Дэлгэрэнгүй
Татаж авах Docx
Дэлгэрэнгүй уншаарай
Өнөө үед та бүхэн интернэтээр өөрийгөө бүрэн гэгээрсэн гэж нотолдог багш, их багш нар, эсвэл Будда, Гүрү Жи, Сатгүрү гэдэг маш олон хүнийг олж хардаг. Гэхдээ тэдэнд хүмүүсийн сүнсийг мунхаг байдлын балчиг намаг, Марагийн заль мэх, урхины хортой чанараас гарган дэвшүүлэх ямар ч хүч байхгүй.Та нарт хэлэхэд, хэрэв та өөрийгөө Будда, эсвэл үнэхээр агуу, бүрэн гэгээрсэн Их Багш хэмээн өргөмжлөхийг хүсвэл танд гурван зүйл байх ёстой: Нэгдүгээрт, Диваажин, тамыг мэддэг байх. Хоёрдугаарт хаа сайгүй оршигч, бүхнийг чадагч, бүхнийг мэдэгч байх гэдэг нь хязгааргүй Олон Хувилгаан Биетэй байна гэсэн үг юм. Гуравдугаарт энд ч, чанадад ч Харьцуулшгүй бүрэн төгөлдөр Билиг ухаантай байх. Энэ бүхэн дээр нэмээд бусад гайхалтай Хүч чадлыг дэлхий дахинд буй шавь нар тань өөрийн тань заасан бясалгалыг дадуулснаар гарсан үр дүнгээрээ баталгаажуулах ёстой.Юуны өмнө та там хаана байдгийг мэдэх ёстой. Диваажин хаана байдгийг мэдэх ёстой. Та ядаж л өөрийн шавь гэгдэх хүмүүсээ тамаас аварч, Диваажинд хүргэх, эсвэл ядаж хойд төрөлд нь сайн хүн болгох чадвартай байх ёстой. Диваажин хаана байдгийг мэдэх ёстой. Ингэснээр өөрийнхөө шавь гэгдэх хүмүүсийг амар амгалан, аз жаргалтай, амар сайхан, эрх чөлөөтэй амьдруулахын тулд тэнд хүргэж чаддаг байх ёстой. Та там хаана байдгийг, Диваажин хаана байдгийг мэддэг байх ёстой. Өнөөг хүртэл эдгээрийг мэддэг энэ цаг үеийн их багш гэгдэх нэг ч хүнийг би олж хараагүй.Мөн өөр нэг зүйл бол та олон хувилгаан биетэй байх ёстой. Хэрэв танд итгэдэг хүмүүс, шавь нар тань доогуур ертөнцөд мөлхсөөр байвал тэднийг илүү дээд, өндөр хэмжээс рүү үргэлжлүүлэн чиглүүлэхийн тулд янз бүрийн ертөнцүүдэд Гэрлэн хувилгаан бие юм уу бодит бие махбод, эсвэл өөр биеэр байх ёстой. Мөн та олон мянган шавьтай, олон зуун мянган шавьтай гэж хэлэхийг хүсэж байвал тэднийг хэрхэн чиглүүлэхийг, одоо хийгээд цаашид чанад хүртэл, ядаж л мөнх бус гурван ертөнцөөс дээш хэрхэн яаж дэвшүүлэхээ мэддэг байх, яаж өдөр бүр 24 цаг, байнга дэргэд нь байхаа мэдэх ёстой. Тэднийг энэ биет ертөнцийг орхих хүртэл, мөн түүнээс цааш илүү дээд Диваажинд байхад нь, шавь нар тань энэ насандаа бүрэн чөлөөлөгдөж чадаагүй буюу энэ биет түвшнийг орхисныхоо дараа Дэлхийгээс жаахан дээгүүр Диваажинд байхад нь тэдний оюун санааны хөгжлийг хариуцсаар байх болно.Гуравдугаарт шавь гэгдэх хүмүүстээ зааж сургах билиг ухаантай байх ёстой. Жинхэнэ билиг ухаантай байхын тулд Бурханыг мэдэх хэрэгтэй. Зүгээр нэг эртний Будда нар, Гэгээнтэн Мэргэдийн үлдээсэн номоос дүнгэнэтэл уншаад байх биш.Тэгэхээр гурван зүйл байх ёстой байх нь. Диваажин хийгээд там хаана байдгийг мэдэх ёстой. Хоёрдугаарт хаа сайгүй оршигч, бүхнийг чадагч, бүхнийг мэдэгч байх ёстой. Ингэснээр та шавь нартаа хэзээ ч, хаана ч, хэдийд ч хэрэгцээтэй үед нь тусалж чадна. Гуравдугаарт шавь нартаа зааж сурган, мэдлэгийг нь нээж өгч, тэднийг өөрсдөдөө аажмаар тусалдаг болгохын тулд билиг ухаан төгс байх ёстой.Одоогийн их багш гэгдэгч дэндүү олон хүнд ийм зүйл огт байхгүй. Тэд зөвхөн номоос уншсан зүйлээ л давтаж, эсвэл өөрийн Их Багшийн сургаалыг давтан хуулбарлаж хэлдэг. Тэрхүү Их Багшийн сургаалыг заах зөвшөөрөлгүй, тэрхүү Их Багшийн нэрийг ашиглах эрхгүй ч байж мэднэ. Өөрсдийн мэт заахыг бүр ярих ч юм биш. Ингэх нь тэр их багш гэгчид асар их аюултай.Хүмүүсийг аврах, шавь нараа, эсвэл мөн төрөл саднаа тамаас аврахад шаардлагатай гурван хүч байхгүй, шавь нартаа зааж сургах Буддагийн юм уу Бурханы Билиг Ухаан байхгүй атлаа өөрсдийгөө агуу их багш, Гүрү жи, Сатгүрү гэх мэтээр зарласан тэр хүмүүс бүгдээрээ тасралтгүй, асар их галд удаанаас удаан хугацаагаар, багадаа олон мянган зиллион галавын турш шатаагдах галт халуун тамд унана.Энэ бол галаваас галавт тоолшгүй олон галав гэж болно... Хүмүүний тоолшгүй олон төрөлд. Үүнийг бүр сайн тоолох ч аргагүй. Жишээ нь: Хиндү шашинд нэг галавыг дэлхийн 4.32 тэрбум жил орчим гэж тайлбарладаг. Энэ нь Брахмагийн нэг өдөр юм. Харин Брахмагийн өдөр гэдэг нь оршин буй бүтээл устаж, үгүй болж, дараагийн үе, дараагийн үе бүтээгдэж эхлэх хугацааг хэлдэг байна. Гэхдээ дунд нь хязгааргүй үргэлжлэх амралт байдаг! Иймд энэ нь уртаас урт хугацаа юм.Тэгэхээр хэрэв бид нэг галавт Бурханы Төлөвлөгөө, Бурханы Өршөөлийн цаг хугацааны дагуу амьдралаа амгалан, зөв, ёс суртахуунтай дуусгаж чадахгүй бол бид нэг галав дуусаж дараагийн галав эхлэх хүртэл удаан хүлээх хэрэгтэй болно. Харин мянга мянган зиллион галавын турш тамд үлдвэл үүрд мөнх л гэсэн үг. Тиймээс л энэ тамыг үүрдийн там буюу Аюуш там гэдэг. Аюуш бол үүрдийн там. Шийтгэл нь хэзээ ч зогсохгүй. Шатаахаа хэзээ ч зогсоохгүй. Та орилж болох ч заримдаа бүр орилж ч чадахгүй. Гэтэл тарчлал үүрдийн үүрд. Ийм тамд хэн ч танд тусалж чадахгүй.Өөрийн шавь нарыг явуулан, эсвэл Өөрийн биеэр тэнд очиж туслах, эсвэл Хүчээ ашиглан байгаа там руу чинь Гэрэл илгээн өөрийг тань аварч чадах Хэмжээлшгүй Хүчтэй агуу Их Багшийг эс тооцвол шүү дээ. Энэ бол тун ховор боломж. Тиймээс миний хувьд энэ бүхнийг та нарт хэлэх нь аймшигтай ч гэлээ үүгээр та нарыг сэрээж, сүнсэнд тань хэтэрхий оройтохоос нь өмнө туслах байх л гэж найдаж байна. Бурханд залбир, Бурханыг алдаршуул, Бурханд таларх, Их Багшид залбир, Их Багшийг алдаршуул, арван зүг гурван цагийн Их Багш нараас сүнсэндээ тусалсанд нь таларх. Өөр хэн ч тусалж чадахгүй.Энэ цаг үед зөвхөн буянтай нь л аврагдана. Би хэдийнээ хэлсэн дээ. Амьтан-хүний мах иддэг байлаа ч, дайнд оролцсон байлаа ч даруу байж, наманчилж, Бурханаас Өршөөл эрэх аваас өөрийн оршин буй цаг үедээ заларч байгаа агуу Их Багшийн авралд багтах боломж байж болох юм. Гэтэл мунхаг байж, Бурханыг гутаан доромжилж, бүхий л Будда нарыг, бүх цаг үеийн агуу Их Багш нарыг өөрийнхөө дорд түвшний, аминч, хомхой шунаг, харанхуй, мунхаг тамын төрөлтөн гэж төсөөлж байгаа бол, нэр төр, эд баялаг олох хүсэлдээ автаж, өөрийгөө Их Багш гэж зарлаж, итгэгчдийнхээ төлөө юу ч хийж чадахгүй юм бол маш олон мянган галавын туршид та тамд байх болно. Төсөөл дөө, яаж тэсвэрлэх юм бэ? Тэгэхээр сэрж үз, эрс өөрчлөгд, наманчил. Бүх Их Багш нараас тусламж гуй. Бурханаас өршөөл гуйн залбир. Хуурамч их багш нар, тамд хэмжээлшгүй, хязгааргүй цаг хугацааг өнгөрөөсний дараа дахин төрөх боломж олдлоо гэхэд хүний биеийг олж төрөх зол хүртэхгүй, харин чөтгөр л болж төрөх болно.Энд их, бага тоо хэмжээ дурдлаа ч гэлээ түүгээр хязгаарлагдахгүй. Буддын шашинд, тэр ч байтугай Хинду шашинд олон янзын хэмжээ түвшний галав бий. Хамгийн урт галав гэхэд дэлхийн 1.3 их наяд жил байх болно. Нэгийг нь сонгож болно. Хамгийн богино, дунд хэмжээний, мөн өмнөхтэй адил зарим урт удаан там байна. Гэхдээ ийм яриаг үргэлжлүүлмээргүй байна. Учир нь бид цаг хугацааг тооцох гэсэн юм биш. Яагаад гэвэл зовж шаналж байхад ганц өдөр ч гэсэн үүрд мөнх мэт санагддаг юм чинь хэдэн тэрбум жил, хэдэн их наяд хэдэн зиллион жилийн тухай ярихын аргагүй аймшигтай. Энэ бол хязгааргүй аймшигтай мэдрэмж. Тэгээд тамд шатан шатсаар байх үед чинь өдөр, шөнө гэж байхгүй. Бүх зүйл харанхуйлж, өөрийг чинь шатаах галаас өөр юм байхгүй.Ээ Бурхан минь, сэрж үзээрэй. Дахиж ард түмнийг хуурах гэж битгий оролдоорой. Наманчилж, даруу бай. Бүх зүгийн Бурхан болон бүх Их Багш нараас өршөөл гуй. Бурхан бидний эргэн тойронд ямагт байдаг. Бүх Их Багш нар хүчээрээ, оюун санааны хүчээрээ биднийг үргэлж хүрээлж байдаг.
