Дэлгэрэнгүй
Татаж авах Docx
Дэлгэрэнгүй уншаарай
Хуурамч их багш нар тамд хэмжээлшгүй, хязгааргүй цаг хугацааг өнгөрөөсний дараа дахин төрөх боломж олдлоо гэхэд хүний биеийг олж төрөх зол хүртэхгүй, харин чөтгөр л болж төрөх болно. Энд их, бага тоо хэмжээ дурдлаа ч гэлээ түүгээр хязгаарлагдахгүй. Буддын шашинд, тэр ч байтугай Хинду шашинд олон янзын хэмжээ түвшний галав бий. Хамгийн урт галав гэхэд дэлхийн 1.3 их наяд жил байх болно. […] Зовж шаналж байхад ганц өдөр ч гэсэн үүрд мөнх мэт санагддаг юм чинь хэдэн тэрбум жил, хэдэн их наяд хэдэн зиллион жилийн тухай ярихын аргагүй аймшигтай. Энэ бол хязгааргүй аймшигтай мэдрэмж. Тэгээд тамд шатан шатсаар байх үед чинь өдөр, шөнө гэж байхгүй. Бүх зүйл харанхуйлж, өөрийг чинь шатаах галаас өөр юм байхгүй.Ээ Бурхан минь, сэрж үзээрэй. Дахиж ард түмнийг хуурах гэж битгий оролдоорой. Наманчилж, даруу бай. Бүх зүгийн Бурхан болон бүх Их Багш нараас өршөөл гуй. Бурхан бидний эргэн тойронд ямагт байдаг. Бүх Их Багш нар хүчээрээ, оюун санааны хүчээрээ биднийг үргэлж хүрээлж байдаг. Тиймээс Тэдэнд итгэ, Тэдэнд залбирч мөргө, уучлалт гуй. Гуйя, гуйя, гуйя. Та нарын хэн нь ч ийм тамд унаж, маш их зовж шаналж магадгүй гэж бодохоор надад үнэхээр их шаналалтай байна! Сэр л дээ! Сүнсээ тамд үүрд зовоохуйц юу ч тийм үнэ цэнтэй биш. Энэ хорвоогийн юу ч угтаа үнэ цэнтэй биш. Энэ бол зүгээр л түр зуурын буудал, түр буудал. Сэрж үзээрэй.Бид угаас ганцаараа, гар хоосон буцах болно. Бурханаас хайрласнаас илүү, хэрэгцээнээсээ илүү ихийг хуримтлуулах хэрэг юу байна вэ? Хэрэв та баян бол урьд төрөл, эсвэл энэ амьдралдаа хийсэн буяны тань төлөө Бурхан таныг шагнасан учраас тэр юм. Хэрэв та ядуу бол мөн л адил. Энэ бүгд үйлийн үр. Гэхдээ бид бүхнийг орхиод явна. Сэрээрэй. Наманчилж, даруу байж, Бурханыг эрэлхийлэн, жинхэнэ гэгээрлийг эрж ол. Гагцхүү та өөрөө л сүнсэндээ туслахаар шийдэж чадна. Хэрэв чин сэтгэлээсээ гэтлэхийг эрэлхийлбэл Их Багш нар ирнэ.Гуйя, миний хэлсэн бүх үгийг байдаг л зүйл гэж бүү бодоорой. Би хэтэрхий их цаг завтайдаа, хийх зүйлгүйдээ ингэж их яриад байгаа юм биш. Үгүй шүү. Би ярихгүй байхыг илүүд үздэг. Учир нь ярих юм бол сүнслэг энерги, оюун санааны (буяны) оноогоо алддаг. Хэрэв дэлхий даяар цацагдсан бол маш олон хүн үздэг. Тэгээд тэдний үйлийн үрийг ч бас хуваалцах ёстой болдог. Миний Бурханы шавь биш байлаа ч гэсэн.Хүний төлөө хийж байгаа бүхнээрээ тэдний үйлийн үрийг их бага хэмжээгээр авах ёстой болдог. Тиймээс Бурханы Ивээлээр тэдний үйлийн үрийг тэсвэрлэн, үргэлжлүүлэн амьдрах, тэдэнд зааж сургах, тэдэнд зөвлөгөө өгөх асар их хүч чадалтай байх ёстой. Тэд ямар нэгэн байдлаар сонсвол шүү дээ.Та бүхэнд бас нэгэн нууц дашрамд нь хэлье. Би өөрийнхөө тухай л ярья. Жишээ нь, би хаа нэгтээ амьдарвал надтай хамгийн ойр байгаа хүмүүсийн үйлийн үрийг авах ёстой болдог, эсвэл тэд надад хол байгаа хүмүүсээс илүү үйлийн үрээ өгдөг. Гэвч Бурханы авралаар ямар ч Их Багш дэлхийг бүхэлд нь адисалдаг. Жишээлбэл би орон сууцны байранд хүмүүстэй амьдарвал ямар байшингаасаа хамаарч өдөр бүр их эсвэл бага үйлийн үр авна, хүмүүсийн үйлийн үрээс хоёр таслал гаруйгаас магадгүй таван таслал гаруй хувийг авдаг.Манай байшинд жишээ нь ямар төрлийн хүмүүс байгаагаас хамаарна. Зарим байшинд надад бусад байшингаас илүү санагддаг ч нэг их ялгаа байхгүй. Хэрэв хүмүүсээс хол амьдардаг бол үйлийн үрийн нөлөө нь бага байх болно. Тийм учраас маш олон Гэгээнтэн Мэргэд хүмүүсээс хол ууланд амьдрахыг сонгосон. Бүр далайгаас хүртэл хол байхыг сонгодог, учир нь далайд бас үй олон сувдаг төрөлтнүүд, зомби төрөлтнүүд усанд нь нуугдаж байдаг. Ой мод, ууланд бас уулын төрөлтнүүд эсвэл ойн төрөлтнүүд байдаг ч тэд илүү нинжин. Хүний төрхөөр хотод амьдардаг сувдаг чөтгөр, ад зэтгэрүүдтэй адилгүй, эсвэл үл үзэгдэх байдлаар ойрхон олуулаа амьдардаг төрлийн төрөлтнүүдтэй адилгүй. Тэгэхээр үнэндээ бид хаа ч аюулгүй биш.Бурханы Гарт, Бурханы Тэвэрт л бид аюулгүй – Бурханыг санаж байвал шүү дээ, хэрэв Их Багштай бол, Бурханыг болон Их Багшийгаа байнга санадаг бол аюулгүй. Жинхэнэ Хүчтэй Их Багшийг хэлсэн юм шүү, үсээ хусаж, алдаг оног 250 сахил сахиж, бусдын өгсөн өндөг сүү гээд өгсөн болгоныг нь иддэг, юу ч ойлгоогүй байж Буддагийн судруудыг уншдаг хаа хамаагүй нэгнийг хэлээгүй юм шүү. Таван Сахил уламжилчхаад өөрсдийгөө их багш хэмээж, сүсэг бишрэлтэй, өөрсдөд нь өргөл өргөж ирсэн хүмүүсийг шавь нараа гэдэг. Энэ тийм хялбар биш. Тийм амар биш. Үгүй бол маш олон лам, номлогч, гэлэнмаа, имам, гүрү нар, төрөл бүрийн шашны хүмүүс байсаар байхад дэлхий яагаад үймээн самуунтай, асуудалтай, дайн дажинтай, гамшигтай, цар тахалтай хэвээр байна вэ гэвэл эдгээр хүмүүс гэгээрээгүй юм уу эсвэл маш бага гэгээрсэн, дагалдагч нартаа тусалж, дэлхийг бүхэлд нь аврахын тулд тэдний сүнс, сэтгэлийг дэвшүүлэхүйц хангалттай өндөр гэгээрээгүй байдаг.Үнэнийг хэлж буйд уучлаарай. Хэрэв тэд надад уурлаж байвал би хүлээн авах юм уу буцаагаад илгээхээс өөр аргагүй. Надад тэдний өгөх ёсгүй зүйлс өөрсдөд нь хэд дахин үржигдээд буцаад очдог эсвэл ядаж л тэр хэмжээгээрээ буцаж очно, яагаад гэвэл миний аура тэдгээрийг хүлээн авдаггүй. Бурханы Ивээлээр бусад харанхуй мунхаг төрөлтнүүдээс авсан үйлийн үр бол өөр. Тэд бол харанхуй мунхаг хүмүүс. Хэн ч тэдэнд илүү сайныг заагаагүй. Тэд сүнслэг ертөнцийг болон үйлдлийнхээ үр дагаврыг үнэхээр сайн ойлгодоггүй. Тиймээс зарим хөнгөн үйлийн үрийн тохиолдолд Их Багш зохицуулж, тэдэнд туслах боломжтой.Зарим хүнд тохиолдолд тэд эхлээд тамд очиж зарим хэсгээ цэвэрлүүлж байж дараа нь Их Багш магадгүй тэднийг зовоолгүй дэвшүүлж, буцаад хүн болгож төрүүлэх боломжтой. Нүгэлтэй, ёс суртахуунгүй, бусдад хор хөнөөлтэй байхын үр дагавраар тамд ямар их зовлон туулдгийг мэдэж тэд буянтай ариун амьдралаар амьдрах ёстой, жишээлбэл тийм.Гэвч хуурамч их багш нар тамд магадгүй үүрд байх ёстой болно, үүрд, хязгааргүй хугацаагаар. Тэгээд ахин төрөх боломж олдоход шууд хүн болохгүй, харин хаа ч амьдрах боломжгүй тийм ертөнцөд чөтгөр болно, - тийм нэртэй, “хаа ч амьдрах боломжгүй ертөнц” - тэндээ ахиад олон газиллион эрин галаваар амьдарна, эсвэл чөтгөрөөс ч дор статустай байх болно. Би ганц хоёр л жишээ хэллээ. Үгүй бол үүрд ярих болно. Бүхнийг дэлгэрэнгүй ярина гэвэл бүтэн ном болно. “Эрин галав” гэдэг үг хүртэл олон төвшний галавтай, хамгийн бага, дунд болон хамгийн их гэх мэт та нарт түрүүн хэлсэнтэй адил.Бурхан намайг өөрийн биеэр гамшигт нэрвэгдсэн бүсээс, мөн дайны бүсээс ямар ч хүн аварч болохгүй гэж хэлж, бас тэдэнд юу ч өгч болохгүй гэхэд нь миний сэтгэл үнэхээр эмтэрч, би тасралтгүй уйлсан. Одоо ч уйлдаг. Үүнийг бодоод одоо ч уйлдаг. Шувуу-хүмүүс хол нисэж, би тэднийг, эсвэл хулгана-, хэрэм-хүмүүсийг хооллож чадахгүй болоход сэтгэл минь эмтэрсэн. Энэ дэлхийд хоол тэжээлийн дутагдлаас болж, олон талаар аюулгүй байдал дутагдсанаас болж зовж буй бүхнийг хараад би дэлхий дахинд тусалж чадах ч болоосой гэж хүсэж байна. Залуу байхдаа хүртэл хуучин нөхөртэйгөө амралтаар явж байхдаа бичсэн олон шүлгээс минь та нар надад ямар байсныг харж болно. Жишээ нь, дэлхий дахины бүхий л төрөлтнүүдэд туслах хоол тэжээлийн арвин их баялагтай байхыг хүсдэг.Buddha’s Sadness (Nỗi Buồn Bồ Tát) Poem composed by Supreme Master Ching Hai (vegan) in Her late 20sДэвэх далавчныхаа өд сөдийг өрвийтөл Дүн өвлийн хүйтнийг сөрөн үмх хоол хайн бэдрэх шувуудыг харахуйяа Диваажингаас үр тариан агуулах олоод би Тэртээх уул тал ой модоор нэг цацахсан гэж хүснэм Тэндэх шувууд тэгвэл гэдэс гарч бас дулаацахсан!Аагим халуун өдөр усан бороотой шөнө ээлжилсэн эзгүй энэ газар Хаягдмал бунхан бараадаж өлдөж туйлдсаар Элэг эмтрэм болж эгнэгт орхигдсон мууранд Амтлаг бас тэжээллэг хүнсээ өгөхсөн гэж хүснэм!Хад асган гэртэй хангайн буга, янгирыг бас өрөвдөнө Хуурай навч эрсээр өдөржин хэсүүчлэх тэд Шимт өвс тунгалаг горхийг хаанаас олохсон билээ. Хүйтэн булш мэт тэндэхийн хад асга уйтайяа!Гэгээнтний зүрх эгнэгт шанална Гараг дэлхийг аврах амлалт биелэдэг л байгаа даа? Хамаг итгэл найдвараа өвдөг сөгдөн нэг бөхлөөд Хамгийг бүтээгч түүнээс гарагаа аврахыг гуйлаа.Одоо бол би хамаг төрөлтнүүдийн зовлонг бүр ч илүү мэдэрдэг. Тиймээс Бурхан намайг шийтгэнэ үү, эсвэл там шийтгэнэ үү хамаагүй, тэртээ тэргүй би өдөр болгон зовдог. Энэ гараг дээр миний эргэн тойронд буй бүх төрөлтнүүдийг, хүмүүс, модод гээд бусад олон төрөлтнүүдийг би мартаж чаддаггүй. Моддыг амьд сэрүүн, эрүүл саруул байхад нь их биеийг нь тастаж хэдэн хэсэн болгон хуваахад тэд яаж ч чаддаггүй.Мөн Буддагийн хэлснээр бол ариун бус хүмүүст өглөг өгвөл өгч байгаа, авч байгаа аль аль нь ямар ч буян хүртэхгүй гэсэн байдаг. Буддагийн цаг үед олон хүн лам гэлэнмаа нарт өргөл өргөдөг байсан. Эдгээр лам гэлэнмаа нар цэвэр ариун, Буддаг үг үсэггүй дагадаг байсан. Мөн Буддад итгэдэг хүмүүсийн зүрх сэтгэл нь ариун байдаг учраас тэдэнд өргөл барьц өгч болно. Тэгснээр тэд аль болох эрүүл саруул байх юм. Тэгэхээр хэрэв бид хүмүүст зүрх сэтгэлдээ өргөл өгч байхад бидний сэтгэл ариун бус байвал бид юу ч хүртдэггүй. Аймшигтай нь бид эдгээр хүмүүсийн үйлийн үрийн ертөнцөд хутгалдан ордог. Жишээ нь хэрэв гуйлгачин хүнд та хайр энэрлийн сэтгэлгүй юм өгвөл мөн тэр гуйлгачин үнэхээр цэвэр ариун биш, үнэхээр ядарсан нэгэн биш бол та тэрхүү гуйлгачны ертөнцөд живэн орж, энэ төрөлдөө юм уу дараагийн өөр нэг төрөлдөө гуйлгачин болох боломжтой. Тийм байдаг. Тиймээс энэ дэлхийд бидний үйлдэл бүхэн бидний сайн сайхан, сүнслэг дэвшилд туйлын аюултай. Тэгэхээр юу ч хийсэн, цэвэр ариун сэтгэлээр үйлдээрэй. Ядаж л та цэвэр ариун байвал туслахыг хүссэн тэр хувь хүн эвсэл бүлгийнхээ үйлийн үрийн ертөнц рүү чирэгдэж орохгүй.Photo Caption: Сэтгэлийг тань баясгах зарим золиослол!
