Энэхүү нууц дайныг зогсоовол бүх дайн зогсож, дэлхийд өнө удаан үргэлжлэх жинхэнэ энх тайван цогцолно, 9-ын 3-р хэсгийг Багш шавийн

Тэгэхээр манай гол мөрөн, нуур цөөрмүүд улам бүр ширгэн, алга болж, хаа сайгүй усны хомсдолд улам ихээр орсоор байхад улс орон бүрд шударга бус нядалгаанаас үүдсэн цусан гол зогсолтгүй урссаар байна. Гэм буруугүй амьтан-хүмүүсийн цогцос өдөр бүр улам овоорч нэмэгдсээр. Та нар харддаггүй ч нэмэгдсээр. Ийм зүйлсийг ярихаасаа ч ичиж, харуулах нь хориотой гэж үзэн, бүр нядалгааны газруудаа алслагдмал газарт нууж байршуулдаг атлаа яагаад дэмжсээр, хийсэн хэвээр байдаг юм бэ? Диваажин юу ч харахгүй юу? Там юу ч мэдэхгүй юү?

Дэлхийн олон удирдагч, шашны болон шашны бус удирдагч нар зөвхөн өөрсдийн сонирхол, эсвэл саналын тоогоо өсгөхийн тулд энэ бүхнийг дэмжсээр байна! Тэд үйлийн үрийг үнэхээр мэддэггүй эсэхийг би мэдэхгүй нь. Бүх шашин энэ тухай ярьдаг. Үйлийн үр нь хүнд учраас биднийг амь бүү хөнөө гэдэг.

БАХАЙН ШАШИН

“Амьтадын мах идэх түүнэс болж цээрлэл хүлээх нь зайлшгүй тухай бурхан бүтээлээ хийж эхлэх үедээ зааж амьд амьтан болгоны идэх зүйлийг шийдэж өгсөн бөгөөд үүнийг эсрэг зүйлийг зөвшөөрөөгүй билээ”

БУДДИЗМ

“...БҮХ ИДЭГДЭЖ БУЙ МАХ НЬ ТЭДНИЙ ТӨРӨЛ САДАНГУУД ЮМ.” Ланкаватра сутра

“Хүүхэд төрүүлсэний дараа эхэд махаар хоол хийж өгөх зорилгоор ямар ч амьтан алах, хамаатан садангаа цуглуулж архи дарс уух мах идэхийг цээрлэх нь зүйтэй, учир нь хүүхэд төрөх тэр хүндрэлтэй үед маш олон тооны буг, чөтгөр, мангасууд шинэхэн цус амтлах гэж цугласан байдаг ажээ... Огоорлоосоо, эсвэл эсэргүүцэн хэрэглээндээ зориулж амьтдыг алах... Тэд өөрсдөдөө, эх хүүхэд хоёуланд нь хор хөнөөлтэй хараалыг авчирж байна.” ~ Кситарба Сутра

Хүн нас барсаны дараахан болгоомжтой байж, амь таслахгүй, муу үйлийн үр бий болгох,устгахаар, чөтгөр үхэгсэдэд үйлчлэхээр зүйл хийхгүй байх... Учир нь тийм аллага, нядалгаа, үйлчилгээ, өргөл барьц нь НАС БАРАГСДАД ӨЧҮҮХЭН ТӨДИЙ АШИГ ТУСАА ӨГӨХГҮЙ, ХАРИН УРЬД НЬ БАЙСАН ҮЙЛИЙН ҮРД НЬ УЛАМ Ч ИХ ҮЙЛ ҮРИЙГ НЭМЖ УЛАМ ГҮН ГҮНЗГИЙ ЖИНТЭЙ БОЛГОДОГ. Иймээс, ТҮҮНИЙ САЙН ТӨРӨЛ ОЛЖ ТӨРӨХИЙГ ХОЙШЛУУЛДАГ.” Иота гэдэг нь өчүүхэн бага (бараг тэг) гэсэн утгатай. Карма шийтгэл гэсэн үг. ~ Кситарба Сутра

ЦАО ДАЙ ШАШИН

“...хамгийн чухал зүйл бол алахыг зогсоох... Учир нь амьтад бас сүнстэй хүнтэй адил ойлгодог...” ХЭРЭВ БИД ТЭДНИЙГ АЛААД ИДВЭЛ БИД ТЭДЭНД ЦУСАН ӨРТЭЙ БОЛДОГ.” Гэгээнтэнүүдийн сургаал

ХРИСТИЙН ШАШИН

“Ходоодод нь мах маханд ходоод: Гэхдээ Бурхан хоёуланг нь бас тэднийг устгах болно.” Ариун Библ

“Мах аманд нь орж дөнгөж зажилагдаж байхад Бурхан хүмүүсийн эсрэг уур хилэн дүрэлзэн асаж, Бурхан хүн төрөлхтөнийг маш их гай гамшигт автуулжээ. Ариун Библ

ЭСЭНЭС

“Би цустай золиос, цустай баярыг зогсоох гэж ирлээ, хэрэв та нар амьтаны мах цусаар тахил өргөж, идэхээ зогсоохгүй бол Бурханы хараал та нараас хэзээ ч холдохгүй.” Госпел Ариун Арван хоёр

ХИНДҮ ШАШИН

“Та үхсэн амьтадыг буцааж амилуулахгүйгээс хойш та түүний алагдсанд буруутай. Тиймээс та там руу явах болно, танд аврал байхгүй.” ~ Ади лил

Хэн бусад зовлонт амьд биетийг идэж, бас нэгэн амьтаны төрөх эрхийг нь хасаж өөрийн биеэ өсгөхийг хүсэх билээ. Махабарата, Ану

ИСЛАМЫН ШАШИН

“АЛЛА БУСАД АМЬТАДАД ЭНЭРЭНГҮЙ ХАНДСАН ХҮМҮҮСТ ЭНЭРЛЭЭ ХАЙРЛАДАГ.” Хадит

“Өөрийн ходоодоо амьтадын оршуулгын газар бүү болгоцгоо!” Хадит

СИКИЗМ

“Марихуана, мах дарс хэрэглэдэг хүмүүс ямар мөргөл хийж, мацаг барьдаг, ямар ёс заншилтайгаас үл хамаарч там руу унах болно.” Грант Сахи гүрү

ТӨВДИЙН БУДДИЗМ

“Амьтаны амь тасалсан хүнсийг өглөг болгон өгч байгаа нь ээжид нь өөрийн төрсөн хүүхдийнх нь махыг өгч байгаатай адил зүйл ба энэ нь эмгэнэлт нүгэл юм.” ~ Дисайрлэшин Гэгээн зам

Гэх мэт...

Эд бол хэдхэн жишээнүүд. Илүү дэлгэрэнгүй мэдээллийг, дараах хаягаар авна уу: SupremeMasterTV.com/scrolls

Гэтэл бид энх тайвны төлөө залбирсаар, хэлэлцээр хийсээр их удаж байгаа ч хэрэгжээгүй л байна. Энх тайван хараахан бүрэн тогтоогүй байна. Энх тайвныг нутаг дэвсгэр, эд хөрөнгөөр наймаалан, яг л бизнес хийж буй мэт хэлэлцэж, газар нутаг, аливаа өмч хүний аминаас илүү үнэтэй мэт байх юм. Ийнхүү наймаалцаад л аллагаа үргэлжлүүлээд л, өөрийн хүмүүсийг ч, өрөөлийн хүмүүсийг ч хороосоор байна.

Ай, иргэний болон шашны удирдагчид аа, та нар ард түмнээ хаашаа хөтөлж байна вэ?! Тэд та нарт итгэж байна, гэтэл бид хаашаа явж байна вэ? Тэгэх зуураа та нар ширээн дээрх юу хамаагүй амьтан-хүмүүсийн заваан сэг зэмийг хээвнэг идэж, өдөр болгон энэхүү аллагын үйлдвэрлэлийн нэг хэсэг нь болж байхдаа сэжиг жигшил ч үгүй, өчүүхэн ч гэмшил мэдрэхгүй байна. Тэр бүү хэл цуст үхлийн өмхий үнэрийг таашааж байна! Тиймээс бид хэнийгээ буруутгах вэ?

Шашин бүр л “юу тарина түүнийгээ хураана” гэдэг. Юу ч хийсэн хариу нь эргээд ирдэг.

Эйнштейн хүртэл хэлэхдээ хүн нэг зүйлийг хол шидчихээд тэндээ хангалттай удаан байвал өөр дээр нь эргээд ирдэг гэсэн. Түүний хэлэхийг хүссэн зүйл гэвэл үйлийн үрийн хууль ямар ч шашинд адилхан. Хэдийгээр тэр шүтлэгтэй, ариун хүн гэдгээ илчлээгүй ч, тэгж харагддаггүй байсан ч тийм байсан. Тэр хамгийн том шашнуудын хамгаас ариун олон хүнээс илүү үйлийн үрийн хуулийг ойлгодог байсан.

Будда хүртэл нигүүлслийг мөнхөд онцолдог байсан. Гэтэл тоймгүй олон лам хувраг тахиа-хүмүүсийг залгиж, загас-хүмүүсийг тасчин иддэг. Гахайн мах, үхрийн мах ер юу ч байсан бүгдийг нь иднэ. Католик шашин, ислам гээд бусад шашныхан ч мөн адил.

Намайг уучлаарай, гэхдээ шуудхан хэлсэндээ харамсахгүй. Би үнэнийг ярихаа больчихвол юу болох вэ? Бизнес, харилцаа, улс төр гэх мэт салбарт илүү ашиг олохын тулд бид бүгд чихэнд чимэгтэй, бялдууч үг сонсож, бусдыг үргэлж зөвшөөрөн толгой дохиж байхыг хүсдэг. Харин энэ нь бидний нэр төр, жудагт нийцэх зам биш юм. Бид хүн байх ёстой. Зөвхөн хүн төрөлхтөнд гэлтгүй бүх зүйлд найрсаг энэрэнгүй хандах ёстой. Гэтэл бид хүн төрөлхтөнд ч эелдэг, нигүүлсэнгүй хандаж чаддаггүй. Өөр зүйлийг ярилтгүй. Энэ дэлхий юу болох нь энэ вэ? Бидний хүнлэг чанар хаашаа алга болчхов оо? Соёлт хүмүүний нэр төр хаачаа вэ? Хаана байна?

Бид хүчтэй, том, эрх мэдэлтэй, шимтэй хоол хүнс бүгд байгаа атлаа амь голтой, хөдөлж явдаг, сул дорой, өөрсдийгөө хамгаалж чадахгүй амьтан төрөлтнүүдийг хэрчин хоолойгоороо давуулж ховдоглосоор байдаг. Бид үүнээс илүү эрхэм ариун байх учиртай. Илүү хайр энэрэлтэй, нинжин байх учиртай. Бид тийм байх ёстой. Учир нь бид бол хүмүүс. Бид оюун ухаантай, Эрхэм Ариун Чанартай. Бид шаналж, гуниглахыг мэдэрдэг зүрх сэтгэлтэй. Бусад төрөлтнүүд, бусад хүмүүсийн зовлон шаналлыг үл тоож яаж чадах юм бэ? Яаж мэдрэхгүй байх юм бэ? Хэрэв хуруугаа бага зэрэг зүсчихвэл өвдөөд, цус гардаг шүү дээ. Тийм байж бусад хүмүүс болон амьтан-хүмүүст яаж үүнээс илүү харгис хандаж зүрхэлнэ вэ?

Бурхан бидэнд зориулж маш их хоол хүнс бэлдэж өгсөн, мөн одоо бид маш ухаантай, эрт дээр үеэсээ хавьгүй илүү чадвартай болсон. Бид илүү их ногоо тарьж гэдсээ цатган, бие махбодоо тэтгэж, дэлхийдээ улам илүү сайн сайхныг бүтээж чадна. Амьдралаа илүү тухтай болгохын тулд илүү олон зүйл зохион бүтээж чадна. Орчин үед бид амьдралаа илүү аз жаргалтай, тухтай, илүү хялбар болгоход ашиглаж болох асар өндөр технологийн төхөөрөмжүүдтэй болсон. Гэтэл бид энэ бүх оюун ухаан, энэ бүх эрх мэдэл, энэ бүх давуу талаа аллага үйлдэхэд ашигладаг. Өдөр бүр дайн болж байна. Нялхсын хувьд, ургуудын, амьтан төрөлтнүүд, бүр зэрлэг амьтдын хувьд хүртэл өдөр бүр дайн болж байна. Хэдийгээр тэд ширэнгэн ой, ой мод, далайн гүнд амьдардаг ч тэднийг агнасаар, алж идсээр байна.

Өдрийн амьдралд тань ганц минут гарвал энэ тухай бодож үзээрэй. Тэдэнд ямар байдгийг бод. Үнэхээр хангалттай адис буян болох жимс, ногоо, амтлах мэдрэмжийг хангах ногооны уураг хүртэл байж, Бурханаас хайрласан биеийг маань хүчирхэгжүүлсээр байхад ийм юм хийж байх ямар албатай юм гэдгээ бодоод үз. Гэтэл Бурхан танд дахиад нэг хүүхэд өгөхөд хороочихдог. “Намайг бүү алаач.” гэж гэж хэлэхээс нь ч өмнө, бүр ярихаас нь өмнө, царайг тань харахаас өмнө амьдрах боломж олгож, хүний заяа хайрлаж, энэ бүх сайн сайхан, аз жаргалыг та бүхэнтэй хамт мэдрэх боломж олгосны төлөө та нарт талархахаас нь өмнө хороочихдог! Яаж ингэж чадна вэ?

Photo Caption: Эрх Чөлөөтэй, Амар Амгалан Амьдралын Төлөө БУРХАНД Талархацгаая

Зураг татаж авах