Дэлгэрэнгүй
Татаж авах Docx
Дэлгэрэнгүй уншаарай
Тиймээс Тэр (Ерөнхийлөгч Трамп) хүчирхэг, Тэр ялж буй агуу байр сууринд байгаа. Тиймээс ч Тэрээр ерөнхийлөгч Зеленськийг дайнд гурван жилийн турш нухлуулсныг бага зэрэг мартаж, жаахан бодлогогүй хандсан байх. Дайны толгойн өвчнөөс болоод түүний үс гэнэтхэн бууралтаж, царай төрх гээд хамаг юм нь өөрчлөгдсөн шүү дээ. Дэндүү их хариуцлага, хэт их зовлон, хэт их заналхийлэл гэх мэт төрөл бүрийн юм бий. Дээрээс нь түүний амь нас дайн эхэлсэн цагаас аюулд байна.Хэдийнээ шалан дээр уначихсан байгаа хүнийг өшиглөх учиргүй. Гэвч улс төрийн нөхцөл байдал хэзээ ч хэнд ч амар байдаггүй. Хэрэв би ерөнхийлөгч Зеленський байсан бол гээд төсөөлбөл яахаа мэдэхгүй л байх байсан. Түүнтэй адилхан ийм нөхцөлд байсан хэн ч бай илүү ухаалаг байхгүй л болов уу. Бүх талаас дарамт шахалт ирж, хэдийнээ хэт их зүйл алдчихсан, хэт ихийг алдаж, улс орноо хүртэл алдахаас айна шүү дээ. Ялагч тал үргэлж бусдыгаа илүү бодолцдог, илүү ойлгодог байх ёстой.Шихү Ашрамд бид нэг бяцхан тоглоом тоглодог байсан. Заримдаа надад өөр өгөх юм байхгүй бол, жишээ нь бид хамт хооллож байх үед хүн бүрийн хамгийн дуртай нь (веган) мөхөөлдөс байдаг ч заримдаа тэд хангалттай худалдан авдаггүй. Хүн бүр нэгийг авчихсан байхад заримдаа би тэдэнд нэмж өгдөг байв. Тэгээд хүн бүр хоёр дахиа авахад дутаад байвал, хангалттай байхгүй учраас хоёр дахиа авч чадахгүй тохиолдолд, жишээ нь сүүлийн хоёр хүний дунд нэг л (веган) мөхөөлдөс үлдсэн байдаг. Тэр үед би тэднийг нэг, хоёр, гурав, хайч, чулуу, даавуу гэдэг тоглоом тоглуулдаг. Ингээд нэг нь ялагдах нь гарцаагүй. Энэ тоглоомд үргэлж нэг хүн нь ялагддаг.Ингээд нэг гэлэнмаа ялагдсаны дараа би ялагчид нь “За, ялагдсан нь (веган) мөхөөлдсийг авч болно.” гэлээ. Хүн бүр гайхаж, “Гэхдээ яагаад? Ялсан нь сүүлчийн (веган) зайрмагийг авах учиртай шүү дээ.” гэв. Би “Үгүй. Ялагдсан хүн тун их сэтгэл гонсгор байж, гуниглаж, ичиж байгаа. Тиймээс тэр одоо ялагдсан нөхцөл байдалдаа тайтгарахаар (веган) зайрмагийг авах нь зөв.” гэсэн. Тэгтэл бүгд инээлдэж, бууж өгсөн дөө. Гэхдээ дуртай ч бай, үгүй ч бай би ялагдсанд нь өгсөн. Бид зүгээр л тоглож байсан хэрэг. Улс төрийн дайн бол зүгээр нэг (веган) мөхөөлдөснөөс өөр байдаг байх. Ядаж л та нарт онигоо ярьж өглөө. Баярлалаа.Тэгэхээр ерөнхийлөгч Зеленський зарим нэг өөр үзэл бодолтой, эсвэл өөр бодол, өөр санаатай байвал энэ нь тэрээр ард иргэдтэйгээ их зүйл үзэж туулсан гэсэн үг. Тиймээс түүнд жаахан зөөлөн, болгоомжтой хандах учиртай байсан. Хүмүүс хаалган дээр тань илүү өндөр байр сууринаас бус арай доод байр сууринаас хандан ирсэн байхад бид тухайн хүнд илүү зөөлөн бодлоготой хандах учиртай байсан юм. Агуу Ерөнхийлөгч Трамп Таныг гомдоосон бол уучлаарай. Би Таны шүтэн бишрэгч гэдгийг Та мэднэ. Таныг би өөр өөр аргаар дэмжиж ирсэн, шууд болон шууд бусаар аль чадлаараа дэмжиж ирсэн. Таныг гомдоох зүйл хэлсэн бол уучлаарай. Гэхдээ би шулуухан хэлдгээрээ алдартай.Би ерөнхийлөгч Зеленськийн талд ороогүй юм шүү. Зүгээр л түүнийг ойлгодог. Түүний байр суурь, ард иргэдийг өрөвдөж байна. Энэ улс аль болох хурдан амар амгалан болохыг, мөн хамгийн сайн сайхан бүхнийг ерөөе. Дэлхий даяараа мэдэхээс өмнө эхлээд үйл ойлголцол, учир зангилаагаа тайлж байх ёстой. Түүний улс орон хэдийнээ ихээхэн үймээн самуун, уй гашууд автаад байна, тэр хүчирхэг байр сууринд биш байна. Тэр хаалга хаалга дамжин тогшиж, өөр өөр улс орныг эх оронд нь туслахыг гуйсаар ирсэн. Тиймээс бид илүү өрөвдөх учиртай. Хэн нэгэн хэдийнээ дорд нөхцөлд байхад түүнийг нэмж өвтгөх учиргүй. Тэр ганцаараа биш. Тэр улс орноо төлөөлдөг. Тиймээс Та илүү зүйл мэдэж байвал түүнд аажуухан тайлбарлах учиртай. Би тэгж бодож байна. Настай эмэгтэйн бодлыг өршөө.Ялж байгаа үед бидэнд нэг тийм хүчирхэг хэт өөртөө итгэх итгэл төрж, улмаар илүү хувь ерөөл багатай бусад хүмүүсийг ойлгож чаддаггүй. Тийм л юм. Ерөнхийлөгч Трамп Та ямар ч муу юм бодож санаагүй. Та Өөрийнхөө аргыг шилдэг нь гэж бодсон. Шилдэг нь ч байж магад. Гэвч Та биш өөр нэгэнд, Таны агуу байр сууринд байдаггүй, хэт их толгойн өвчин, хэт их төөрөгдөлтэй, бүх талаасаа дэндүү их дарамт мэдэрч буй, магадгүй бүр эхнэр хүүхдүүдтэйгээ уулзалгүй хэчнээн ч юм удсан нэгэнд аажуухан тайлбарлах ёстой.Дайн анх эхэлж байхад түүний эхнэр телевизэд ярилцлага өгч, хөтлөгчид нь “Таны ачаар өнөөдөр би нөхөртэйгөө уулзлаа. Дайн эхэлснээс хойш би түүнтэй уулзаагүй.” гэж хэлсэн. Энэ бол маш урт хугацаа. Хүүхдүүд нь бас түүнтэй уулздаггүй. Түүний хүүхдүүд хүртэл цэргүүд болж, гарч тулалдахыг хүсэж байгаа. Тэд жаахан хүүхдүүд байсан.
Media Report from The Telegraph – May 23, 2022, Olena Zelenska: Бусад бүх украин гэр бүлийн адил манай гэр бүл ч тусдаа байгаа.
Olena Frolyak: Дайн ерөнхийдөө нөхрийг тань аваад явсан уу?Olena Zelenska: Хэн ч нөхрийг минь авч явахгүй, дайн ч байлаа гээд үгүй. Гэвч тэр ажил дээрээ амьдарч байгаа нь үнэн. Бид бараг л уулздаггүй. Хоёр сар хагасын турш бид уулзсангүй. Утсаар л ярьсан. Одоо бидэнд уулзах хэдэн хэдэн боломж бүрдэж, хамтдаа цагийг өнгөрүүлэх боломж гарсанд би бас талархаж байна.His Excellency Volodymyr Zelenskyy: Телевиз дэх болзоо.Olena Zelenska: Телевиз дэх болзоонд маш их баярлалаа. Энэ бол хамт цай уух гайхалтай боломж. Би цонхны цаадах хачирхалтай дуунаар сэрсэн. Харанхуй байсан. Бараг л орой болсон байсан даа. Гэтэл Володимир дэргэд байгаагүй. Тэгээд хажуугийн өрөөнд ортол тэр зангиагаа зүүгээгүй, костюмтай зогсож байсан. Мэдээж би бүхнийг ойлгосон. Гэхдээ юу болж байгааг асуулаа. Тэр “Эхэлчихлээ.” гэсэн. Сэтгэлийн хөдөлгөөнийг илэрхийлэх аргагүй. Учир нь энэ бол аймшиг, ухаан балартал. Тэр тэгж хэлчхээд яваад өгсөн. Тэр мөчөөс хойш бид бие биетэйгээ бараг уулзаагүй гэж хэлж болно. Үнэнийг хэлэхэд тэр мөчид түүнд ямар түгшүүртэй байсныг ойлгодог. Амьдрал үүрд өөрчлөгдсөнийг бид бүгд шууд ойлгосон. Харин одоо би түүний “Дуусчихлаа.” гэж хэлэх өдрийг хүлээн амьдардаг.Media Report from NBC’s TODAY – July 21, 2022, Peter Alexander: Оросууд Украин руу түрэмгийлэн довтолсноос таван сарын дараа тэргүүн хатагтай Олена Зеленска ард түмэн, гэр бүлийнхээ аюулгүй байдалд сэтгэл зовниж буйгаа ярьсан юм. Үүнд түүний 18 настай охин Олександра, 9 настай хүү Кирило нар багтана. Таны хүү ямар мөрөөдөлтэй вэ? Тэр хэн болохыг хүсдэг вэ?Olena Zelenska: Мэдээж тэр цэрэг болохыг хүсдэг.Peter Alexander: Цэрэг болохыг хүсдэг байх нь.Olena Zelenska: Мэдээж.Peter Alexander: Ээж хүний хувьд энэ нь танд ямар бодол төрүүлж байна?Olena Zelenska: Хүүгийн минь хүүхэд насыг буцаан өгч, амьдралдаа бүрэн дүүрэн жаргаасай гэж л хүсэж байна даа.Peter Alexander: Гэсэн ч тэрээр өөрийн нөхөр, ерөнхийлөгч Володимир Зеленськийн одоо нүүр тулаад буй байнгын эрсдэлийг тэсэж туулах учраа олжээ. Тиймээс тэр хувийн амьдралдаа ч, олон нийтийн өмнө ч сэтгэлийн маш хүнд дарамтад байгаа. Тиймээс тэр ямар нэг зүйлийг буруу бодож байлаа ч бид түүнийг ойлгож, туслах учиртай. Яагаад гэвэл энэ нь олон сая хүнд, түүний ард иргэдэд тустай. Энэ тухай одоо ярихад нулимс гарч байна. Надад ямар ч туслах хүч үгүй. Бие махбодын хувьд байхгүй. Би олон зүйл хийж байгаа ч, түүний улс орны хувь тавиланг шийдэж чадахгүй бололтой. Тан шиг илт шийдэж чадахгүй нь.Ерөнхийлөгч Зеленськийн цээжинд бас асар том дарамт бий. Учир нь түүнийг гарын үсгээ зур гэж Таны шаардаж буй зүйлд, эсвэл тэр юунд ч гарын үсэг зурсан ард түмэн нь хүлээн зөвшөөрөх эсэх, түүний шийдвэрийг дотроо ч, гаднаа ч дэмжих эсэхийг тэр мэдэхгүй. Хэдийгээр түүнд дайныг зогсоох, бүхий л зовлон, аллагыг зогсоох хамгийн сайн санаа зорилго байвч өөрийнхөө шийдвэрийн үр дүн, ард түмнийх нь хариу үйлдэл түүнд тийм ч таатай бус байж мэднэ. Тэгэхээр түүнд бас хэцүү.Тиймээс Ерөнхийлөгч Трамп, Та бол агуу хүн. Түүнээс буцаж ирээд хувиараа тусдаа ярилцахыг хүсээрэй гэж гуйя. Дэлхийн өмнө тэр бүх сул дорой байдлыг цацах шаардлагагүй. Тэр хангалттай шийтгүүлсэн. Хэдийгээр тэр ямар нэг буруу юм хийсэн байлаа ч тэртэй тэргүй тэрээр гурван жилийн турш өдөр шөнөгүй шийтгүүлсэн.Photo Caption: Бүгдийг Баясгах гэж Бурхан Гоё Сайхныг Бүтээдэг
