Тэгэхээр үнэхээр бясалган дадуулахыг хүсвэл их нухацтай хандах хэрэгтэй. Тэгвэл Их Багшийн хүч таныг дээш нь дэвшүүлнэ. Түүнээс биш зарим нэг хар буланд орж цаг хугацаа алдах эсвэл доод дэсэд үлдэж зүгээр л бусад хүмүүсээс магтаал сонсох гэж эсвэл тэд танд ямар нэгэн зүйл өгнө гэж бүү ийм зүйл хий. Энэ заавал мөнгө байх албагүй. Эго, хүсэл шунал, янз бүрийн хэлбэрийн доод түвшний хүсэл байж болно. Та нар бүгдээрээ маяагийн урхинаас болгоомжил.
Их Багшид хэлэлгүйгээр зөвшөөрөлгүйгээр авшиг өгсөн хоёр хүний тухайд би аль хэдийн тэдэнд олон удаа анхааруулсан. Гэтэл тэд өөрсдийн үл тоосон байдал, их зан, шуналдаа улам бүр гүнзгий шигдсээр байсан. Хамгийн сүүлийн анхааруулга өгөхдөө би тэд гэмших хэрэгтэй, (тэгвэл) ядаж тэдний амьдралыг аварна гэсэн ч намайг сонсоогүй. Тэгээд удалгүй тэд өвдөж, хэвтэрт орсны дараа гэмшсэн. Гэтэл оройтсон байсан. (Тэгсэн байх нь. За, Багш аа.)
Салаалаад урссан жаахан шалбаагийг гол мөрөн уучлах амархан. Гэвч шалбааг ус өөрийгөө бохирдуулж, орчиндоо зууралдаж, газар шороонд уусан шингэх нь өөрт нь муу ба өөр хаашаа ч явах ямар ч боломжгүй, эрх чөлөөтэй урсаж, том өргөн гол мөрөнтэй нэгдэж, улмаар далайтай нэгдэх боломжгүй. Харамсалтай.
Зарим хүмүүс дэндүү шуналтай, дэндүү их “би” үзэлтэй, хэт их амбицтай байдаг, сүнслэг нэр алдрын төлөө хүртэл. Үнэхээр инээдтэй зүйлс. Дэлхий дээр бусадтай хутгалдаж, дараа нь мөнгө, эд хөрөнгөд шунаж, охид хөвгүүдийн араас явдаг. Сүнслэг оршихуйд энэ нь бас адилхан. Өөрчлөгдөөгүй ба өөртөө асуудал тарьж байдаг. Учир нь сүнслэг оршихуйд бүх зүйлс яг таг, ба маш эрхэм ариун, өндөр, дэвшилтэт стандарттай, дэлхийтэй адилгүй.
Тэгэхээр үнэхээр бясалган дадуулахыг хүсвэл их нухацтай хандах хэрэгтэй. Тэгвэл Их Багшийн хүч таныг дээш нь дэвшүүлнэ. Түүнээс биш зарим нэг хар буланд орж цаг хугацаа алдах эсвэл доод дэсэд үлдэж зүгээр л бусад хүмүүсээс магтаал сонсох гэж эсвэл тэд танд ямар нэгэн зүйл өгнө гэж бүү ийм зүйл хий. Энэ заавал мөнгө байх албагүй. Эго, хүсэл шунал, янз бүрийн хэлбэрийн доод түвшний хүсэл байж болно. Та нар бүгдээрээ маяагийн урхинаас болгоомжил. Хэсэг хугацаанд сайхан байж болох ч алсдаа таныг сүйрүүлнэ. (За, Багш аа.)
Сайн санаж яваарай, үргэлж Бурханыг санаарай. Үргэлжид бусдад үйлчлэхдээ Бурханы нэрийн өмнөөс хийгээрэй. Яагаад гэвэл бид бол юу ч биш, бид юу ч үгүй ирсэн, бид юу ч үгүй буцна. Бид юу хийсэн нэр төрийг авч болохгүй, тэр тусмаа хүний билиг ухааны мэдлэгийг өөрийн мэт зарлан өмчилнө гэж байж болохгүй. Үнэхээр ичмээр хэрэг. Энэ бол хэтэрхий дорд амьдрал. (Яг тийм.)
Та нар бүгд сайн сонссон гэж найдаж байна. Их ноцтой хэрэг. Энэ та нарын тоглох тоглоом биш. Яг л цахилгааныг хэрхэн ажиллуулахыг мэдэхгүй бол маш аюултай байж болох учраас бүү оролд гэдэгтэй адил. Бага балчир хүүхэд бол галаар тоглох хэрэггүй гэдэгтэй адил, галыг хэрхэн яахаа мэдэхгүй. Нас ахиад том боллоо ч мэдэхгүй бол түлэгдэж мэднэ, эсвэл гэрээ галдаж, эргэн тойрныхоо хүмүүсийн эд хөрөнгийг шатааж мэднэ.
Сүнслэг дадал бясалгал, зорилго тэмүүлэл, хүсэх нь ямар нэг ашиг горьдож барьж авдаг тоглоом биш. Ашиг заавал мөнгө байх албагүй. Энэ үнэхээр муухай зүйл. Та нарын хэн нь ч ийм тэнэг тоглоомоор оролдохгүй гэж найдаж байна. Тэнэгээр зогсохгүй энэ бол хортой зүйл. Өөрт чинь хортой, бусдад ч хортой. Яагаад гэвэл танд өөрийгөө цэвэрлэхэд ч хангалттай хүч байхгүй. Яагаад гэвэл та дадал бясалгалаа сайн хийлгүй буруу чигт явбал, ертөнцийн зүг чигээр явбал, хүмүүнлэгийн үйлс өөр ямар нэг зүйлийн нэрийн дор өөрийн ашиг сонирхлын төлөө явбал та бусад хүмүүсийн үйлийн үрийг авч, санамсаргүй байдлаар дэлхийн хүмүүстэй холбогдвол, сонголтгүйгээр тэдний үйлийн үр чамд бас наалдах болно. Өөрийн чинь үйлийн үр чамайг доош татахад хангалттай шүү дээ. Одоо дээр нь бусад хүмүүсээс нэмэлт ачаа авчихлаа.
Эдгээр хүмүүс Их Багшийн ар хударгаар Их Багшийн сургаалыг, Их Багшийн аргыг өөрийн гэж зарлахыг зүрхэлж байгаа бол түүний “би” үзэл үнэхээр л том байна гэсэн үг. (Тийм ээ, яг үнэн.) Хүсэл шунал хэт их л байна. (Үнэн.) Энэ их амархан учраас яагаад Их Багшаас, “Би авшиг өгч болох уу? гэж асууж болохгүй байгаа юм. (Тийм. Тийм ээ, Багш аа.) Тэгээд хүмүүсийнхээ нэрийг л зүгээр өгч болно. Хэрвээ тэр сайн бол, би түүнд зөвшөөрнө. (Тийм ээ. Яг тийм.) Үгүй бол, би өөр хүн явуулна. Яагаад Их Багшийн араар энэ мэт зүйл хийж байгаа юм? (Тийм. Сайнгүй хэрэг.) “Би” үзэл, ба доогуур дэсээс нь болоод маяа хэн ч бай тэднийг эзэгнэх боломжтой болчхож байна. (За, Багш аа.)
Надад бас болж байсан. Би яах билээ? Олон нийтэд нээлттэй байсан. Тиймээс хэн нэгэн авшиг хүртье гэхэд би зүгээр л өгдөг. (За.) Цаад зүйлсийг нь шалгадаггүй; түүний хэн болох нь, баян, ядуу эсэх нь хамаагүй. (За.) Мөн түүгээр би байшин бариулж, ахин нураалгадаггүй. Чулуу зөөлгөж байшин бариулчхаад дараа нь нурааж, өөр газар бариулдаггүй. (За.) Би мөнгө шаарддаггүй, юу ч шаарддаггүй. (Тийм. Тийм.) Би өөрчлөхийн төлөө, хүмүүст туслахын тулд, тэдэнд боломж олгох гэж л хичээдэг. (Тийм. Та хүмүүст орж ирэхэд их амархан болгодог.)
Тийм ээ. Тийм учраас тэд ингээд болоо, ийм амархан гэж боддог. (За.) Тийм биш. Хөшигний цаана өөрөө зовдог. Би зовдог. (За.) (Өө!) Нэг хүн гэхэд л өнгөрсөн одоо ирээдүйн олон олон үеийнхэнтэйгээ холбоотой байдаг учраас зохицуулах маш их зүйл бий. (Тийм ээ.)
Тэгэхээр эдгээр хүмүүс үнэхээр харанхуй мунхаг, гаднах хүмүүсээс мунхаг. Дээрэмчдээс өөрцгүй, (Өө, тийм.) өөрт нь өгөөгүй зүйлсийг авдаг, хулгайч нараас ялгаагүй. Бид Таван Сахилтай. (Тийм, Багш аа.) Өөрт өгөгдөөгүй зүйлсийг авч болохгүй. Гэтэл тэд авсан. (Тийм.) Энэ бол хэдийнээ тэдний хийх ёсгүй байсан зүйл.
Ёс зүйгүй, ёс суртахуунгүй. (За.) Тиймээс ёс суртахуунгүй, ёс зүйгүй хэн ч бай маяагийн дайралтад эмзэг мэдрэмтгий болдог. (За.) Тэд эдгээр цоорхойг хайж байдаг; ийм хүмүүсийг хайж байдаг. Учир нь эдгээр нь тамын, чөтгөрүүдийн чанар нь юм. Диваажингийн чанар биш. (За, Багш аа.) Тиймээс тэд тамын зүг явж байгаа учраас тэнд л очно. Тэд буруу замаа сонгож байгаа. (За.) Сүүлд та нарт хэлсэн шиг -хойд эсвэл өмнө зүг рүү явна. Хэрэв тэд хойд зүг рүү явбал өмнө зүгт очихгүй. (Мэдээж.) Тийм учиртай.
Тэд өөрсөд рүүгээ маяаг татаж байна. (За, Багш аа. Тийм.) Тэгэхээр тэдний хийсэн бүхэн маяагийн нөлөөнд байх болно. Жинхэнэ биш, үйлийн үр нь цэвэрлэгдэхгүй. (За.) Учир нь энэ төрөлд жаахан үйлийн үр үлддэг ба (За.) аажмаар Их Багш цэвэрлэдэг.
Харин тэд үүнийг бусад хүмүүсээр хүндлүүлэхэд ашиглаж, тэднээр сөгдүүлж баривал... Би өөрөө ч ингэдэггүй. Тэд яаж хүмүүсийг сөгдүүлж зүрхэлнэ вэ, авшиг хүртээгээч гэсний төлөө удаан хугацааны турш сөгдүүлж байж өгдөг. Бурхан минь. (Бурхан минь.) (Тун муу.) Үнэхээр хүнд суртал. Би ч тэгдэггүй. Олон хүмүүс авшгийн дараа надад сөгдөж, мөргөхийг хүсэхэд нь би татгалздаг. Санаж байна уу? (Тийм ээ, дандаа.) (Багш “үгүй” гэдэг.) Би олны өмнө тэгж байсан. Заримдаа та нарт харагддаг. (Тийм.) Учир нь... яах гэж тэгэх вэ?
Тэдний дотоодод Бурхан бий. (За, Багш аа.) Би зөвхөн тэдэнд хэлж өгдөг. Зөвхөн Бурханы надад өгсөн хүчийг ашиглан тэднийг дэвшүүлдэг. (За, Багш аа.) Хэрэв мэхийх ёстой бол тэд Бурханд мэхийх ёстой. (За.) Мөргөх ёстой бол Бурханд мөргөх ёстой, мөн бүх цаг үеийн, бүх зүгийн Их Багш нарт мөргөх ёстой. Надад биш. Энэ бие махбодод биш. (За, Багш аа. За.) Гэвч ерөнхийдөө ингэж болно. Би зөвшөөрч болох ч, тэгэхийг хүсдэггүй. (За.)
Хүмүүсийг би ийм төрлийн боол байхад зааж сургамааргүй байна. (За, Багш аа.) Миний сүр жавхлангаас зуурах биш тэд дотоод руугаа харж өөрсдийнхөө сүр жавхланг олох хэрэгтэй. (За.) (За, Багш аа. Ойлголоо.) Үгүй бол тэд хөгжихгүй. Намайг хүндэлж, хайрлаж, дотооддоо надад итгэж болно. Ингэх нь энэ бүх гадаад жүжгээс илүү чухал. (Тийм ээ.) Учир нь байнга мөргөөд байвал, та нар Их Багшийг ингэж л хүндэлдэг юм байна гэж бодно. Тийм биш.
Их Багшийг хүндэлнэ гэдэг бол хичээнгүйлэн бясалгаж, Таван Сахилуудаа цэвэр, ёс суртахууны хувьд цэвэр сахихыг хэлнэ. Мөн хийх ёстой зүйлээ хийж, чадах зүйлээрээ бусдад тусал. (Тийм ээ.) Тийм л юм.
Хэрэв Их Багш өөрт тань зааварчилгаа өгөөгүй бол гарч хүмүүст авшиг хүртээж өөртөө асуудал тарьж, тэдний Их Багштай уулзах боломжийг нь бүү хаа. Үгүй бол та хулгай дээрмийн нүгэл үйлдсэн болно. (За.) “Хулгай бүү хий.” (Тийм.) “Худал бүү хэл.” (Тийм.) Хэрэв тэд ийм том зүйлийн талаар худал хэлбэл хүмүүсийг Үнэнд хөтөлж чадахгүй. (Үгүй.) Тэд эсрэг зүг рүү нь явсан.
Бид Үнэний эрэлчид. (Тийм, Багш аа.) Тиймээс бид үнэнч шударга байх ёстой, яагаад гэвэл бид тэр л зүг рүү явж байгаа. Хэрэв тэд худал хэлбэл, эсрэг зүг рүү нь явж байна гэсэн үг. (Тийм.) Тийм байж яаж тэд бусдыг Үнэнд хүргэх вэ? Тэд өөрсдөө бас зүг чигээ алдаж, буруу зүг явж байна. (Тийм.) Их Багш авшиг хүртээ гэж хэлээгүй. Их Багшаас авшгийг өгч гүйцэтгэх зөвшөөрөл, нэмэлт зааварчилгаа хүсээгүй. Мөн Диваажин бас өөрт тань хэлээгүй. Хэн ч хэлээгүй. Ямар ч сахиусан тэнгэр өөрт тань явж очоод за гэж хэлээгүй. Тиймээс хэн ч зөвшөөрөөгүй.
Өөрт тань юу ч байхгүй. (Тийм, Багш аа.) Гэтэл явж очоод хүмүүсийг хуурч, дараа нь үүнийгээ ашиглан жаахан буяны ажил хийж зүрхэлж байдаг, энэ бол юу ч биш. Үүнийг бүгдийг нь маяа өөртөө авна. Тэд маяагийн нөлөөнд байгаа учраас ямар ч буян хүртэхгүй. Тэд юу ч хийсэн бүгд маяагийн буян болно. (За.) Яагаад гэвэл энэ нь буруу зүг. Тэд тийшээ явдаг. Тэгэхээр тэнд тэд авдаг. (За, Багш аа.)
Их Багштай ажилладаггүй. Их Багш Ертөнцийн Хайр, Хүчтэй холбоотой. Тэд өөрсдийгөө салгадаг. Өөрөө Их Багш биш байж мөн гэж зарладаг. Хов хоосон. Яг л хүмүүст туслахыг хүссэн ч, банкандаа мөнгөгүй байгаатай адил. Олон зуун чек бичиж болох ч, бүгд хоосон. Тэгээд хуурамч чек олон дахин бичсэнээсээ болж (Тийм.) нэг өдөр цагдаад баригдана. (За, Багш аа.)
Адилхан. Ийм зүйл хийгээд байвал там араас тань элдэж хөөж очно, ертөнцийн цагдаа тэднийг тамд аваачин хариуцлага хүлээлгэнэ. (За, Багш аа.) Учир нь Диваажинд ийм төрлийн чанар байхгүй. Тэд хаачих вэ? Тодорхой хугацаанд шоронд суух ёстой болно. (За.) Тамд унана гэх гэсэн юм.
Энэ бол “би” үзэл болон нэр төрийн төлөөх шунал. Учир нь тэд намайг хаа явсан газраа хүмүүсээр хүндлүүлж, хайрлуулж байгааг харсан, (За.) гэвч энэ бол аяндаа болдог зүйл. Хүмүүсийг авшиг хүртье гэхэд нь би өвдөг сөгдүүлдэггүй, (Үгүй, Багш тэгдэггүй.) өөрийгөө том хүн мэт мэдрэмж авах гэж тэгдэггүй. Тэд хүслээ ч би мөргөхийг зөвшөөрдөггүй.
Ау Лакын (Вьетнам) авшиг хүртсэн настнуудын нэг нь Их Багшид гурван удаа мөргөх нь Ау Лакын (Вьетнамын) заншил гэж хэлсэн. (Тийм.) Тэгэхэд нь би “Үгүй, үгүй. За хамаагүй зүгээр л толгойгоо бөхийлгөөрэй. Бэлгэдэл төдий зүгээр.” гэсэн. Тэгэхэд л хангалттай. (За, Багш аа.) Дээрээс нь бидэнд цаг байхгүй. Хэрэв ашрам бүхэлдээ, бас ирж байгаа бүхэн мөргөөд байвал надад лекц айлдах цаг хугацаа гарахгүй, (Тийм.) идэж уух ч хугацаа гарахгүй. (Тийм, Багш аа.)
За, энэ бол үнэхээр сайхан уламжлал, гэвч цөөхөн тооны хүнтэй бол шүү дээ. (За.) Дээр үед энгийн сургуульд хүртэл ороод багшдаа мэхийн ёсолдог байсан. (Тийм.) Цэцэрлэгийн багшид хүртэл. Бөхийн мөргөж, шинэ өдөр бэлэг өгч, улмаар багш нь цэцэрлэгтээ хүлээн авдаг байсан. Энгийн багш хүртэл. (За, Багш аа.) Гэвч энэ бол тохиромжгүй, боломжгүй учраас бид боломжтой зүйлсийг л хийнэ. Шаардлагагүй зүйлсийг хасах хэрэгтэй. Учир нь хүмүүс бөхийж болох ч тэд дотооддоо хүндлэлгүй байдаг. Үүнд ямар хэрэг байна? (Тийм.) Тиймээс дотоод хүндлэл илүү чухал. (Тийм ээ.) Бидэнд цаг байхгүй бол энэ бүхнийг хийх шаардлагагүй. (За, Багш аа.) Олон уламжлал их сайн, их сайхан, гэвч уян хатан байдлаар ашиглах хэрэгтэй. (За. Үнэн.)
Мөн хүн бүр надад мөргөөд байвал “би” үзэл маань дүрэлзэх вий гэхээс эмээж байна. Яалтай билээ? Яалтай билээ? Тиймээс би түүнд, “Хэрэв та надад бөхийвөл би танд эргүүлэн бөхийх ёстой болно.” гэж хэлсэн. Гэтэл өвдөг минь энэ бүхнийг зөвшөөрдөггүй. Би хэдийн өндөр настай болжээ. Ойлгож байна уу? (Тийм ээ, Багш аа.) Өмнө нь тэд надаар тэврүүлэхийг хүсдэг байсан. Надад олон шавь байгаагүй үед, бясалгалын танхимд 800 орчим хүн байхад бол боломжтой. Гэвч одоо 8,000 -аас олон болно, эсвэл бүр 80,000. Би бүгдийг нь тэврээд байж чадахгүй. Цаг байхгүй. (Тийм.) (За, Багш аа.) Цаг байгаа ч, бусад илүү чухал, илүү том, тэдэнд хэрэгтэй зүйлд зарцуулна. (За, Багш аа.) Сэтгэлийн ханамж өгөхөөс илүү ач тустай зүйлд. Тийм л юм. Баярлалаа. (Баярлалаа, Багш аа.) Та нар таалагдаж байна. Сайн байна. Хэрхэн асуулт асуухаа мэддэг. Тун догь.
