Дэлгэрэнгүй
Дэлгэрэнгүй уншаарай
Тиймээс Ерөнхийлөгч Трамп, Та бол агуу хүн. Түүнээс (Ерөнхийлөгч Зеленськийг) буцаж ирээд хувиараа тусдаа ярилцахыг хүсээрэй гэж гуйя. Дэлхийн өмнө тэр бүх сул дорой байдлыг цацах шаардлагагүй. Тэр хангалттай шийтгүүлсэн. Хэдийгээр тэр ямар нэг буруу юм хийсэн байлаа ч тэртэй тэргүй тэрээр гурван жилийн турш өдөр шөнөгүй шийтгүүлсэн.Тэгэхээр ерөнхийлөгч Зеленський тантай, эсвэл Ерөнхийлөгч Трамп Тантай ярих эрх надад байхгүй. Би бол зүгээр л нэг эмэгтэй. Эмэгтэй хүний сэтгэл зөөлөн. Бид эрчүүд шиг дайсагнадаггүй. Ихэнх дайныг эмэгтэйчүүд биш эрчүүд эхлүүлдэг. Тэгэхээр ерөнхийлөгч Зеленський, би бол таны найз, би танай улсад аль чадлаараа тусалсаар ирсэн. Хүмүүст туслах надад тийм ч амар байдаггүй. Олон тэрбумтнууд шиг надад их мөнгө байхгүй. Би “Тэрбум”-д хараахан хүрээгүй. Ердөө “Саятан”, жижиг “саятан.” Тэгэхээр тэрбумтнууд магадгүй танд илүү тусалж байгаа байх. Үгүй ч байж мэднэ. Би мэдэхгүй нь.Би чадах зүйлээ хийдэг. Энэ тийм амар биш. Нэгэн их сургуулийн профессор, декан танай улсын нэг их сургуульд Ловин Хат веган зоогийн газар нээгээч гэж надаас хүссэнийг би шавь нартаа хэлэх гэсэн юм. Би хэдэн хүн илгээсэн ч тэдний хувьд тэнд байх амаргүй. Үлдэхийг хүслээ ч, бизнес үргэлжлэх боломжтой эсэхээс үл хамааран тэд ажлын визэнд их мөнгө төлөх ёстой болдог. Тэгээд удаан байх боломжгүй болсон. Намайг мэдээлсэн. Бараг л тэгсэн. Танай оронд одоо бизнес эрхлэхэд хэцүү үе юм шиг санагдаж байна. Би илүү их тусалж чадах байсан. Хүн илгээж, өөрт байгаа чинээгээрээ жаахан ч атугай мөнгө илгээдэг. Би хэдийн хэмжээнээсээ илүүг илгээсэн. Гэхдээ энэ амаргүй.Мөн би та бүхэнд, танай улсад туслах албан тушаалын хүн биш л дээ. Ерөнхийлөгч Трамп бол чадна. Тэр шударга хүн учраас Түүнд итгэх хэрэгтэй. Тэр бас эх орныхоо сайн сайхны төлөө ажиллах ёстой. Тиймээс хэн хэн тань дэлхий даяар аль сэдэв нь цацагдаж болох талаар харилцан тохиролцохын өмнө тусгайлан биечилж, илүү сайн ойлголцон ярилцах хэрэгтэй. Маш их зовж шаналан, нуруундаа их хүнд үүрэг хариуцлага хүлээж байгааг тань би мэднэ. Тэгээд урам тань хугарч, найдвар тээж, найдваргүй болж, хийх ёстой мянга мянган зүйл бий гэдгийг тань ч мэдэж байна.Гэхдээ энх тайван, хэлэлцээ бүхэн яг л бизнес гэсэн үг, та мэднэ дээ, эрхэм ээ? Хэлэлцээр бүр бизнестэй адил. Өгөө аваатай байх учиртай. Дандаа авч, эсвэл дандаа өгөөд байж болохгүй. Учир нь гуравдагч этгээд ноён Путин гэж бий. Зөв ч бай, буруу ч бай, бид түүнтэй харьцах ёстой, өгөх, авах арга барилаар тохирох учиртай. Хэн ч бүгдийг нь авч болохгүй. Хэн ч бүгдийг нь өгөх учиргүй.Дайснаа уучил, хоёр талдаа сайн гэрээ хий. Та хоёр эр хүн юм болохоор бардам зантай байгаа. Эрэгтэй хүн алдахыг хүсдэггүй. Энэ нь түүнийг зовоодог. Та алдахыг хүсэхгүй байгаа бол Путин үүнээс ч бага алдахыг хүсэж байгаа. Зүгээр л ярилцах хэрэгтэй, тэвчээртэй, даруухан, чин сэтгэлтэй байх хэрэгтэй. Аливаа нөхцөл байдлын өмнө Бурханд залбир. Энэ бол миний танд өгч чадах зүйл. Зүгээр л зөвлөгөө юм шүү. Танай улсад өгье, тусалъя гэвч хүссэн хэмжээгээрээ хандивлах их мөнгө надад байхгүй. Би чадахаараа багахан зүйл хийдэг. Би Дэлхийн Банкнаас мөнгө зээлэх ч юм уу тиймэрхүү юм хийдэггүй. Тэгэхээр миний мөнгө бусдынх шиг, баячуудын мөнгө шиг их биш. Өөрийн үйлсдээ анхаарахад л хангалттай хэмжээнийх бий. Иймд миний танд өгөх зөвлөгөө энэ.Аливаа ажил хэрэг, гэрээ хэлцэл, бүр гэрлэлтдээ, тэр байтугай эцэг эх, үр хүүхэдтэйгээ ч гэсэн үргэлж өгөө аваатай байх ёстой, эрхэм ээ. Танд хэцүү байгааг мэдэж байгаа ч ард түмэн тань ойлгох болно. Тэд энх тайвныг юу юунаас илүү хүсдэг. Тэгээд та яагаад ингэж, тэгж шийдсэнээ тайлбарлахад болно. Эсвэл ард түмэндээ ингэж, тэгж шийдмээр байна гэдгээ хэлээрэй. Тэгээд олонх нь зөвшөөрвөл үргэлжлүүлж болох юм. Энэ таны хувьд маш хэцүү нөхцөл байдал. Дэлхийн аль ч удирдагчийн орохыг хүсэхгүй байдалд та байгаа ч гэсэн улс орныхоо төлөө хамгийн сайнаар хийх хэрэгтэй. Замчлаач хэмээн Бурханд залбир. За. Мөн та бүхэндээ хамгийн сайн сайхан бүхнийг хүсэн ерөөе.Надад тантай ганцаарчлан ярилцах арга алга. Мөн би байгаа газраасаа хэрхэн э-мэйл илгээхээ мэдэхгүй байна. Би хэзээ ч э-мэйл илгээж байгаагүй. Яаж гэдгийг нь мэдэхгүй. Одоо ч гэсэн мэдэхгүй байна. Надад Суприм Мастер Телевизэд ажиллахад хэрэгтэй бүхэн л зэхээтэй байдаг юм. Би өөр юу ч мэдэхгүй. Мөн би э-мэйл илгээлээ гэхэд энэ үг танд хүрэх эсэх, эсвэл Ерөнхийлөгч Трамп руу очих эсэхийг ч мэдэхгүй байна.Би улс төрийн ертөнцөд тийм ч том хүн биш шүү дээ, та бүхэн мэднэ. Тиймээс улс орны тань төлөө чин сэтгэлээсээ залбирч, хамгийн сайн сайхныг хүсье. Таныг зөвшөөрвөл, ард түмэн тань зөвшөөрвөл би танай улсыг “Урейн” буюу “Өөрсдөө засаглахуй” хэмээн нэрлэе. Та бүхэн өөрсдийн эрх мэдлээр улс орноо засаглах эрхтэй. Өөр хэн ч засаглах ёсгүй. Энэ чухал.За. Мөн өдөр бүр залбираарай. Эхнэр, хүүхэдтэйгээ хааяа ч атугай уулзаасай гэж хүсэж байна. Хэцүү гэдгийг би мэддэг ч тэдэнтэйгээ уулзах, ярилцах цаг гаргах хэрэгтэй. Би бол дайны хохирогчид, мал нядалгааны газруудын золиос болж буй хохирогчдын зовлон шаналлыг хараад сэтгэл эмзэглэдэг настай эмэгтэй төдий. Хүн төрөлхтөнд дайнаас өөрцгүй нядалгааны газрууд байдаг. Амьтан-хүмүүс нядалгааны газарт очихуйц ямар ч зүйл хийгээгүй. Зүрх минь өдөр бүр шархирдаг. Тиймээс агуу ерөнхийлөгч, зоригтой ерөнхийлөгч нар аа, та бүхний дургүйг хүргэх зүйл хэлсэн бол намайг өршөөгөөрэй. Энэ нь тэрхүү түмэн олны төлөөх, дайны хөл дэх гэм зэмгүй иргэд, нядалгааны газар дахь амьтан-хүмүүсийн төлөөх асар их шаналлаас минь үүдэлтэй юм шүү.Тиймээс намайг өршөөгөөрэй. Та хоёрт хамгийн сайн сайхныг хүсье. Би Америкт хайртай, Урейн (Украин)-д ч хайртай. Би бас Орост хайртай. Ноён Путиныг бас анхаарч үзээрэй. Энэ олон жил би түүнд дургүй байсан ч гэсэн, дайн хийсэнд нь би дургүй ч гэлээ. Та мэдэж байгаа даа. Би бүх санал бодлоо эхэнд хэлсэн.Путиныг бас бодолцоорой. Тэр бас л хүмүүний ойлголтоор, хүний нийгэмд нэгэн хүн юм. Тэр ч бас хүн. Түүнд бас бардам сэтгэл бий. Тиймээс танд ч, түүний хувьд ч, Ерөнхийлөгч Трампын хувьд ч гэсэн аль ч талаар хэт их шахах нь ямар ч үр дүнд хүргэхгүй. Эхлээд чин сэтгэлээсээ, эв найртай ажиллах хэрэгтэй. Миний хэлэх зүйл энэ. Ингээд Орос болон Украин (Урейн)-д энх тайван тогтоосой хэмээн хүсэж байна. Дэндүү олон гэм зэмгүй хүн, цэргүүд, энгийн иргэд, хүүхдүүд, эмэгтэйчүүд хэдийнээ үрэгдчихлээ. Энэ бүхэн зүрхийг минь их шархлуулдаг. Бидэнд, надад энх тайван тогтоож өгөөч. Баярлалаа.Түүнчлэн ноён тэрбумтан Элон Маскад хандан би ярих эрхгүй бөгөөд би тантай хэзээ ч э-мэйл, тусгайлсан захидал, бусад зүйлээр холбогдох боломжгүй. Хэн нэгэн миний захидлыг аваад танд өгөх, эсвэл энэ дэлхийн өөр хэн нэгэнд өгөх эсэхийг би мэдэхгүй байна. Таныг эндээс хэдхэн үг ч атугай сонсоно гэж найдъя. Хүүхдээ хамгаалаарай. Хүүгээ ерөнхийлөгчийн Зууван танхимд өөртэй тань хамт ирэхэд зарим хэл амнаас хамгаалаарай. Түүнийг иймэрхүү газраас хамгаалаарай. Тэнд байгаа энерги түүнд сайн биш байж магадгүй. Тэр нялхаараа байгаа.Түүнийгээ хүүхдээр нь байлга. Түүнийг хэвийн нөхцөлд өсгөөрэй. Олон нийтийн нүднээс хамгаал. Түүнд хаана байх нь сайн бэ гэдгийг мэдэх аргагүй. Тиймээс түүнийг аюулгүй, хайр дүүрэн, сайхан газар байлгаж, түүнтэй ойр ойрхон уулзаж байгаарай. Эсвэл түүнийг аваад явлаа гэхэд дэлхийн төлөө ажил хийхээр ил гарахдаа түүнийг гэрийн үйлчлэгчтэйгээ юм уу хүүхэд асрагчтай үлдээж болох юм. Та бүх хүч чадал, бүх анхаарлаа төвлөрүүлэх хэрэгтэй. Хүүхэд битгий дагуулж яваарай. Энэ нь танд ч, хүүхдэд ч сайн биш.Мөн ерөнхийлөгчийн Зууван танхимд, олон нийтэд яриа хийх үед өөр сэтгэгдэл төрүүлдэг учраас энэ нь тийм ч сайхан харагдахгүй. Дэлхийн хамгийн хүчирхэг албан газрыг хүүхэд асрах өрөө, эсвэл зөвхөн хувийн хоолны өрөө, зочны өрөө болгож болохгүй. Бид Нийслэлийнхээ ажлын өрөөг хүндэтгэх учиртай. Энэ газрыг зөвхөн улс орны ажил хэрэгт зориулах ёстой. Энэ нь бас таны хүүхдэд хамаатай хэдий ч тэр өдийхөн насандаа тийш очих ёсгүй. Та түүнд хайртай, тэр ч танд хайртай гэдгийг би мэдэж байна. Тийм ч учраас заримдаа түүнээс салж чаддаггүй биз. Гэхдээ заавал чадах ёстой.Миний нохой-хүмүүс энд байхгүй. Миний шувуу-хүмүүс энд байхгүй. Тэд бол миний хайртай хүмүүс. Тэд миний гэр бүл. Би тэднийгээ маш их санаж байна. Бас миний шавь нар энд байхгүй. Бас тэднийгээ маш их санаж байна. Тэд намайг маш их санаж байгаа. Гэхдээ би одоохондоо ганцаараа ажлаа хийх хэрэгтэй байна. Би та бүхэнд өөрийнхөө хийж чадахгүй байгаа зүйлийг хэлж байгаа юм биш. Хэчнээн хэцүү байвч бид тэгэх ёстой. За юу, эрхэм ээ?Мөн би таныг маш их хүндэлдэг. Бас таны шүтэн бишрэгч. Та гайхалтай, тун хүчирхэг. Ерөнхийлөгчид албан тушаалаа эргүүлэн авахад нь тусалсан явдалд тань Америкийн ард түмэн талархаж байгаа. Та бол хамгийн сайн нь. Хамгийн сайн найз, ерөнхийлөгчийн итгэж болох хамгийн сайн нөхдийн нэг юм. Түүнд та байгаа нь золтой хэрэг. Тиймээс ажил хэргээ хувийн орон зайнаас гадуур байлгаж, түүнд хүчирхэг, сүр жавхлантай үйлсийн эрч хүчийг өгч, энэ хэвээр төвлөрсөөр байгаарай.Хүмүүс янз бүрийн сэдвээр ярилцаж, заримдаа маргаж, заримдаа үг хэлээр зөрчилддөг олон нийтийн улс төрийн талбар хүүхдүүдэд тохиромжгүй байдаг. Хүүхэд бүх зүйлийг ойлгохгүй байгаа мэт санагдаж болох ч түүний сэтгэл, оюун ухаан энэ бүхнийг тусгаж авах болно. Балчир хүүхдийн хувьд энэ нь тийм ч сайн эхлэл биш юм. Гуйя, би хүүхдүүдэд хайртай. Зөвхөн хүүхдүүдэд зориулсан олон зөвлөгөө бичсэнийг минь харж болно. Насанд хүрэгчдэд хайргүйдээ биш. Надад насанд хүрсэн шавь нар бий. Гэхдээ би хүүхдүүдэд хайртай. Учир нь тэд гэм зэмгүй, тэд манай эмх замбараагүй, таагүй хорвоод эмзэг байдаг юм. Тиймээс тэднийг улс төрийн тавцан, ажил хэргийн маргаан, гэр орныхоос өөр энергиэс хол байлгаарай. Хүүхдүүдийг гаднах өөрчлөлтийг даван туулах насанд хүртэл нь гэрт нь аюулгүй амьдруул. Түүний цаг ирнэ. Түүнд тэр цагийг нь үлдээ.Photo Caption: Өвлийн Улирал Цастай, Зуны Улирал Халуун, Өөрчилж Чадахгүй Бол Эвлэрээд Амьдар!
