Дэлгэрэнгүй
Дэлгэрэнгүй уншаарай
Энэ дугаарт Их Багш БУРХАНтай дахин холбогдсоны дараа бүх зүйл тодорхой болдгийг тайлбарлана. БУРХАНы хайр дотоодоос маань ундарч, бид сүнсний хэлээр ярьж сурдаг. Та бүхэн удахгүй Арменид Христийн шашныг төрийн шашин болгосны 1700 жилийн ойг тэмдэглэнэ. Намайг энэ ойд урьсан ч би завгүй байх тул өнгөрсөн долоо хоногт тэнд урьдчилан очсон юм. Би Эзэнийг шархдуулахад хэрэглэсэн жадыг хараад маш их уйлсан. Засгийн газраас зохион байгуулсан хэвлэлийн бага хурлын үеэр нэг сэтгүүлч надаас хэдэн зүйл асуугаад, эмэгтэй хүн ном айлдах ёсгүй гэж хэлсэн. Гэтэл тэд нутагт нь Христийн шашныг анх авчирсан эмэгтэй Гэгээнтнийг шүтдэг. Түүнийг амьд ахуйд нь тамлан хөнөөсөн. Тэгэхээр би “Бид яах ёстой вэ?” гэж асуумаар байна. Эзэн Есүс эрэгтэй хүний дүрээр ирэхэд, Түүнийг ч бас тамлан хөнөөсөн. Тэд Түүнийг “Бурхныг доромжлогч” гэдэг байсан. Нэгэн Хатагтай Гэгээнтэн Арменид ирэхэд эмэгтэй байсан учраас мөн л тамлан хөнөөсөн. Тэгвэл бид яах ёстой вэ? Энэ бүхэнд ямар нэг тус бий гэж үү? Эзэн Есүс болон бусад Гэгээнтнүүд бидэнд Хайрын хичээлийг ухааруулахын төлөө амиа золиосолсон. Бид Хайр, эрх тэгш байдлын энэ сургамжийг ухаарч, хэнийг ч ялгалгүй хайрлаж чадсан цагт л өөрсдийгөө жинхэнэ Христийн шашинтан хэмээн хэлж чадна. Учир нь Эзэн Есүс амьд ахуйдаа хүний байр суурь, алдар нэр, нүгэл, буян ямар байхаас үл хамааран хүн бүрийг хүлээн зөвшөөрдөг байсан. Италичуудын амьдралын хэв маяг Эзэний Сургаалд тун ойр байдаг. Та бүхний өмнөөс тун баяртай байна. Хэрэв та бүхэн БУРХАНыг илүү ойр танин мэдэхийг хүссээр буй бол би тусалж чадна. Учир нь БУРХАНтай ярилцах бас сайхан. Мөн өдөр бүр ТҮҮНИЙ Сургаалыг биечлэн сонсох сайхан. БУРХАНЫ Сургаал аниргүйд (дотоодын Диваажингийн) Гэрэлээр, Диваажингийн Аялгуугаар, эсвэл хүмүүний хэлээр, тэр ч байтугай итали хэлээр ч ирж болно. Таны хүссэнээр Их Эзэн тэр дүрээр тань үзэгдэнэ. Их Эзэн Есүс тантай италиар ярихад та гайхах болно. Тийм ээ. Дотоодын БУРХАНы Хаант улсад бүх зүйл боломжтой. Энэ биет ертөнцөд боломжгүй бүхэн дотоод руугаа ороход боломжтой болдог. Тэгээд дотоод дахь адис ивээл нь бүр хальж, энэ биет ертөнцөд ч илэрч чадна. Ингэснээр бид улам их хайр дүүрэн, сайхан сэтгэлтэй, ухаалаг болж, өдөр тутмын асуудлаа илүү сайн шийдэж чадна. Хүмүүний бухимдал, уур хилэн бүхэн арилж, үзэн ядалтын энерги нь хайр болон хувирна. Тэд дайн хийхийн оронд энх тайвныг цогцлооно. Хэрэв энэ гарагийн хүн бүр, эсвэл хүн төрөлхтний ядаж тал нь БУРХАНыг танин мэдвэл, за, гуравны нэг, бүр дөрөвний нэг нь л БУРХАНыг танин мэдэхэд ч гэсэн дайн, өлсгөлөн, ямар ч зовлон бэрхшээл үгүй болно. Энэ гараг Диваажин болох болно. Өөр өөр шашин хооронд, тэр ч байтугай нэг шашны дотор ч мөргөлдөөн гарахаа болино. Учир нь бидэнд цор ганц БУРХАН бий бөгөөд хүмүүний хэлээр ТҮҮНИЙГ өөр өөр нэрээр нэрлэж, өөр өөр хайрын хэлбэрээр илэрхийлдэг гэдгийг хүн бүр ойлгоно. Үүнд ямар ч асуудал үгүй. Бид цорын ганц ЭЦЭГТЭЙ, ертөнц даяар нэг л хэлээр ярьдаг бөгөөд ганц ч үг хэлэлгүйгээр бие биеэ ойлгох болно. Бид харилцааны энэ дотоодын чадвараа алдсан учраас л бие биеэ ойлгоход ийм их бэрхшээл тулгардаг. Манай бүлэгт миний гэрт ч бай, өөр хаана ч бай, хүмүүс хамт цуглахдаа бүх төрлийн шашин шүтлэг, үндэс угсаа, дадал зуршил, хэлтэй ч аяндаа нэгэн цул болдог. Бид бие биеэ зөвхөн хайрлаж, итгэдэг. Хэл яриа ч хэрэггүй. Бид бие махбодын хувьд танихгүй хүмүүс байсан ч анх уулзсан даруйдаа ахан дүүс болдог. Эргэлзээ, асуулт, өрсөлдөөн, үл итгэлцэл огт байдаггүй. Үргэлж итгэл төгс байдаг. Учир нь бид дотроо БУРХАНы хайрыг сэрээсэн. Учир нь бид сүнсний хэлээр ярьдаг. Бид бие биеэ ойлгодог. Бид бүгд хичээвэл дэлхий ийм болж чадна. Бүр хичээх ч шаардлагагүй. БУРХАНыг л танин мэд, тэгвэл бүх зүйл аяндаа ирнэ. БУРХАНтай дахин холбогдож, авшиг хүртсэний дараа бүх зүйл тодорхой болдог. Бүх зүйл өмнөхөөсөө өөр болдог. Бид зүгээр л мэддэг. Энэ нь надад болон энэ мэдлэгийг хуваалцдаг бүх хүнд үнэхээр сайн, үр дүнтэй, бодитой байдаг. Тиймээс би үүнийг та бүхэнтэй хуваалцахаар энд ирсэн. Ийм сайхан зүйлийг зөвхөн өөртөө хадгалж болохгүй. Иймд та бүхнийг энэ үг үл шаардах амар амгалан, болзолгүй хайраар дүүрэн гэр бүлд маань нэгдэхийг урьж байна. Мөн БУРХАНыг дахин танин мэдэж, аз жаргалтай болоход тань туслахын тулд миний үзүүлж чадах бүхний талаар чөлөөтэй асуугаарай. Баярлалаа. Асуух зүйл байвал би дуртайяа хариулъя. Тэдэнд асуултаа бичээрэй гэж хэлнэ үү. (Их Багш аа, нэг асуулт байна.) За, хэлээрэй. (Энд нэг асуулт байна. Нэг хүн асуухыг хүсжээ...) Ямар ч хэл байсан хамаагүй, эхлээд италиар уншаад, дараа нь англиар орчуулаарай. (За.) (“Төгс Гэгээрсэн Их Багш [Чин Хай]-аас хүн яагаад гэгээрэл, амар амгалан, аз жаргал гээд дотооддоо ямар нэг зүйлийн хойноос эрэлхийлсээр атлаа түүндээ хэзээ ч хүрдэггүйн учрыг асуумаар байна?”) Тэр яагаад дотооддоо эрэлхийлдэг гэж? (Үгүй ээ, өөрийн доторх аз жаргал, баяр баясал, гэгээрэл зэрэг зүйлийн хойноос эрэлхийлдэг ч хэзээ ч хүрдэггүй. Тэр үүнийг хэзээ ч олж авдаггүй.) Тэр баяр баясал, гэгээрэл зэрэгт хэзээ ч хүрдэггүй гэсэн үг үү? (Тийм.) Тэгвэл тэр бидэнтэй хамт оролдоод үзэх хэрэгтэй. Үлдээд, бидэнтэй хамт туршиж үзэж болно. Магадгүй та гол санааг нь орхигдуулсан байх. (За. Би англиар орчуулъя. “Энэ оюун санааны зам мөрийг хэрхэн зааж сургах вэ? Өөр өөр соёлтой хүмүүст оюун санааны зам мөрийг хэрхэн дагуулах вэ? Бясалгалын утга учир өөр өөр байж болох бөгөөд дэлхийн зарим хэсэгт бүр огт байдаггүй ч байж магадгүй. Тэгвэл үүнийг хэрхэн зааж сургах вэ? Хүмүүсийн эзэмшсэн өөр өөр сэтгэлгээний хэв маягийг, жишээлбэл Африкийн хүн эсвэл Амазоны уугуул хүнийг харгалзан Таны айлдварыг хүн бүрд хэрхэн ойлгуулах вэ?”) Бодит орчин нөхцөлийн хувьд таны асуулт зөв. Гэхдээ бид бие махбод ч биш, оюун ухаан ч биш, харин БУРХАНы сүнс гэдгийг бүү мартаарай. Тэр сүнс миний хэлснийг ойлгоно. Би зөвхөн таны оюун ухаанд яриагүй, харин үүний зэрэгцээ сүнстэй тань аниргүйгээр ярьж байна. Хэрэв та бэлэн, сүнс тань бэлэн, танин мэдэхийг сонговол та мэдэх болно. Учир нь дотоод дахь сүнс бүхнийг мэддэг. Сүнс сэрэхийг хүсвэл бүхнийг ойлгож, БУРХАН руу буцахын тулд чадах бүхнээ хийх болно. Photo Caption: “БУРХАНЫ Хайраар хаана ч цэцэглэн хөгжинө”
