгийг ч бас мэдлээ. Тиймээс веган амьдралын хэв маяг дангаараа ч дэлхийг аврагч юм. Харин хүн бүр Арьяабалын Бясалгалын Аргаар бясалгаж, БУРХАНЫ Нигүүлслээр дотоод дахь агуу Мөн чанараа сэрээвэл энэ дэлхий дэх бидний нэгдсэн хүч үнэхээр, үнэхээр, үнэхээр асар хүчирхэг, хэмжээлшгүй, бүр хэмжээлшгүй, хэмжээлшгүй их болно. Энэ удаад би дахин эргэж ирмээргүй байгаа болохоор намайг үхэхээс өмнө тэр өдөр ирэх эсэхийг мэдэхгүй юм даа. Тийм ээ, хүнийг аврах нь амьтан-хүнийг аврахаас хэцүүг бүх Төгс Гэгээрсэн Их Багш мэддэг. Амьтан-хүмүүс учир зүй, адис ерөөл, бүхий л буян болоод сайн сайхныг хүнээс хурдан ойлгодог. Нэг удаа би дэлхийгээр аялж, ном айлдан удаан явсны эцэст нохой-хүмүүстэйгээ уулзалгүй их удсаны дараа буцаж ирсэн юм. Тэднийг салхилуулахаар авч гарахад анх гарч байсан үе шигээ намайг чирсэн тул би өмнөхтэй адил зүйлийг хэлсэн. Миний хоёр нохой-хүн намайг чирсэн. Би “Одоо бас яачхав? Үгүй юу? Заасан юмыг минь мартчихсан юм уу?” гэж бодсон. Тиймээс би тэдэнд дахин “Сана. Хажууд яв, зогс. Нэгнийгээ биеэ засаж байхад нөгөө нь хүлээ. Миний хэлснээр ах, эгчийгээ хүлээж байгаад дараа нь цааш явцгаая.” гэлээ. Тэгээд тэд нэг нэгнээ ээлжлэн хүлээж, маш дуулгавартай байв. Гэхдээ нохой-хүмүүстэйгээ үргэлж хамт байх хувь надад байхгүй. Намайг эзгүйд асрагч нар ээлжлэн хардаг, эсвэл өөр өөр газарт очдог тул нохой-хүмүүсийг минь үргэлж өөр өөр хүмүүс хардаг. Тэд нохой-хүмүүсийг миний сургадаг шиг сургадаггүй тул нохой-хүмүүс маань мартчихдаг. Гэхдээ намайг буцаж очиход тэр өдрөө л эргээд шууд дассан. Өөр нэгэн туслахдаа нохой-хүмүүстэй яг адилхан үгээр харьц гэж хэлэхэд нохой-хүмүүс тэр даруй ойлгож байсан. Тэд ямар ч асуудал гаргаагүй. Асарч хардаг хүн нь хүсэж хичээх юм бол нохой-хүмүүс үгэнд орно. Үгэнд орох нь өөрсдөд нь маш сайн гэдгийг тэд мэднэ. Гэхдээ жишээ нь би удаан хугацааны турш нэг туслахтай байгаад, нохой-хүнийг нэг янзаар сургачхаад, өөр хүн ирж өөрөөр сургавал яахыг мэдэхгүй... Сургагч дэндүү олон байна. Тэд миний сургасныг ер нь санаж байгаа болов уу. Буцаж ирэхэд нь би өөрөө хамт байж, сануулбал л санах байх. Саяхан надад нохой-хүмүүс маань одоо илүү тайван болж, айхаа больсон тул урьдын адил илүү сэргэлэн, чөлөөтэй болсон гэж мэдээлсэн. Дайны үеэр би тэдэнтэй заримдаа уулзаж, заримдаа уулзаж чаддаггүй байлаа. Намайг байхгүй үед тэд их айдаг байсан тул би дотооддоо ч, утсаар ч тэдэнтэй маш олон удаа ярилцах хэрэгтэй болдог байсан. Би залгахдаа нохой-хүмүүсийн асрагчид iPhone утасныхаа дууг бүр чангал гэж хэлдэг. Тэгвэл намайг ярихад асрагч ч сонсож чадна, нохой-хүмүүс ч сонсоно. Заримдаа би янз бүрийн зүйлийн талаар ярьдаг. Би дандаа нохой(-хүмүүсийн) тухай, нохой(-хүмүүстэй), эсвэл тэдэндээ зориулж ярьдаггүй. Гэр ахуй, хоол хүнс, хэрэгцээт зүйлс болон нохой-хүмүүсийг хэрхэн асрах, цахилгаанд залгадаггүй дулаан хөнжил авч өгөх зэрэг гэрийн эзэгтэйн ажил ч ярьдаг. Photo Caption: “Зэрлэг-Ертөнцөд Юмсыг Хүлээн Авахаасаа Өмнө Юу Гэдгийг нь Сайтар Мэдээрэй”
