Дэлгэрэнгүй
Татаж авах Docx
Дэлгэрэнгүй уншаарай
Өнөөдөр 2026 оны 8-р сарын 3. Өглөө. Хэдэн цаг болж байгааг мэдэхгүй. МАПА, Цаглашгүй Дээд Их Багш, ХЭМЖЭЭЛШГҮЙ Хүчит Гурвал бясалгалд минь ийн айлдсаныг эшилбэл “Та... Та...” Мартчихлаа, түр хүлээгээрэй . “Та Дэлхийн Энх Тайвныг хүлээн авахад бэлэн үү?” Би хэсэг зуур алмайран зогтусав. Тэгээд сэтгэлдээ баярлан, “Мэдээж, мэдээж, мэдээж. Тийм, тийм, тийм, тийм, тийм, тийм, би хүлээн авъя, хүлээн авъя, би Дэлхийн Энх Тайвныг хүлээн авъя. Би Дэлхийн Энх Тайвныг хүлээн авъя. Бид бүгд Дэлхийн Энх Тайвныг хүлээн авъя. Бид бүгд Дэлхийн Энх Тайвныг хүлээн авахад бэлэн байна.” гэлээ. Би гайхсан хэвээр “Хайр Энэрэлт Эцэг минь, Хайр Энэрэлт ХЭМЖЭЭЛШГҮЙ Хүчит Гурвал минь. Яагаад надаас асууна вэ?” гэв. Тэгэхэд надад “Учир нь Дэлхийн Энх Тайван Таных.” гэж айлдсан. Өө, БУРХАН минь. БУРХАН минь. “Эцэг минь, үнэхээр тийм гэж үү? Яагаад Та надаас асуув? Яагаад Дэлхийн Энх Тайвныг хүлээн бэлэн эсэхийг минь асуув?” гэлээ. Тэгэхэд ТЭР надад “Учир нь Дэлхийн Энх Тайван Таных.” гэж айлдсан. Би хэсэг азнаад “‘Дэлхийн Энх Тайван Таных.’ гэсний дараа өөр үг бий юү?” хэмээн асуулаа. Гурвал надад “Тийм ээ, бий.” гэв. Эш татвал “Тийм ээ, бий.” Би “Надад хэлж өгөөч.” гэлээ. Гурвал “Учир нь дайн тэглэж, огт үгүй болсон.” гэж айлдав. Хонгор минь, энэ мөрөөдөл биелсэн гэдэгт би яаж итгэх вэ? Гэвч би “Зүрхэнд минь мөнхөд орших, амьдралын минь Хайрт ХЭМЖЭЭЛШГҮЙ Хүчит Та Бүхэн яагаад надад үүнийг хэлэв? Дэлхийн Энх Тайвны тухай ямар ч албан ёсны мэдэгдэл дэлхийд гарахыг би сонсоогүй шүү дээ.” гэлээ. Дайнд идэвхтэй оролцсоор буй хэн нэгэн Дэлхийн Энх Тайвны гэрээ, харилцан энхийн гэрээнд гарын үсэг зурлаа гэж хэлэхийг би сонсоогүй гэсэн үг. МАПА, МАПА, МАПА. ХЭМЖЭЭЛШГҮЙ Хүчит, ХЭМЖЭЭЛШГҮЙ Хайр Энэрэлт, ХЭМЖЭЭЛШГҮЙ Өршөөнгүй, ХЭМЖЭЭЛШГҮЙ Дээд Авралт ГУРВАЛ, ГУРВАЛ, ГУРВАЛ. Надад хэлж өгнө үү. Хайр Энэрэлт Эцэг минь, би Орос, Украин буюу Урейн хоорондоо ямар нэгэн гэрээнд гарын үсэг зурсан тухай хараахан сонсоогүй. Надад үргэлжлүүлэх урам өгөх гэж Та хайрын үгсээр тайтгаруулахыг оролдоо юу? Учир нь 8-р сарын 1-нд, ердөө 8-р сарын нэгэн өдөр би алс холын Хаадын нэгтэй ядаж уулзаж, амьдралдаа гэрэл гэгээ, итгэл найдвар нэмнэ гэж найдаж байлаа. Бүх Хааны адис ерөөл хүн төрөлхтөнд болон энэ дэлхийн хамаг төрөлтөнд дайны талбар дахь үргэлжилсэн аллага, дайнаас үүдсэн зовлон, гамшгаас амсхийж, талархах боломж олгох болов уу гэж найдсан юм. Гэвч энэ харгис дэлхийн энх тайвны үйлийн үр саад болсоор байгаа учраас би Хаадын хэнтэй нь ч ярилцаж чадаагүй л байна. Дээр нь миний хувийн олон асуудал ч намайг ихэд үймүүллээ. Хувийн. Гэхдээ нууц гэсэн үг биш юм шүү. Зүгээр л банкны асуудал миний анхаарлыг шаардаж байгаа юм. Мөн бизнесийн асуудлууд ч бий. Тэдгээр нь надад заналхийлээгүй ч би өөрийн биеэр очиж зохицуулах боломжгүй тул бүх зүйл хэвийн байгаа эсэхэд санаа зовж, түгшихэд хүргэлээ. Гэвч Таны Аврал, Ивээлээр одоогоор зохицуулж болохоор байна. Гэсэн ч энэ бүхнээс болоод сэтгэл минь амаргүй байна. Миний нохой-хүмүүс намайг маш их санаж, хайр үгүйлж бэтгэрсэн шинжтэй, бас бага зэрэг өвдсөн гэдгээ дотоодоороо олон удаа дамжуулж буй нь зүрхийг минь үнэхээр шимшрүүлж байна. Өмнөх Хаад манай гарагт зочлон, энэ дэлхийн эерэг хүчийг бэхжүүлэхийн тулд бидэнд бэлэг, адис ерөөл, хайр авчирсан. Гэтэл Тэдэнтэй ярилцсанаа өөрийнхөө хүмүүст болон дэлхийн хүмүүст мэдээлэхийн тулд илүү ойлгомжтой, цэгцтэй өгүүлбэр, яриа болгон дахин боловсруулах ч зав гарсангүй. Маш олон зүйл байна. Энэ бүхэн сэтгэлд минь дарамт болж байна. Тэгэхээр Та энэ бүхнээс болоод намайг тайтгаруулахыг оролдоо юу? МАПА болон Гурвалтай ярилцахдаа бид энэ дэлхийн хэлээр харилцдаггүй. Гэхдээ дэлхийн ихэнх хүн телепат чадваргүй, үүнийгээ ашиглахаа больсон тул ойлгуулахын тулд би чадах чинээгээрээ хурдан хэлж, яриаг нь гүйцэхийг хичээж байна. Тэдэнд телепат чадвар нь байгаа. Гэвч яаж ашиглахаа мэдэхгүй болохоор хорвоогийн мөрөөдлийн хойноос хэт завгүй хөөцөлдөн, нүдэн балай, чихэн дүлий болсон учир ашиглаж чаддаггүй. Сүнслэг хэл нь үнэхээр хэдийнээ сарнин доройтсон тул өөрсдөд нь заяасан агуу хүчээ ашиглаж чадахгүй байна. Гэвч дотроо БУРХАНЫ-Хайр, БУРХАНЫ-Хүчийг хадгалсаар байгаа. Энэ дэлхийг захирдаг сөрөг хүч хэт их, хүмүүс сөрж дийлэхээргүй дэндүү их байна. Тиймээс би дэлхий дээрх эдгээр сүнсийг аврахын тулд бүх хүч чадал, байгаа бүхнээрээ тэмцсээр байгаа хэрэг юм. Бүгдийнх нь төлөө тэмцэхгүй байлаа ч гаргийн төгсгөлийн энэ үед хохирогч болсон гэмгүй сүнснүүдийн төлөө тэмцэнэ. Учир нь бид тэмцэхгүй бол дэлхий сөрөг хүчний гарт бүрмөсөн орж, тэд хүмүүст одоогийнхоос ч дор хандана. Дайныг дэмжиж, бусад хүмүүс, эсвэл хүн төрөлхтний эсрэг дайтаж буй хүмүүс дайны бүсээс ирсэн учраас тэр юм. Тэд дайны ертөнцөөс ирсэн. Тэд сөрөг хүчинд үйлчилдэг, эсвэл сөрөг хүчний хүчтэй нөлөөнд автчихсан. Харин бусад нь огт гэмгүй; дайныг эсэргүүцдэггүй ч үүнд нөлөөлөх ямар ч хүчгүй. Хүн төрөлхтний эдгээр гэмгүй бүлэг хүмүүсийн зарим нь дэлхийд эрх мэдэлтэй хэвээр бөгөөд хэлэлцээний ширээгээр дамжуулан дэлхийд энх тайван тогтоохоор ихэд хичээж байна. Гэвч... Дэлхийд Энх Тайван хараахан тогтоогүй хэвээр. Уучлаарай, би одоо ч бага зэрэг удаан, дуу хоолой минь ч хэвийн бус байна. Би одоо ч нэг л... хагас самадид, самадийн төлөвт хэвээр байна гэж хэлж болох юм. Гэвч амарч буй газраасаа гарч, өдөр тутмын бусад ажлаа хийвэл ярих зүйлээ мартаж магадгүй. Өмнө нь тэгж байсан. Учир нь би хэн нэгэнд хэлэх хэрэг гарна гэж огт боддоггүй байлаа. Тиймээс санах эсэхээ тоогоогүй. Би өөрөө л мэдэж, сүнс минь, Дээд Мөн Чанар минь бүх нөхцөл байдлыг хэрхэн зохицуулахаа мэдэж байвал бүр бичиж ч авдаггүй байсан. Дэлхийд энэ мэдээллийг хүргэхийн тулд бичиж авах тухай саяхнаас л бодож эхэлсэн. Тэгсэн атлаа л Пүсэгийн Хаантай ярилцсан яриа алдагдсан. Манай баг надаас хүлээн аваагүй, би ч хаанаас ч олж чадсангүй. Би өөртөө “Дахин сэргээн бичихийг хичээнэ.” гэж хэлсэн ч бүгдийг нь санаж чадах эсэх, бас үүнийг хийх зав гарах эсэхийг мэдэхгүй байна. Ай даа! Уучлаарай, би та нарт Пүсэгийн Хаан бид хоёрын уулзалтын яриаг хүргэнэ гэж амласан ч дахин сэргээн бичих зав байсангүй, мөн заримыг нь, эсвэл бүгдийг нь санах эсэхээ мэдэхгүй тул чадсангүй. Учир нь сөрөг хүч одоо манай дэлхийд байж болох хамгийн хүчтэй нөлөөгөө үзүүлж, төрөл бүрийн гамшиг, үер, ган гачгаар хүн, амьтан-хүмүүс, хамаг төрөлтнийг зовоож байна. Төрөл бүрийн таагүй явдал тохиолдож, хөөрхий хүмүүсийг бараг сөхөрч унахад хүргэн шийтгэсээр байна. Олон хүн баян, эсвэл эрх мэдэлтэй засгийн газарт ажилладаг учраас үүнийг мэддэггүй. Тэдэнд хэрэгтэй бүхэн нь, эсвэл хоол хүнс, аюулгүй байдал зэрэг бие махбодын бараг бүх тав тух ямагт бий. Тиймээс тэдэнд, ялангуяа дайны хэнээтнүүдэд хамгаалах учиртай ард иргэдийнхээ зовлонг ойлгох хэцүү. Тэдгээр хүмүүсийн татвар тэднийг тансаг амьдруулж, тав тух өгч, ард иргэдийнхээ санал бодол, хүслийг үл хэрэгсэх эрх мэдлийг нь ч олгодог. Өөрсдөө юугаар ч гачигддаггүй тул тэднийг буюу сөрөг хүч, дайсан гэгдэх хүмүүсийг, хөрш орны иргэдийг ч нүд далдирахгүйгээр хөнөөдөг. Харин шаргуу хөдөлмөрлөж, сүүлчийн зоосоо хүртэл татварт үнэнчээр төлөн, хүүхдийнхээ сургалтын төлбөр, хоол хүнс, хувцас, тав тухад санаа зовдог ядуу хүмүүс л зовж байна. Тэд маш их зовдог. Эцэг минь, бид бүгдийг, бүр түрэмгийлэгчдийг ч өршөөнө үү. Гэмгүй хүмүүсийг л хамгаална уу. Тэднийг тав тухтай амьдруулна уу. Энэ бүх сахиусны хилэн болон үйлийн үрийг арилгана уу. Хүн төрөлхтөнд Таны Агуу Байдлыг, Таны Хайрыг дахин таньж, Танд талархах боломж олгоно уу. Заримдаа би зарим нэг газарт, зарим хүмүүст, гамшигт өртөгсдөд, бүр амьтан-хүмүүсийн асрах газарт хандив өгөхийг хүсдэг ч зөвхөн веган газарт өгөхийг минь л зөвшөөрдөг. Энэ нь зүрхийг минь үнэхээр, үнэхээр шимшрүүлдэг. Тэдний үйлийн үрээс болж би тусалж чаддаггүй. Үүнийг хэн ч ойлгохгүй, тийм үү? Хэрэв бүгд ойлгодог байсан бол бие биеэ, амьтан-хүмүүсийг, нялх үрсийг хөнөөсөөр, алагдсан амьтан-хүмүүсийн цус дуслан шүүрсэн махыг идэж, өөрсдөдөө болон бусдад хор хөнөөлтэй элдэв зүйл хийхгүй байх байсан. Photo Caption: “Нууцлаг Далд Буй СҮР ЖАВХЛАНТ ЖИНХЭНЭ “БИ” Илчлэгдэнэ!”
