Дэлгэрэнгүй
Татаж авах Docx
Дэлгэрэнгүй уншаарай
Энэ дугаарт Их Багш бид эгэл амьдралаар амьдрахын зэрэгцээ БУРХАНЫГ таньж болохыг, гэгээрэл гэж юу болох, Арьяабалын бясалгалын Арга нь БУРХАНЫ дотоод сургаалыг бясалгах явдал гэдгийг тайлбарласан юм.Bonnie: Их Багш аа, өмнө нь энэ “Seeing Beyond” нэвтрүүлэгт оролцохдоо сэтгэл хөдөлгөм түүх ярьж байсан Тань санаанд орж байна. Тэр үед Та гэрлэсэн байсан бөгөөд гэнэт – за, магадгүй гэнэт биш ч байж болох – гэхдээ сүнслэг замналд улам гүнзгий орох тусам амьдрал Тань өөрчлөгдөж эхэлсэн тухай ярьж байсан шүү дээ. Манай олон сонсогчид ч бас амьдралаа тийм байдлаар магадгүй мэдэрдэг гэдгийг би мэднэ. Тэр үеийнхээ амьдралын талаар бидэнтэй дахин хуваалцана уу?Master: За. Би бусдад үүнийг санал болгохгүй, ямар ч байсан гэрлэсэн амьдрал бол ариун амьдрал юм. Бид эхлээд үүнийг хадгалах ёстой. Тэр үед би гэгээрээгүй байсан, иймд намайг уучлаарай. Магадгүй миний амьдрал ийм байх ёстой байсан ч бид бүгд ийм байх ёстой биш.Энэ бол гэр бүл, хайрын амьдрал, мөн хаа нэгтээ зүрхний гүн дэх өөр нэг дуудлага хоорондын асар их тэмцэл байсан. (Зөв.) Тийм. Гэхдээ эцэст нь гэгээрэл нь гэрээсээ явж, гэр бүлийн аз жаргалыг орхихыг шаарддаггүй. Бид аль алиныг нь зэрэг авч явж чадна. Манай олон авшигтнууд энгийн амьдралаар амьдрахын зэрэгцээ БУРХАНЫГ танин мэдэж, аз жаргалтай байна. Иймд энэ нь бид бүгдэд илүү сайн байх байсан. Хэрэв би үүнийг өмнө нь мэдсэн бол нөхрөө орхихгүй байсан. Тэр үнэхээр гайхалтай хүн байсан. Тийм.(Тэгэхээр, Таны хэлж байгаагаар, бид юу хийж эсвэл хаана байгаагаас үл хамааран гэгээрч чадна гэж ойлгож байна.) Лавтай. Тийм.Bonnie: Төгс Гэгээрсэн Их Багш Чин Хай, та мэднэ, энэ “гэгээрэл” гэдэг үг олонтоо ашиглагддаг. (Тийм ээ.) Яг юу гэсэн үг вэ?Master: Тийм ээ. Цөөн үгээр тодорхойлоход амаргүй ч энэ бол амьдралаас ч агуу, бидний бие махбодын нүдээр харж, эсвэл бие махбодын зэмсгээр хүрч чадах зүйлсээс ч агуу юу болохыг мэдэх үйл явц юм. Энэ бол бидний түүнээс ч агуу зүйлийг, нийт Орчлонгийн жинхэнэ Захирагчийг, мөн тэр нь бидний дотор оршиж буйг мэдэж эхлэх мөч юм.(Их Багш аа, надад… за, намайг бага байхад иймэрхүү мэдрэмж төрж байсан ч, удалгүй мартаж орхисон юм шиг санагддаг.) Зөв. Ихэвчлэн бид төрөх үедээ өсөж том болохоос илүү гэгээрсэн байдаг, (За.) учир нь тэр үед бид Дээдийн Хүчтэй илүү ойр байдаг. Харин өсөж том болохдоо бид өдөр бүрийн хуримтлуулсан мэдлэг, хүмүүсийн бидэнд дамжуулсан мэдлэгээр алгуур, аажмаар өөрсдийгөө тодорхойлдог, “Та бол энэ, тэр юм. Та ийм-тийм хатагтай” гэж, дараа нь бид өөрсдийгөө аажимдаа илүү ихээр тодорхойлдог. Нас ахих тусам бид олж авсан мэдлэг болон нийгэмд бусад хүмүүс, эсвэл нөхцөл байдалтай холбоотойгоор бий болсон зуршил зэргээс үүдэн илүү их тодорхойлолттой болдог.(Манай суут зохиолчдын, англи зохиолчдын нэг Шекспир “Дэлхий дээрх бүх зүйл бол тайз юм” гэж хэлсэн.) Их Багш аа, Таны хэлж байгаагаар бид жүжигчний дүрд тоглож байгаадаа хэт автаж, жинхэнэ өөрсдийгөө мартдаг бололтой.) Тийм ээ, Бонни, та ойлгосон байна.Jared: Төгс Гэгээрсэн Их Багш Чин Хай, Таны төрсөн нутаг Вьетнам руу нэг хором буцаж очихыг хүсэж байна. (За.) Мөн Бонни бид хоёр саяхан олон мянган хүмүүсийн хамт Буддын Багш Тхить Нят Ханьтай хэсэг хугацаанд хамт байсан. Вьетнамд өнгөрүүлсэн Таны цаг хугацаа амьдралд Тань ямар нөлөө үзүүлсэн нь надад сонирхолтой байна?Master: Магадгүй, далд ухамсарт надад нөлөөлсөн байх, учир нь би бага байхаасаа хойш үхэл, үзэн ядалтыг харж, дайны сүйрлийг мөн залуу байхдаа зарим газарт хүмүүсийн зовлонг үзсэн. (Тийм. Та Франц-Америкийн дайны үеэр тэнд байсан уу?) Зөвхөн Америкийн. Аав минь Францын үед байсан.Jared: Ойлголоо, (Тийм.) Ойлголоо. Тэгэхээр Та дайны явцыг харсан юм байна?) (Тийм ээ, үнэхээр тийм.) (Танай улсын эсрэг дайнтай холбоотойгоор америкчуудын тухайд сэтгэлд Тань үлдсэн ямар нэг мэдрэмж байдаг уу?Master: Америкчууд манай улсын эсрэг дайн хийсэн гэж огт бодож байгаагүй. Үнэндээ тэдний хийсэн зүйлд би талархдаг, учир нь хүмүүс Вьетнамын дайнд явсан нь алдаа байсан гэж бодож магадгүй, гэхдээ хүмүүс заримдаа алдаа гаргадаг. Зорилго л чухал юм; үр дүн биш. Мөн тэр үед Аулак (Вьетнам)-д очсон бүх залуу америкчууд шударга ёс, эрх чөлөөг хамгаалах баатрын маш өндөр, эрхэм хүсэл тэмүүлэл тээж байсан гэдэгт би итгэлтэй байна. Мөн, харамсалтай нь бид ялагдсан ч, энэ нь БУРХАНЫ төлөвлөгөө, эсвэл манай ард түмний үйлийн үр, эсвэл бүгд байсан байж магадгүй. Гэхдээ би үүний хариуцлагыг америкчуудад огт тохож байгаагүй. Мөн миний Аулак (Вьетнам)-д таарсан хүмүүс, надтай тааралдсан Америкийн цэргүүд, эсвэл тэдний зарим нь эмч байсан… Залуу байхдаа би тэдний, ялангуяа эмч нарын хэлмэрчээр ажилладаг байлаа. Тэд маш зөөлөн, эелдэг байсан. Яг л тантай адил, миний энд таарсан ихэнх америкчуудтай адил, үүнд эргэлзээ байхгүй. Энэ миний бодол… америкчуудын талаарх миний дурсамж. (Ойлгомжтой.)Bonnie: Их Багш аа. (За.) Энэ гараг дээр бид үргэлж дайнтай байх уу, эсвэл бид ... газар руу явж байна уу ... Таныг Энх тайвны шагнал, Дэлхийн Энх тайвны шагналын эзэн болсон гэдгийг би мэднэ. Бид энэ гараг дээр дайн зогсох, бодит байдалд энэ нь үл орших газар руу шилжиж байна уу?Master: Тэгээсэй гэж залбиръя. Гэхдээ, та бүхэн мэдэж байгаачлан, юу суулгана түүнээ хураана. Тиймээс, хэрэв бидний өнгөрсөн бүх үйлдлийн үрүүд аль хэдийнээ угаагдсан бол бидэнд дахин дайн байхгүй. Хэрэв бид шинэ дайны үр тарихгүй бол, мэдээж бидэнд энх тайван ирэх болно. Гэхдээ энэ нь арай илүү цаг хугацаа шаардана гэж би бодож байна, мөн энэ гараг дээрх манай бүх хүмүүсийн хүсэл зоригоос хамаарна.(Их Багшаа, Та олон том асуудлуудтай ажилладгийг Тань би мэднэ. Асуудал гэдэг нь дутуудсан үг юм болов уу гэж бодож байна. Миний хэлэх гэсэн нь үер, гал түймэр зэрэг байгалийн гамшиг, ялангуяа саяхан Өмнөд Калифорнийд болсон гал түймэр юм. Үүний зэрэгцээ Босни ба Херцеговин болон хуучин Югославын Бүгд Найрамдах Улсад үргэлжилж буй мөргөлдөөн зэрэг үйл явдлуудыг бид харсаар байна. Тэнд очиж, ямар нэг байдлаар дайны галд нэрвэгдсэн тэр бүсэд энх тайвныг авчрах дуудлага Танд ирж болох юм гэсэн ямар нэгэн мэдрэмж Танд төрж байна уу?)Одоогоор надад тийм мэдрэмж төрөөгүй байгаа ч бид юу хийж, хаана амьдарч байгаагаас үл хамааран бүх дэлхийд нөлөөлнө. Тиймээс бид зүгээр л сайн сайхныг илгээж, буян болон ариун замаар хийсэн бүх зүйл маань бид тэнд байсан ч, үгүй ч дэлхийн бүх хүн амд нөлөөлнө. Гэхдээ, мэдээж, бидний оршин буй нь, хэрэв бид БУРХАНЫ зэмсэг бол, хаана ч байсан хүмүүст илүү дэвшиж буй гэмээр, тийм уур амьсгал авчирна. Мөн БУРХАН намайг тэнд очихыг таалбал, мэдээж, дуртай эсэхээс үл хамааран би тийш түлхэгдэнэ.(За. Та Бурханлаг Төлөвлөгөө гэсэн утга бүхий Дээдийн Хүч гэдэг үгийг энд ашигласаар байна, энэ нь надад Та тэр Бурханлаг Төлөвлөгөөг дагагч, Таныг хааш нь хөдөлгөнө тийш явдаг гэж сонсогдож байна.) Үнэхээр. Тийм. (Үнэхээр. Их Багш аа, Та байгууллагынхаа үйл ажиллагаа болон дэлхийн хүмүүст бодит замаар ийм гайхалтай тусалсан ажил үйлсийн талаар бага зэрэг ярьж өгч болох уу?)Тийм ээ. Үнэндээ бид тэр зүйлээс эхлээгүй, яг үнэндээ ямар нэгэн байгууллага байгуулах гэж эхлээгүй. Зүгээр л дэлхий даяар бага зэрэг алдартай болсны дараа засгийн газрын улмаас хүмүүс байгууллага байгуулах болсон, ийнхүү бид ил тод байх, засгийн газар болон бидний эргэн тойрон дахь хүмүүс бид яагаад долоо хоног бүр олуулаа цуглаж бясалгал хийдэг талаар тодорхой мэддэг байхын тулд. Тэгэхээр бид байгууллага гэж нэрлэгдэх ч, бидэнд албан тушаалын шатлал гэж байхгүй, (Зөв.) хэн нь дээгүүр, хэн нь доогуур гэх мэт. Бидэнд тийм зүйл байхгүй. Энэ бол цэвэр албан тогтолцоо, энэ ертөнцөд байгаа цагт ажилд туслах зорилготой.Мөн гамшгийн тусламж болон бидний хийсэн гэж та нарын сайн зүйлс гэж нэрлэдэг бүх зүйлс бол зүгээр л дагалдах маягийн юм, учир нь гамшигт өртсөн хүнийг харвал, бид ч ийм байдалд орж болох байсан гэж хардаг. Энэ нь маш хялбар, тиймээс бид хүмүүсийн мэдрэмжийг мэдэрдэг. Тиймээс бидэнд байгаа аливаа санхүүгийн болон хүчний нөөцийг бодохгүйгээр ямар нэгэн зориудын үйлдэл болголгүй бид зүгээр л өгдөг. Бид боддоггүй. Танд яаж тайлбарлахаа мэдэхгүй байна. Бид зүгээр л санхүүгээр, хүний хүчээр тусалдаг, бас тэд биднээс ямар энэрэнгүй сэтгэл шаардаж байна, бид түүнийг хийдэг.Bonnie: Надад бол Та болон Таны байгууллага, дагагсад хэрэгцээг мэдэрч, тэр хэрэгцээ байгаа газарт очиж, хийх ёстой зүйлийг хийдэг гэж сонсогдож байна.) (Тийм ээ, яг тийм.) Энэ бол маш эмэгтэйлэг хэв маяг биш гэж үү?Master: Тийм. Маш энгийн. (Маш энгийн.) Манай амьдрал маш энгийн. Тийм.(За, тэр эмэгтэйлэг хэв маягийн тухай ярихад, Таны ажил, сургаалд ашиглагддаг Арьяабалын арга гэж Таны ярьдаг зүйлийн талаар одоо ярилцах нь зүйтэй болов уу.)(Гэхдээ түүний өмнө бидэнд завсарлага хэрэгтэй болох нь ээ. (За.) Гэхдээ бид эргэн ирнэ. Сайн зарлал байлаа, Жаред. Бид эргэн ирээд Арьяабалын энергийн талаар илүү их ярилцах болно. Бид энэ ертөнцөд илүү их эмэгтэйлэг анагаагч энерги ирж байгааг лавтай мэдэрч байна. Үүний төлөө БУРХАНД талархаарай. Өнөөдөр бид Төгс Гэгээрсэн Их Багш Чин Хайтай ярилцаж байна. Тэр бидэнтэй Лос Анжелесын бүсээс холбогдож байна. Энэ Баасан гарагийн өглөө бидэнтэй хамт байгаад баяртай байна, бид удахгүй эргэн ирнэ.)Jared: За, дахин тавтай морилно уу. Энэ бол Радио 2000, Seeing Beyond, таны хөтлөгчид, Бонни, Жаред нар байна. Өнөөдөр Өмнөд Калифорнийгоос Төгс Гэгээрсэн Их Багш Чин Хай бидэнтэй утсаар холбогдож байгаад бид баяртай байна.Bonnie: Сайн байна уу, Их Багш аа, бид эргэн ирлээ. (Сайн байна уу.) Сайн байна уу. Намайг тод сонсож байна уу? Учир нь заримдаа утасны дуу бага зэрэг намсчихдаг. Одоо илүү сайн сонсогдож байна. (Одоо илүү сайн сонсогдож байна.) Илүү сайн сонсогдож байна. Их Багш аа, Та тэнд эх хэлээрээ ярьж байхыг сонсоод Таныг хэр завгүйг би мэдлээ, бид энэ талаар ч ярилцах болно. Би энд студид Софитой ярилцаад Таныг унтдаггүй эсвэл өглөөний гурван цаг хүртэл л унтдагийг Тань мэднэ. (Гол төлөв тийм.) Ихэвчлэн. Иймд би үүнийг хүлээн зөвшөөрч, энэ хөтөлбөрт бидэнтэй хамт байхын тулд эрт босож ирсэнд Тань маш их баярлалаа гэж хэлмээр байна. Одоо бид энэхүү өсөн нэмэгдэж буй эмэгтэйлэг энергийн тухай ярилцах болно.(Энэ ойлголт, санааны тухай ярилцъя… Баруунд олон хүн Арьяабал гэж хэн эсвэл юу болох талаар өчүүхэн төдий ч төсөөлөлгүй байж магадгүй.) Тийм ээ. Хүмүүс Арьяабал гэдэг нэрийг Өршөөл энэрлийн Бурханы нэр гэж сонссон байж магадгүй ч, энэ нь бидний арга гэж нэрлэх зүйлтэй огт хамаагүй. Учир нь Арьяабал гэдэг нь үнэндээ, бидний хэлдгээр, амьдралын маань секунд бүрд хэлбэлзэж байдаг дотоодын (Диваажингийн) Үг, дотоодын БУРХАНЫ Сургаалыг бясалгах юм. Мөн бид энэ Амьдралын Лугшилт буюу БУРХАНЫ Сургаалтай нэгэнт холбогдвол бид Арьяабалын Арга гэж нэрлэдэг зүйлд нэвтэрдэг, гэхдээ үнэндээ биет байдлын хувьд ямар нэгэн арга гэх зүйл байхгүй. Гэхдээ бид заавал ямар нэг юм хэлэх хэрэгтэй; үгүй бол хүмүүс “Та бидэнд юу авчрав? Та бидэнд юу зааж байна?” гэж асуудаг. Ямар ч илэрхий зүйл биш.Ийнхүү Арьяабалын Арга гэдэг нь БУРХАНЫ дотоод Сургаал, БУРХАНЫ Би-г бясалгахыг хэлнэ, Библид “Эхэнд Үг байсан, тэр Үг БУРХАНТАЙ хамт байсан, тэр Үг БУРХАН байсан” гэж хэлсэнчлэн. Энэ нь аялгуулаг төрлийн сургаал бөгөөд үүнийг илүү их сонсохын хэрээр бид илүү их мэргэн ухаантай, амар амгалан, аз жаргалтай болдог.(Энд суралцах замд явж буй шавь нартайгаа ярилцахдаа тэдний дотооддоо сонсож буй зүйл нь, БУРХАНЫ Үг гэдгийг мэдэхэд нь Та яаж тусалдаг вэ?) Аан ойлгож байна. Маш амархан. Учир нь үүнийг их сонсох тусам улам ухаантай, улам хайр энэрэлтэй болдог. Гэхдээ та үүнийг зүгээр л мэднэ, учир нь Би Би-г мэднэ. Та Үүнийг танина. Үүнд ямар ч эргэлзээ байхгүй. Өчүүхэн ч эргэлзээ байхгүй. Зарим хүмүүст жинхэнэ Би гэж юу болох, жинхэнэ БУРХАН юу болохыг ойлгож итгэхэд тодорхой хугацаа шаардагдаж магадгүй; энэ нь бидний ухамсрын түвшин, мөн авшгийн гэх тэр мөчид бидний Би-гээ таньж мэдэх түвшнээс хамаарна. Бид үүнийг жинхэнэ БУРХАН, БУРХАНЫ Жинхэнэ Сургаал гэдгийг хурдан эсвэл удаан таних болно.Photo Caption: “БУРХАН Жинхэнэ Рашаан Хайрлах Үед Бэлэн Байгтун”
