Дэлгэрэнгүй
Татаж авах Docx
Дэлгэрэнгүй уншаарай
Өө, МАПА, Хамгаас Хүчит, Хамгаас Хайр Энэрэлт, Хамгаас Энэрэнгүй Гурвал минь, илт өөрчлөлт төдийлөн харагдахгүй байхад яагаад “Энх Тайван минийх.” гэж надад хэлснээ тайлбарлаж өгөөч дээ? Мэдээж энх тайван хүмүүс, энх тайван улс орон, ертөнц, бүсэд байдаг хүмүүс энэ дэлхийд хамт амьдарч байгаа ч үйлийн үрээрээ дайны ертөнц, дайны бүсэд харьяалагддаггүй тул аль хэдийн амар амгаланг мэдэрч, бүх амьтан-хүн ч энх амгалан байдгийг би мэднэ. Тэд өдөр бүр, өдөрт олон удаа ирж надад хэлдэг. Хүмүүс амар амгаланг мэдэрдгийг би мэднэ. БУРХАНЫ шавь нар гэгдэх миний шавь нар энх амгаланг мэдэрдэг ч энэ гаргийг олон зууны турш захирсан сөрөг хүчний тачигнасан саварт олон гэмгүй хүн гацсан хэвээр байна. Тэдний (сөрөг хүчний) атгалт улам чангарч, хүмүүсийг эцэс төгсгөлгүй зовоосоор байна, ЭЗЭН МИНЬ. Тийм байхад Та яагаад Энх Тайван минийх гэж айлдана вэ? ЭРХЭМСЭГ ДЭЭД минь, би үүнийг өмнө нь Энх Тайвны Хаанаас, бүх Хаанаас, бүр амьтан-хүмүүсээс ч сонссон. Гэвч би энэ дэлхий, хүн төрөлхтөн, хэдийн хэт их зовсон хамаг төрөлтөнд бүрэн энх тайван, зуун хувийн энх тайвныг хүсэж байна. Хэрэв тэд аврагдаж, илүү дээд ертөнцөд дэвшин одох бол зовохыг нь би тэвчиж чадна. Гэвч асар их үйлийн үр бий болгосон тул тэд тэр бүр тийм азтай биш. Тиймээс нас барсан ч тэд Диваажинд очихгүй. Зовсон ч тэд тамаас тэр бүрчлэн зайлж чадахгүй. Тиймээс энэ дэлхий яг л... тал нь, эсвэл ихэнх нь надад там шиг харагддаг. Зүрх минь үүрд шаналж байна, ЭРХЭМСЭГ ДЭЭД минь ээ. Та өнөөдөр яагаад “Дэлхийн Энх Тайван Таных.” буюу Дэлхийн Энх Тайван минийх гэж айлдсанаа хэлнэ үү. Надад илүү тодорхой тайлбарлаж өгнө үү. Би энэ асуултыг тавих ёсгүйгээ мэднэ. Танд эргэлзэж байгаа мэт санагдаж болох ч би хүний ертөнцөд байсаар, хүний мөн чанар, асуулт, логик, найдвар, хүсэл тэмүүлэл, эргэн тойрныхоо бүхнийг өрөвдөх хүнлэг сэтгэлтэй хэвээр байгаа. Тиймээс намайг өршөөн тайлбарлаж өгнө үү. Тэгэхэд МАПА “Та Өөрөө аль хэдийн амар амгалан. Та Өөрөө үйлийн үргүй болсон. Баяртай байх учиртай. Энэ дэлхийн хүмүүс сайхан сэтгэлгүй, энх тайвныг хүртэх гавьяагүй. Тэднийг зүгээр орхи.” гэж айлдав. Өө, ЭРХЭМ ДЭЭДЭС минь, би өөрт байгаадаа үнэхээр талархдаг. Надад амар амгалан байдал, ажиллах тайван газар, энх амгалан, үнэхээр хэрэгтэй бүхэн байгаад чин сэтгэлийн гүнээс талархдаг. Гагцхүү... тэгвэл зүрх сэтгэлийг минь тайтгаруулж өгнө үү. Зүрх минь Танаас, Таны Хайраас бүтсэн. Бусад хүмүүс, бусад төрөлтний мэдэрч буйг мэдрэхээ зогсоож чаддаггүй. Таны айлдсаныг мэдэж, бүгдийг ойлгож байгаа ч бусдын төлөө буюу харгислуулсан амьтан-хүмүүсийн төлөө; хорвоод мэндэлж, Танд талархах боломжгүй болсон нялх үрсийн төлөө; дайны бүс, ган гачиг, үерт зовж буй хүмүүсийн төлөө мэдэрч, шаналахаа зогсоож чаддаггүй. Учир нь ЭРХЭМ ДЭЭДЭС минь, тэд зүгээр л мунхаг, эсвэл Таны хүүхдүүдийг хайр найргүй, тасралтгүй хүчирхийлдэг харгис сөрөг хүчний нөлөөнд автсан. ЭРХЭМ ДЭЭДЭС минь, би дэлхийд байсаар байна. Би бүхэлдээ Диваажинд оршоогүй. Би үргэлж нэгэн зэрэг өөр өөр Диваажин, ухамсрын өөр өөр түвшинд байдаг бөгөөд бусдын зовохыг хараад шаналдаг. Бусдыг өвдөхөд би өвдөлтийг нь мэдэрдэг. Зүрх минь эргэн тойрныхоо бүхэнтэй ижил хэмнэлээр цохилохоор заяагдсан тул би бүхнийг мэдэрдэг. Тиймээс би тэднийг өөрийн бүс буюу энх тайван, гэгээрэл, хангалуун сэтгэлийн бүсэд оруулахаар хамаг хүчээрээ хичээдэг. Тэр бүсэд үргэлж хангалуун, амар амгалан, аз жаргалтай, талархалтай байдаг. ЭРХЭМСЭГ ДЭЭД минь, тэд нэг бүрчлэн ингэж чаддаггүй. Тэгэхэд би яаж амар амгалан байж чадах вэ? Гэвч Таны Адис, Ивээл, Хайранд өчүүхэн би чин сэтгэлийнхээ гүнээс хамаг бүхнээрээ талархдаг. Би үнэхээр талархдаг. Гагцхүү зүрх минь эргэн тойрны бүх хүн, хамаг төрөлтөнтэй ижил хэмнэлээр цохилохоо зогсоож чаддаггүй. Өт хорхой, шоргоолжинд идэгдэж, ялзарч буй модыг харахдаа хүртэл би тэр модны төлөө маш их шаналдаг. Би тэр модны төлөө залбирч, түүнийг тайтгаруулдаг. Магадгүй тэр мод илүү сайн зүйл болон хувьсах цаг нь ирсэн байх гэж бодохоор бага ч гэсэн тайвширдаг. Гэвч зарим аврах төвд амьтан-хүмүүсийг амьтан-хүмүүсийн махаар хооллодог тул тэдэнд муу үйлийн үр үүрүүлж байна гэж Та надад айлдсан. Тиймээс би тэдэнд тусалж, хандив өгсөөр байвал тэд амьтан-хүмүүсээр тэжээхийн тулд тэднийг хөнөөсөөр байх болно. Тэднийг асардаг хүмүүс сайн санаатай ч хөнөөгдсөн амьтан-хүмүүсийн мах идсэн үйлийн үрийг үүрч, асарч буй амьтан-хүмүүсээ ч хөнөөгдсөн амьтан-хүмүүсийн махаар хооллодог. Ингэснээр тэдний үйлийн үр улам бүр хүндэрдэг. Тиймээс тэд амьтан-хүмүүсийг хөнөөж, махыг нь идсэн үйлийн үрээ нэмэхийн оронд үхсэн нь дээр гэж Та айлдсан билээ. Тэгвэл дараагийн төрөлдөө, хойд насандаа илүү дээр байж, бүр чөлөөлөгдөж ч болох юм. ЭЗЭН минь, би үүнийг мэднэ. Би Таны айлдсан бүхэнд итгэдэг. Би энэ бүхнийг мэднэ. Гэвч зүрх минь шимширсээр байна. Энэ хорвоогийн аливаа зовлонг өрөвдөн, сэтгэл түгшиж, нойргүйдэхээ болиход минь тусална уу. Би Суприм Мастер Телевизэд ажилладаг тул хүмүүсийг хүн чанараа хадгалж, илүү энэрэнгүй, нинжин сэтгэлтэй байж, чөлөөлөгдөхийг сануулахын тулд бүх мэдээг мэдэж, үзэх ёстой. Иймээс энэ бүх зовлонг манай Суприм Мастер Телевизээр хүртэл өдөр бүр надад сануулдаг. Үүнээс би зугтаж чадахгүй. Би мэдэхгүй байж чадахгүй. Энэ бүх зовлонг би хором ч мартаж чадахгүй. Энэ миний буруу гэдгийг би мэднэ. Заримдаа хүмүүст итгэж, тусалсан ч муу үр дүнд хүрдэг нь миний буруу гэдгийг мэднэ. Эцэст нь энэ бүхэн миний буруу гэдгийг мэдэж байна. Гэхдээ би яах вэ, ЭЗЭН минь? Энэ биет ертөнцийг орхин, өөрийн Орондоо буцах өдрөө хүртэл би энэ бүх зовлонг тэвчихээс өөр аргагүй. ЭЗЭД минь, намайг талархдаггүй гэж бүү бодоорой. Би өдөр бүр чин сэтгэлээсээ талархдаг, Та ч үүнийг мэднэ. Өөрийн амар амгаланг анхаарч, дотоод гадаад амар амгаландаа жарган, Таны надад хайрласан бүхнийг эдэл гэж үргэлж сануулдагт Тань талархаж байна, ЭЗЭД минь. Хэрэв би бүх зүйлээр хангалуун, төгс байж, амьдралдаа бүрэн аз жаргалтай атлаа тэдний хэнд ч тусалж чадахгүй бол яаж сэтгэл амар байх билээ? Гэхдээ бодоод үзэхэд би үнэхээр азтай. Миний бодлоор би энэ дэлхий, энэ Орчлонгийн хамгийн азтай төрөлтөн. Мөн Таны Хүч, Таны Хайраар олон хүн авшиг хүртэж, БУРХАНД ойртон, дотоод дахь БУРХАНЫ тухай илүү ихийг ойлгож, Гэртээ харихад бэлэн болж байгаад туйлын их талархдаг. Учир нь тэд аль хэдийн туйлджээ, ЭЗЭН минь. Таны Ивээл, Удирдамжаар над дээр ирсэн хэн боловч энэ үймээнтэй дэлхийд үхсэн амьдын хооронд мэт амьдарч байсан. Та тэднийг өршөөн уучилж, над дээр авчран өөрчилж, Таны удирдамж дор миний биеийн хичээл зүтгэл болон Бурхны шавь нарын минь хүчин зүтгэлээр тэднийг гэгээнтэн болгон хувиргаж байгаад би гүнээ талархаж байна. Таны үйл хэргийг, Таны эрхэм зорилгыг биелүүлэх ийм адис ерөөлт хувь заяаг бидэнд соёрхсонд би Танд үүрд, өдөр бүр талархаж явна. Иймээс би өөр дорвитой зүйл хийж чадахгүй байлаа ч, бүх Хаантай уулзан ярилцаж чадаагүй байлаа ч, бусдын зовлон шаналлын төлөө зүрх сэтгэл минь тайвширч чадахгүй байлаа ч, ЭЗЭН МИНЬ, би Танд мөнхөд талархах болно. Би бусдын аз жаргалын төлөө л “шунадаг” бололтой. Бусдын төлөө түгшиж, санаа зовж, шаналахаа болихын тулд үүнийг хэрхэн засахаа мэдэхгүй байна. Үүнийг яаж хийхээ би одоо ч мэдэхгүй байна, ЭЗЭНТЭН минь. Бусдад илүү их амар амгаланг хүссээр байгаа бол намайг өршөөгөөрэй. Намайг өршөөгөөрэй. Үнэхээр өршөөгөөрэй. Энэ нь Таны надад өгсөн амар амгалан, аз жаргал болон бусад бүхэнд талархдаггүй гэсэн үг биш юм шүү. Надад байгаа зүйл бусдад байхгүйг л би харсан. Энэ л намайг шаналгадаг, ЭЗЭН минь. Намайг өршөөгөөрэй. Би... Ойлгож байна. Би талархдаггүй хүн биш. Зүрх сэтгэлээ хэрхэн захирахаа л мэдэхгүй байна. Та таалбал надад замыг зааж, зүрхийг минь эдгээнэ үү. Гэхдээ зовж буй хүн төрөлхтнийг март гэж надад битгий хэлж, битгий тушаагаарай. Учир нь Та надад маш ихийг өгсөн. Би бусадтай хуваалцахыг хүсэхгүй байж яаж чадах вэ, ЭЗЭН минь? Би бол Та, харин Та бол Хайр, Та бол Хамгаалагч, Та бол Нигүүлсэнгүй, үүнээс ч хавьгүй илүү. Та яаж... Надад ийм чанар байхгүй байхыг хүсэж, хүлээж чадна гэж үү? Би Танд үүрд талархана, ЭЗЭН минь. Бусдыг шаналахад өөрөө өвдөхгүй байхыг би мэдэхгүй. Би хэтэрхий сэтгэл хөдлөлтэй. Би түр амсхийе дээ. Хэсэг завсарлая. Намайг... тайвширсны дараа өөр айлдах зүйл байвал айлдаарай, ЭЗЭД минь. Photo Caption: “Гоо Үзэсгэлэн Үргэлж Ил Байдаггүй, Арын Талбайн Булан Тухтай Байж Мэднэ”
