Дэлгэрэнгүй
Татаж авах Docx
Дэлгэрэнгүй уншаарай
Өнөөдөр, 10-р сарын 26-ны өглөө бясалгалын дараа намайг ердийнхөөрөө Суприм Мастер Телевизийн ажилдаа гарахгүй байж байхыг БУРХАН хүслээ. Учир нь бидний өмнө дурдсан хуучны анд дайны бүсэд илгээгдэн хэт их зовж байгаа учраас ингэж хатуу шийтгүүлэх ёсгүй хэмээн гомдол гаргажээ. Тэрээр дайны үед Ау Лак (Вьетнам)-т надад ямар нэгэн байдлаар тусалж байсан бөгөөд намайг Их Британид хүнд суртлын асуудалтай тулгарахад янз бүрээр тусалсан гэж хэлсэн байна. Тэр үнэн. Гэвч БУРХАН тэр бол нэг хэрэг. Үүнийхээ ачаар тэр тусламж дуудаж чадсан төдийгүй одоо бүр тамаас ч ангижирч чадсан. Хэдийгээр дайны бүсэд очсон ч тамд шатахтай зүйрлэх юм биш, өдөр бүр тамд байгаа шиг хатуу цээрлэл амсахгүй байгаа гэж айлдлаа. Тэгээд би БУРХАНААС “Би түүнийг Шинэ Орондоо аваачиж болох уу?” хэмээн гуйв. БУРХАН “Болохгүй, түүнд дургүйцсэн хүмүүс үүнийг шударга бус байна гэж шүүх болно.” хэмээн айлдлаа. Учир нь тэр дайнд амиа алдсан дотнын анд, хамтран зүтгэгчид, цэргүүдийнхээ өшөөг авахын тулд хэнийг ч ялгалгүй харгислан хөнөөж, хүмүүст хор хүргэсэн. Тэр өөрийгөө мунхаг байсны зэрэгцээ сэтгэлдээ тээсэн үзэн ядалтаасаа болж сөрөг хүчний албадлагад автсан хэмээн өршөөл хүссэн. Тэд үүнийг нь ашиглан түүнийг улам шахаж, эргэцүүлэх сөгөөгүй өшөө авч, аллага үйлдэхэд хүргэсэн аж. Тулааны талбарт нэг нь үхэж, нөгөө нь амьд үлддэг, эсвэл эсрэгээрээ байдаг. Харин гэтэл тэр боломж л олдвол ойр орчмын гэмгүй хүмүүсийг, мөн найзынх нь аймшигт үхэлд хамаатай гэж бодсон хэнийг ч ялгалгүй хөнөөж явжээ. Тийм ч учраас тэрээр найзынхаа тарчилж үхсэн тэр дүр зургийг мартаж чадахгүй байсан байна. Хутганы ирээр зүсэх мэт шуудхан үхээгүй шүү дээ. Тиймээс тэр өршөөл хүсэж, энэ түүхээ ярьсан юм. Түүний ярьснаар найз нь дайны үед тулааны талбарт түүний амийг хоёр удаа аварчээ. Тэд юу байгаа бүхнээ хоорондоо хуваалцдаг, бие биеэ ихэд хайрлан ойлгодог, санаа сэтгэл нийлсэн хамгийн дотнын андууд байж. Тиймээс тэр найзыгаа зүгээр л мартчихаж чадаагүй. Түүний найз маш энэрэнгүй, халамжтай хүн байжээ. Мөн найз нь олон дайчин нөхдөө төдийгүй тосгоны иргэд зэрэг тулалдааны бүс орчмын олон энгийн хүнийг аварсан байна. Тэгэхэд БУРХАН түүнд “Тийм ээ, тиймээс тэр аль хэдийн Диваажинд дэвшин очсон. Учир нь тэр дайны үеэр хэнийг ч алаагүй, харин хүний амь аварсан. Түүнчлэн тэр цагаан хоолтой, амьтан-хүмүүс мэтийг огт иддэггүй байсан.” гэж айлдав. Тэр сүүг маш бага хэмжээгээр хэрэглэж, бага зэрэг бяслаг, мөн дотроо ангаахайгүй, үр тогтоогүй өндөг иддэг байжээ. Тиймээс БУРХАН айлдахдаа “Диваажин ба Ертөнцийн хууль туйлын шударга. Тэр сайн хүн байсан тул Диваажинд байх эрхтэй. Чамтай зүйрлүүлэх аргагүй.” гэв. Тэгэхэд миний хуучин найз гэгддэг хүн толгой бөхийлгөн, БУРХАН туйлын Шударга бөгөөд Зөв гэдгийг хүлээн зөвшөөрсөн. Гэхдээ тэр надад тодорхой байдлаар тусалсан учраас би өдийд энд байж, БУРХАНЫ Даалгаврыг биелүүлж чадсаар байна. Тиймээс тэр үүгээрээ бага ч атугай буян хүртэх учиртай. Би “Тийм ээ, тийм, Төгс Хүчит Эцэг минь. Үнэхээр тийм байсан. Магадгүй Бид түүнд бага зэрэг өршөөнгүй хандах хэрэгтэй байх. Би түүнд илүү тусалж чадахаар бол Танаас надад ямар ч үйлийн үр оногдуулсан би хүлээн авахад бэлэн. Энх Тайвны Будда Хаан ч түүний төлөө өршөөл хүслээ. Би бас Ау Лак (Вьетнам) руу албадан буцаагдаж, тэнд үхэж болох байсан. Гэвч тэр надад тусалсан. Тэр сайн өмгөөлөгч нарыг мэддэг, мөн тэр үед мөнгөгүй байсан надад бүх хөлс зардлыг нь төлөхөд тусалсан. Мөн намайг Их Британид үлдээхийн тулд яаж өргөдөл гаргахыг мэдэж байв. Тиймээс би БУРХАНААС “Түүнд тусалж, түүнийг аварна уу.” хэмээн гуйсан. Ингээд Бид энэ тэрийг ярилцлаа. Гэвч БУРХАН ингэж айлдсан юм: “Түүнд өөр энгийн, соёлтой ажил хийх боломж байсан шүү дээ. Заавал дайнд явах албагүй байсан. Цэргүүдийн дунд байж гадуур хүмүүс рүү буудах гэх мэт элдэв бүгдийг хийж явах тиймэрхүү орчинд өөрөө дуртай байсан хэрэг. Тухайн үед түүнд заавал цэрэг болох шаардлага байгаагүй. Тэр цаг үед Британийн иргэд цэргийн албанд заавал явах үүрэггүй байсан. Тиймээс түүний үйлдсэн энэ бүх аллагыг зөвтгөх шалтаг бараг байхгүй.” Гэвч БУРХАН үүнийг зүгээр гэж үзсэн бөгөөд миний болон Энх Тайвны Будда Хааны гуйж хүссэнээр хуучин найз маань дахин тамд очиж, хэсэг хугацаанд өдөр бүр шийтгүүлэх үү, эсвэл дайны бүс дэх ялаа хэсэг хугацаанд үргэлжлүүлэн эдлэх үү гэдгийг ТЭРЭЭР шийдэх болсон. Гэхдээ аль нь ч байсан хугацаа нь илүү богино байхаар болов. Тамын ял ч, дайны бүсийн ял ч богиносож, хүний цаг хугацаагаар хэдхэн сар л үлдэх болсон. Үүний дараа тэр дахин хүний төрөл авч, Арьяабалын Бясалгалын гэр бүлд надтай хамт суралцах боломжтой болно. Тэгээд тэр эрх чөлөөтэй болж, би түүнийг өөрийн Шинэ Орон буюу Тим Ко Түгийн Шинэ Орон руу авч явж чадна. Тэр надаас хараахан авшиг хүртээгүй тул би үйлийн үрийг нь өөртөө авч чадахгүй учраас эдгээр сонголтоос нэгийг нь сонгох ёстой. Багахан хэсгийг нь авч болох ч бүх үйлийн үрийг нь авч чадахгүй. Тиймээс тэр үйлдсэн аллагынхаа үр дагаврын өр төлөөсийг төлөх шаардлагатай хэвээрээ. Миний хуучин найз хэсэг бодов. Тэгээд дайны бүсэд дахин дөрвөн сар хагас байхыг сонголоо. Тэрээр дайны бүсэд үргэлж зугтаж, хүмүүст хөөгдөн, аюулгүй байж амиа хамгаалахын тулд байнга нуугдах хэрэгтэй ч тамд шийтгүүлэхээс дээр гэж хэлэв. Учир нь тамын зовлон төсөөлшгүй, туйлын их бөгөөд зугтах, нуугдах ямар ч аргагүй. Тэнд ямар шийтгэл оногдуулдаг, хэр их зовлон амсдагийг энэ дэлхийн ямар ч үг хэлээр дүрслэх аргагүй. Тэрхүү тамлал яргалал бол үнэхээр тэсэхийн аргагүй. Өдөр, шөнөгүй тасралтгүй үргэлжилнэ. Өчүүхэн төдий л амсхийх завсар гарна. Тиймээс БУРХАН түүний нүглийг өршөөн арилгах хүртэл тэрээр одоогоор дайны бүсэд байхыг сонгосон. Дараа нь тэр дахин төрж, Арьяабалын Гэр бүлд нэгдэн, бясалгал хийснээр Бид эцэст нь түүнийг бүрэн аварч чадах юм. Ингээд БУРХАН нигүүлсэнгүйгээр түүнд энэ ялыг оноов. Би БУРХАНД мөргөсөн. Тэр Нигүүлсэнгүй Өршөөлд талархан БУРХАНД сөгдөн мөргөв. Энх Тайвны Будда Хаан ч өвдөг сөгдөн, түүний өмнөөс БУРХАНД талархсан. Найз маань БУРХАНЫ Өлмийд сөгдөж, духаа газарт хүргэн, мөргөсөөр байсан тул БУРХАН “Болно оо, болно. Чин сэтгэлээсээ наманчилж байгааг чинь болон дайны үеэрх дэлхий ертөнцийн үйлийн үрээр чамд тулгагдсан тэрхүү өрөвдмөөр нөхцөл байдлыг чинь би харлаа. Мөн сөрөг хүчин чамайг дарамталж, шахалт үзүүлсний улмаас л чи энэ бүх аймшигт, муу аллагыг үйлджээ.” гэж айлдав. Тиймээс бид бүгд БУРХАНД мөргөөд тарцгаасан. Би найздаа “Тэвчээртэй бай, тэвчээртэй бай. Намайг л бодоод байгаарай. Чамайг бүрэн өршөөгдөж аврагдах хүртэл чинь би чадах бүхнээрээ тусална. Дөрвөн сар хагас гэдэг урт хугацаа биш. Дахиж бүү гомдоллоорой. Чамд үүнээс өөрөөр туслах арга надад байхгүй.” гэж хэлсэн. Тэр ихэд талархан, надад ч бас мөргөв. Би “Хэрэггүй, хэрэггүй. Чи ч бас надад маш их тусалсан. Би чамд илүү тусалж чаддаг ч болоосой. Бид хамгийн сайндаа ингэж л туслахаар байна.” гэсэн. Тэгээд бид тэврэлдэн салах ёс гүйцэтгэв. Мөн тэрээр өөрийнх нь төлөө зуучилсан Энх Тайвны Будда Хаанд талархсан. Би ч бас Энх Тайвны Будда Хаанд талархлаа. Тэгээд бид бүгд өөр өөрсдийн замаар явав. БУРХАН Өөрөө миний хуучин найзад тусалсанд би зүрх сэтгэлийнхээ гүнд туйлын их талархсаар байна. БУРХАН тэгэх албагүй байсан. Өчүүхэн намайг үл голон, найзад минь үнэхээр тусалсан ТАНД би хязгааргүй их талархаж байна. Ижил төстэй нөхцөл байдалд орсон, эсвэл хуурмаг ертөнцөд амьдрахаас өөр аргагүйд хүрч, маш ихээр, үнэхээр ихээр зовж зүдэрч буй бүх хүнийг өрөвддөгийнхөө адилаар би хуучин найзыгаа маш их өрөвдсөн хэвээр байна. МАПА, надад болон найзад минь үзүүлсэн Таны Өршөөл, Энэрэл, Хайранд талархъя. ЭЗЭН минь, Танд баярлалаа. Та амгалан байг. Би Танд чадах бүхнээрээ үйлчлэхийн тулд цаашид ч хамаг чадлаараа хичээнэ. Мөн Таны үр хүүхдүүд мунхгийн улмаас, зарим талаар сөрөг хүчний нөлөөгөөр Орчлонгийн Хуульд харш олон зүйл хийж байгаагаас үүдэх Таны зовлонг багасгахыг хичээнэ. ЭЗЭН минь, Танд баярлалаа. ЭЗЭНТЭН минь, Танд баярлалаа. Тэвчээр, өршөөлийн Тань төлөө ЭЗЭНТЭН минь, Танд хязгааргүй ихээр, мөнхөд талархъя. ЭЗЭНТЭН минь, Та үргэлж амгалан байг. Би энэ тал дээр туслахын тулд хамаг чадлаараа хичээнэ. ЭЗЭН минь, Тандаа хайртай. ЭЗЭНТЭН минь, би мэднэ, энэ гаргийн хамаг төрөлтний зовлонгоос болж би ч бас маш их шаналж байна. Танд талархах нэг онцгой зүйл... Өө, энэ тухай би ярих ёстой эсэхээ мэдэхгүй байна. Дараа ярьдаг ч юм уу? Эсвэл Та одоо надаар энэ тухай яриулмаар байна уу? Учир нь Та надад энэхүү биет хэрэгсэл болох биеийг ашиглан, маш онцгой аргаар олон хүнийг Тантай холбох боломж олгосон. Би тэднийг өөртөө татсанаар тэд Тантай холбогддог. Тэгээд тэдний үйлийн үрийг миний зулайгаар ууршуулж, тамын төрөлтнүүдийг миний хөлийн улаар дамжуулан гаргаснаар Бид тэднийг тамаас мултрахад нь тусалж чадна. Энэ арга тамын төрөлтнүүдийг аварч, үр хүүхдүүдээ тамд шийтгүүлэн зовохыг тэвчин харж суух Таны шаналлыг багасгахад үр нөлөөтэй гэж би боддог. Нигүүлсэнгүй, Төгс Хүчит МАПА, ХЭМЖЭЭЛШГҮЙ Хүчит, ХЭМЖЭЭЛШГҮЙ Нигүүлсэнгүй, ХЭМЖЭЭЛШГҮЙ Хайр Энэрэлт, ХЭМЖЭЭЛШГҮЙ Өршөөнгүй, ХЭМЖЭЭЛШГҮЙ Энэрэнгүй МАПА минь, үүний төлөө Танд талархъя. ЭЗЭНТЭН минь, Танд баярлалаа. Өнөөдөр хуучин найзыг минь өршөөн, бүрэн чөлөөлөгдөх боломж олгосонд Танд онцгойлон талархъя. ЭЗЭНТЭН минь, Танд баярлалаа. Та бүр түүний өмнө гарч ирэн үзэгдэж, цэрэг байхгүйгээр гэртээ харьж, ажил олохыг анхааруулсан ч тэр Таны үгийг сонсоогүйг би мэднэ. Үүнээс болж тэр тамд илүү хатуу, удаан хугацааны зовлонгоор шийтгүүлсэн. ЭЗЭН минь, Танд үүнээс илүү хэрхэн талархахаа мэдэхгүй байна. Намайг талархаж явдгийг Та мэднэ. Танд хайртайг минь Та мэднэ. Хүн төрөлхтний өмнөөс болон зовж байгаад Танаар авруулж, өршөөгдсөн хамаг төрөлтний нэрийн өмнөөс би Таны Өлмийд дахин дахин сөгдөн мөргөе. Танд талархахаа би хэзээ ч мартахгүй. Таныг баярлуулж, Таны үр хүүхдүүдэд туслахын тулд чадах бүхнээ хийхээ би хэзээ ч мартахгүй. Гүйцэтгэе, ЭЗЭН минь. Гүйцэтгэе, миний Хамгаас Үзэсгэлэнт, Цорын Ганц Эцэг Эх минь. ЭЗЭНТЭН минь, Та амгалан байг. Та амгалан байг. Photo Caption: “Байгальд Харагдах Зүйл Ховор бөгөөд Сайхан Өөр Хаанахаас ч Илүү, Өглөө ч, Орой ч Ялгаагүй
